ننتظرك يامتأملتنا الغالية

" باريسُ " إنَّ الصباحْ

أطلَّ فألقى عليكِ الوِشاح

وضمَّكِ تحتَ خَضيبِ الجَناح

وألفاكِ غافيةً فاستراح








رحلتنا كانت الساعة 12 بالليل
طلعنا المطار ورحنا نغلف الشنط
نحاول نقلل من الإصابات



دخلنا الصالات والمكان فاااااضي
وين العالم وين الناس



قعدنا حوالي ساعة وبعدها الدنيا ازدحمت

ودخلنا الطيارة
والناس نامت
وإحنا مو قادرين ننام




والحمد لله وصلنا اعتقد على الساعة 6 ونص صباحاً
والمطار شبه فاضي



كنا ناوين نأخذ شرايح جوال
بس من التعب ماقدرنا



استلمنا عفشنا وطلعنا نأخذ تاكسي
الجو بااااااارد درجة الحرارة 7
والسماء سبحان الله كلها خطوط من الطيارات
المنظر مره جميل




وركبنا التاكسي
والواضح من الدبدوب والورد إن السائق حرمه




أعطيتها اسم الفندق والإحداثيات واللوكيشن
ولما وصلنا
قلت لزوجي مو هذا المكان
هذا فرع ثاني
فقالت لنا الحرمة
انتظروا لا تنزلون لحد ما أتأكد من المكان
طلع اداجيو (لاديفانس كليبر)
ووصلنا للمكان الصح
ونزلتنا في مواقف داخليه
وأشرت لنا على الطريق الي نروح معاه لان السيارة ماتدخل
و سعر التاكسي من المطار للفندق (75 يورو)
وشفنا لوحة الفندق بس ما شفنا مدخل
ما فيه إلا باب مسكر



ولفينا من الجهة الثانية قلنا يمكن هذا الباب الخلفي
ولا فيه شي
وبما ان الوقت بدري ما فيه ناس بالساحة
انتظرنا لحد ما مر احد وسألناهم وين المدخل
الي ما يعرف .. والي يقول هذا هو
وأخيرا مرت وحده وسألناها
قالت انتم معكم حجز فقلنا لها ايه معنا حجز
قالت طيب تعالوا
ووقفت عند الباب ودقت الجرس ههههههه
طلع فيه جرس واحنا ما نعرف
المهم سألوني باسم مين الحجز
وفتحوا لنا الباب
.
.
.
كنت مراسلة الفندق قبل الوصول انه وصولنا بدري اذا فيه إمكانية
الشيك إن قبل مواعيده الي هي الساعة (12)
ردوا لي انه ما نقدر نضمن لك
.
.
.
ودخلنا على أساس بناخذ يوم إضافي لأننا مررررره مرهقين
قالت لنا الموظفة من حظكم الغرفة جاهزة
وعلى السرير مباشرة ههههههههه

بعدها صحينا وصلينا وبدلنا وطلعنا
وعلى المترو



هذي التذاكر وأنواعها وأسعارها



أخذنا باريس فزيت
والفرق بين النوعين على حسب فهمي
أن باريس فزيت تحسب المدة من تاريخ الاستخدام
اما نافيغو تبدأ وتنتهي بأيام محدده (تبدأ الاثنين وتنتهي الاحد)
ونافيغو الارخص



ولدي جنني مع الات المترو لازم يشتري في الروحه والرجعة
و آلاتهم تعباااانه تاخذ العملة ومايطلع الطلب ويجلس يضيع وقتنا إلا يبي ياخذ





كانت معي خريطة حصلتها بالبحث في قوقل
فادتني كثير الله يجزاه خير الي سواها
طول الرحلة وإحنا نردد "خريطة يوكو" "خريطة يوكو"
بالرغم من انها مو واضحه بس استفدت منها كثير



وكنت ناوية اعيد صياغتها من جديد وفعلاً بديت فيها
لكن وانا اتصفح المنتدى لقيت مشرفنا المسافر مسويها
جزاه الله خير
هذي هي



وهذا موضوعه

باريس - اسماء وارقام محطات المترو والمعالم السياحية بالصور



وحددنا وجهتنا واتجاه المترو



وعلى وين رايحين ؟
.
.
.
.
أكيد على الشانز



هذا برنامج اليوم الاول






قوس النصر وساحة الكونكورد
وبينهم الشانز



وهذي اهم الاماكن في الشانز





نزلنا عند محطة Charles de Gaulle Étoile
عند قوس النصر تماماً
وبداية الشانز




قوس النصر تم بنائه بطلب من نابليون بونابرت تخليد لانتصارات الجيوش
ونقش على جدرانه الداخلية أسماء القادة العسكريين المشاركين في هذي الحروب
وأسماء الحروب التي انتصروا فيها



السفارة القطرية قريبة من قوس النصر
موقعها استراتيجي




من العروض في الشانز



عروض مالها داعي
يحرك رجله اليمين وبعدين اليسار ويأخذ له دوره هههههه


قسم الحلويات في مطعم ماك




بيجو




الشانز




وخلاص هلكنا الجوع
وبما انه الرحلة رحلة الدجة هههه
يعني رحلة بدون تخطيط حتى المطاعم مارحت للمطاعم الي في القائمة
الي نحصله في طريقنا ندخل
سألنا وين مطاعم كويسه وقريبة
قالوا في اللفة
ولفينا
اذكر واحد مسمي هالشارع "شارع العصارات" لأنه مليان مطاعم
والي مايعرف شارع العصارات
هذا شارع قديم بالرياض زي شارع التحلية بس تحلية الطيبين ههههه


وحصلنا مطعم انتركوت بس زحمة
شوفوا كيف الناس طالعة برى



وهذا الفرع يفتح الساعة 7 المساء


ورحنا لمطعم مقابل له




طلبت (Chicken with potatoes)
.
.
.
وكنت اضن وكنت اضن
وخاب ضني

طلع نص دجاجة
ناقصني بس كيس بخاري ورأس بصل




وكان الأكل عادي
والتعامل سيء
لو محنا جوعانين كان تركناه


وبعدها رجعنا نكمل الشانز
ولقينا مطعم pizza pino




وطلع جنبة فرع ثاني لانتركوت يفتح 11,30 الصباح

وعلى كلام الناس إن "انتركوت 2" شارع العصارات ههههه
افخم من "انتركوت 1"


متجر أبركرومبي

ماركة أمريكية



جذبني متجرهم من برى على بالي متحف
مادخلته بس جلست أصور المدخل



بعدها عرفت إن هالمتجر له سياسة خاصة
في هيئة الموظفين ولبسهم
ولو ادري قبل كان دخلت اشوف ايش الهرجة ههههههه

باب المتجر




طلعنا من المتجر ولقينا هالكافية






بعدها طلعنا بالمترو
من محطة Franklin D. Roosevelt
تعتبر وسط الشانز تقريباً
لساحة الكونكورد



ذكرتني بساحة السلطان احمد في اسطنبول .. (قلب مكسور)


يتوسط الساحة مسلة مصرية إهداء من خديوي مصر
و تزينها مجموعة نوافير وتماثيل
ترمز لبعض المدن الفرنسية

تمثال ستراسبورغ



وش رايكم بالاحتراف بالله مو كأنها صورة بطاقات محلات الهدايا هههههه


وهالميدان كان مكان لتنفيذ حكم الإعدام ببعض الشخصيات المهمة
منها الملك لويس السادس عشر والملكة ماري أنطوانيت



ما طولنا في الساحة تعبنا
و رجعنا للفندق

وسألنا الريسبشن عن سوبرماركت ومحل اتصالات
قالوا عند محطة الاديفانس
والموظفة في الريسبشن
عربية الله يسعدها جداً متعاونة

وصلنا للمحطة ولقينا هالسوق



انا على بالي انه مول الفصول الأربعة
واقول في نفسي ايش هالمول الي كانه مواقف سيارات
بعدين اكتشفت انه مجموعة محلات ومطاعم بوسط محطة المترو هههههه




وزوجي راح يأخذ شرايح جوال
من اورانج



سعرها 9 يورو وشحنها ب 10 يورو فيها 500 ميجا بايت نت و12 دقيقة اتصال
وتشتغل في سويسرا ... كلام زوجي أنا ما اعرف


وأنا رحت للسوبرماركت
عنده اشياء حلوه خصوصاً المخبز
مالحقت اصوره
صورت مطعم ماك بداله شكله الراعي الرسمي لتقريري هههههه




وانتهى اليوم الطويل

يوم جميل مع نشاطات خفيفة من تعب السفر

هذه مشكلة الخطوط السعودية لرحلات باريس توصل بدري يعني 8 صباحا بالكثير وانت واقف على راس الريسبشن

وعاد يبدا الكلام المعسول والاستلطاف والاسترحام خاصة بوجود الأطفال وانت وحظك يا عالغرفة يا عالشارع وتعال الظهر

حظك حلو زهرة ما شاء الله استفدتي من الدخول بدري وتمشيتي اول يوم


متابعين

ماشاء الله الصور روعه وابداع


كيف كان التعامل باللغه هل الانجليزي يمشي والا لازم فرنسي

الحمد لله عالسلامه زهره ومرحبا بك في باريس
لاديفانس من اجمل الاماكن الباريسيه لكن زي ما قلت بعد الساعه 6 تقفل كلها لانها اغلبها شركات
بدايه رائعه وممتعه وسجليني متابعه

حلقة ممتعة وصور رائعه

عاد الشانز شارع ضروري الروحه له


لو في راسي شوية معلومه

الصور ذي تضيعها

ياحلو باريس
زهرتنا الشانز سهرات وتمشي لنص الليل
ليش ماتروحون من اللاديفانس بالمترو خط واحد ؟؟
قعدوا واستانسوا ورجعوا متى ما حبيتوا

المحل الامريكي A&F يحبونه عيالي ووقفوا عنده كان طابور
وانا انطرهم بره

الاكل باقي على هالديايه يحط لج عيش كبسه خخخ
يعطيج العافيه

تابعين للجمال الباريسي