احتاج برنامج سياحي لمدة 10 ايام باريس - الصفحة 2

fanda · 17-10-2015, 01:32 PM

ما قصر مشرفنا في الشرح
فكر في رحلة جنيف لانه راح تضيع عليكم الوقت
اذا الهدف زيارة دوله ثانيه فشرايك ببلجيكا بروكسل تحديدا
ليلة وحده كافيه بس الفرق انه تقدر تروحها بالقطار رحلة ساعه وثلث وأنته واصل وكل الي عليك توصل قبل موعد القطار بربع ساعه كافيه بس رحلات الطيران لازم عالاقل ساعه ونص قبل الرحله وهذا راح يضيع من وقتكم

وجهات أوروبية · 17-10-2015, 01:37 PM

اقتباس : المشاركة الأصلية كتبت بواسطة jacksparrow

مشكور اخوي ماقصرت الصراحه كفيت او وفيت

انه الاماكن الى ذكرتها بالاخير راح اروحها اذا صار عندي مجال بالوقت وماكنت مضغوط .. انزين الحين السؤال المهم احتاج منك بس الخارطه الى امشي عليها على كل يوم لانه راح تسهل عليه المهمه كثير ...

العفووو اخوي ماسوينا الا الواجب

شوف بعد اقتراح مشرفتنا ام ريم بخصوص بروكسل اذا تناسبك لتوفير الوقت
اما اذا خاطرك واجباري بالنسبه لك تروح جنيف هذا راجع لك

اي انت روح الاماكن الي ثبتناها
والاماكن الثانيه حسب الوقت
وانا احتياطا راح اضيف محطات المترو القريبه منها عشان لو بغيت تروحها تكون عارف وين تنزل

بالنسبه للخارطه ان شاء الله ابشر راح اجهزها ان شاء الله

بالتوفيق ان شاء الله

jacksparrow · 17-10-2015, 03:05 PM

اقتباس : المشاركة الأصلية كتبت بواسطة fanda

ما قصر مشرفنا في الشرح
فكر في رحلة جنيف لانه راح تضيع عليكم الوقت
اذا الهدف زيارة دوله ثانيه فشرايك ببلجيكا بروكسل تحديدا
ليلة وحده كافيه بس الفرق انه تقدر تروحها بالقطار رحلة ساعه وثلث وأنته واصل وكل الي عليك توصل قبل موعد القطار بربع ساعه كافيه بس رحلات الطيران لازم عالاقل ساعه ونص قبل الرحله وهذا راح يضيع من وقتكم

اهااا .. انه قبل كنت افكر اروح بلجيكا بس لاحظت جنيف اجمل من ناحيه الطبيعه بس هذا الخيار بشوف اهو ادا بطلع من باريس الى بروكسيل راح ياخذ جم بالقطار ؟

انه قبل فكرت انه اروح بروكسيل وبعدين براقس لانه المسافه قريبه بينهم ... تنصحوني يعني اغير بدال جنيف الى بلجيكا ؟

jacksparrow · 17-10-2015, 03:12 PM

اقتباس : المشاركة الأصلية كتبت بواسطة fanda

ما قصر مشرفنا في الشرح
فكر في رحلة جنيف لانه راح تضيع عليكم الوقت
اذا الهدف زيارة دوله ثانيه فشرايك ببلجيكا بروكسل تحديدا
ليلة وحده كافيه بس الفرق انه تقدر تروحها بالقطار رحلة ساعه وثلث وأنته واصل وكل الي عليك توصل قبل موعد القطار بربع ساعه كافيه بس رحلات الطيران لازم عالاقل ساعه ونص قبل الرحله وهذا راح يضيع من وقتكم

اقتباس : المشاركة الأصلية كتبت بواسطة qa6ar911

العفووو اخوي ماسوينا الا الواجب

شوف بعد اقتراح مشرفتنا ام ريم بخصوص بروكسل اذا تناسبك لتوفير الوقت
اما اذا خاطرك واجباري بالنسبه لك تروح جنيف هذا راجع لك

اي انت روح الاماكن الي ثبتناها
والاماكن الثانيه حسب الوقت
وانا احتياطا راح اضيف محطات المترو القريبه منها عشان لو بغيت تروحها تكون عارف وين تنزل

بالنسبه للخارطه ان شاء الله ابشر راح اجهزها ان شاء الله

بالتوفيق ان شاء الله

ماتقصر ياخوي الله يعافيك ... في انتظار الخارطه

مجرد سؤال بسيط الحين فرضا بخصوص القطار تنصحوني اشتري اي بطاقة ولازم لكل فرد عندنا بطاقه صح انه شاهدت الموضوع تبع المترو حق اختنا fanda بس مافهمت عدل ..

الحين فرضا اشتريت بطاقة الاسبوعية او سواء paris visitie الحين ادا بطلع من محطة passy فرضا وبروح محطة cite الالوان تختلف الاول لونه اخضر والثاني لونه وردي

انزين عندي البرنامج مال الميترو انه يطلع عندي
Passy
Line 6 Nation دائرة خضره مكتوب عليها 6
دائرة بيضه Montparnasse - Bienvenue مو مكتوب عليها رقم
Line 4 Porte de Clingnancourt دائرة وردية غامقه مكتوب عليها 4
Cite

ويطلع عندي مكتوب انه راح تاخذ 21 دقيقه , وتمر اب 13 station او 2 lines

ممكن احد يفهمني شلون الطريقه ... فرضا اول شي اشتري paris visite او paris navgito تبع الخمسة الايام او ال7

بعدين بطلع من passy بروح cite شلون الخطوات ؟ يعني مجرد احط البطاقة على المكان الى يمرون فيه وبعدين اركب القطار ويوديني عدة محطات وانه انزل المحطة الى ابيها ؟ من غير ماسوي شي غير ؟

الصراحه ضايع ومعقدني موضوع الميترو

وجهات أوروبية · 17-10-2015, 03:14 PM

اقتباس : المشاركة الأصلية كتبت بواسطة jacksparrow

اهااا .. انه قبل كنت افكر اروح بلجيكا بس لاحظت جنيف اجمل من ناحيه الطبيعه بس هذا الخيار بشوف اهو ادا بطلع من باريس الى بروكسيل راح ياخذ جم بالقطار ؟

انه قبل فكرت انه اروح بروكسيل وبعدين براقس لانه المسافه قريبه بينهم ... تنصحوني يعني اغير بدال جنيف الى بلجيكا ؟

هلا اخوي
الطبيعه في جنيف ماراح تفيدك
لان الدنيا ثلوج ومافي خضار والشجر ميت
لان وقت السفر في ديسمبر

وبروكسل تنفع ليوم واحد تقضيها في ساحه الغراند
والمنطقه حول مجمع الستي2

بالنسبه للقطار مافهمت قصدك جم

هل قصدك المسافه
او سعر التذاكر

وجهات أوروبية · 17-10-2015, 03:16 PM

هههههه اخوي لاتشيل هم المترو
انا بشرح لك المترو بالتفصيل الممل ان شاء الله

بس الي ابغي اقول لك الحين

ان اذا خذت البطاقه الاسبوعيه
هي معناته تتنقل داخل باريس في زون 1-3 بكامل الحريه
تغير اللون او رقم الخط براحتك
تنزل وتركب من القطار بأي محطه او لون او رقم بنفس البطاقه
او تقضيها طول اليوم تنقلات بجميع المحطات ماعندك مشكله

الحين طالع مشوار وارجع واشرح لك موضوع المترو ان شاء الله

تحياتي

fanda · 17-10-2015, 03:28 PM

جنيف وبروكسل ما راح تشوف شي من الطبيعه
ديسمبر برررررد بروكسل يمكن ثلوج فيها

المترو سهل وما يبيله شي
ممكن في البداية حوسه شوي بس مع التجربه بتشوف انه ولا اسهل
اذا شريت البطاقة تروح للمترو المحطه الي عند فندقك الي هي اللون الأخضر حسب المثال الي انته ذاكره
من محطة pass مافي خط مباشر الى cite لكن تقدر توصلها بتغيير القطار في محطة مونتبرانس والي أهي الدائرة البيضه ( نقطة تحويل) يعني لما توصل مونتبرانس تنزل من القطار الاول وتتبع اللوحات داخل المترو عشان تركب الخط الثاني البنفسجي الي راح يوصلك الى هدفك وهي محطة cite
كل هالعملية راح تصير وأنته داخل محطات المترو

jacksparrow · 18-10-2015, 06:17 PM

اقتباس : المشاركة الأصلية كتبت بواسطة qa6ar911

هههههه اخوي لاتشيل هم المترو
انا بشرح لك المترو بالتفصيل الممل ان شاء الله

بس الي ابغي اقول لك الحين

ان اذا خذت البطاقه الاسبوعيه
هي معناته تتنقل داخل باريس في زون 1-3 بكامل الحريه
تغير اللون او رقم الخط براحتك
تنزل وتركب من القطار بأي محطه او لون او رقم بنفس البطاقه
او تقضيها طول اليوم تنقلات بجميع المحطات ماعندك مشكله

الحين طالع مشوار وارجع واشرح لك موضوع المترو ان شاء الله

تحياتي

انه افكر اخذ البطاقة الاسبوعيه بس في نوعين صح paris visitie او paris navigito اهو الاولى لاحظت اغلى والثانيه ارخص بس المشكله الثانيه تكون شغال من يوم الاثنين كانه الى يوم الجمعة او السبت

يعني اي وحده تنصحني اشتري الاولى ؟ paris visitie وبحتاجها تكون من زون 1 الى 5 او 6 حتى اقدر اروح بعدين ديزني لاند وفريساي وغيره من دون اي مشاكل ..

اي والله ياريت تشرحه في انتظار الخارطه مع شرح الميترو ..

jacksparrow · 18-10-2015, 06:19 PM

اقتباس : المشاركة الأصلية كتبت بواسطة fanda

جنيف وبروكسل ما راح تشوف شي من الطبيعه
ديسمبر برررررد بروكسل يمكن ثلوج فيها

المترو سهل وما يبيله شي
ممكن في البداية حوسه شوي بس مع التجربه بتشوف انه ولا اسهل
اذا شريت البطاقة تروح للمترو المحطه الي عند فندقك الي هي اللون الأخضر حسب المثال الي انته ذاكره
من محطة pass مافي خط مباشر الى cite لكن تقدر توصلها بتغيير القطار في محطة مونتبرانس والي أهي الدائرة البيضه ( نقطة تحويل) يعني لما توصل مونتبرانس تنزل من القطار الاول وتتبع اللوحات داخل المترو عشان تركب الخط الثاني البنفسجي الي راح يوصلك الى هدفك وهي محطة cite
كل هالعملية راح تصير وأنته داخل محطات المترو

انه الله يسلمج بوصل يوم الاربعاء تاريخ 9 ديسمبر يعني تنصحيني اشتري اي بطاقة ولازم تكون حق كل واحد بطاقة صح ؟

انزين ادا ركبت القطار ولاحظته يمشي شلون بعرف اهو بضبط في اي محطه وقف وبعدين مره ثانيه بيمشي كم تكون فترة النزول ومره ثانيه حق يمشي هل تاخذ وقت لو بسرعه ؟

يعني اركب القطار وانتظر للين مايوصل للمحطه الى ابيها ؟ وبعدين في النقطه البيضاء الى اهيه تغير القطار فرضا نزلت من القطار شلون اعرف النقطه البيضاء او القطار تبعها بكون في وين او متى يوصل وغيره !

وجهات أوروبية · 19-10-2015, 04:22 AM

اقتباس : المشاركة الأصلية كتبت بواسطة jacksparrow

انه افكر اخذ البطاقة الاسبوعيه بس في نوعين صح paris visitie او paris navigito اهو الاولى لاحظت اغلى والثانيه ارخص بس المشكله الثانيه تكون شغال من يوم الاثنين كانه الى يوم الجمعة او السبت

يعني اي وحده تنصحني اشتري الاولى ؟ paris visitie وبحتاجها تكون من زون 1 الى 5 او 6 حتى اقدر اروح بعدين ديزني لاند وفريساي وغيره من دون اي مشاكل ..

اي والله ياريت تشرحه في انتظار الخارطه مع شرح الميترو ..

مرحبا اخوي بالنسبه للبطاقتين وايهما افضل بالنسبه لك

انت وصولك الى باريس يوم الاربعاء
يعني لو حسبنا وصولك يوم الاربعاء الى الاحد راح تستخدمها 5 ايام

يعني راح توفر بالمبلغ في هالحاله لو اخذتها

بس لازم تحط في بالك انهم محتاجين صور بحجم معين وبدون قبعه او اي شي على راسك

وعندهم في مكان التذاكر مكان للتصوير ان بغيت بسعر 4 يورو

والبطاقه عليها رسوم 5 يورو

يعني لو بتصور عندهم + رسوم البطاقه = 9 يورو

سعر paris navigito لمده اسبوع لزون 1-5 = 35.40
سعر التصوير ( بأفتراض التصوير عندهم ) = 4 يورو
سعر رسوم بطاقه الاصدار = 5 يورو

المجموع : 44.4 يورو

الحين نجي للبطاقه paris visitie
ونقارن سعرها بالنسبه لوقت وصولك

لو اخذتها لمده خمس ايام لزون 1-5

سعرها = 67.40

يعني لو تاخذ بطاقه paris navigito راح توفر خلال نفس المده 23 يورو للشخص

يعني انصحك تاخذ paris navigito لزون 1-5
وهذي شامله كل الاماكن السياحيه في وسط باريس + دزني لاند + قصر فرساي + مطار شارل ديغول + مطار اورلي

وبدون اي مشاكل ان شاء الله

للمعلومه العامه فقط :

بطاقه paris navigito طبعا المعروف انها تبأ من يوم الاثنين من كل اسبوع

ويبدأ الشراء عليها من يوم الجمعه
لكن تستخدمها يوم الاثنين

يعني لو انت في بلادك وحاب تشتري البطاقه الاسبوعيه paris navigito ليوم الاثنين الاسبوع القادم
ماتقدر تشتريها الا من يوم الجمعه او السبت او الاحد وتبدأ في تفعيل البطاقه يوم الاثنين وتستخدمها
اما اذا شريتها من يوم الاثنين او الثلاثاء او الي بعده عادي تشتريها وتكون جاهزه للأستخدام بنفس الوقت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاج برنامج سياحي 25 يوم في باريس	GhssanM5	بوابة فرنسا	41	01-09-2019 12:53 AM
جدول سياحي 3 ايام باريس	شوق فهد	بوابة فرنسا	3	02-08-2015 04:02 AM
احتاج خبراتكم في تخطيط رحلتي لمدة 12 يوم	alprince262	تركيا	8	20-05-2015 09:07 AM