تأملات باريسية 2015

زهرة نيسان · 18-11-2015, 08:46 AM

أي سحر رائع بعد الغروب، كامن في ضفة «السين» الخصيب
عكست أضواء باريس نجوماً على صفحة ليست تغيــب

اليوم هذا يوم حافل
صحينا بدري ونزلنا نفطر في المطاعم الي تحت الفندق

وهذا برنامجنا لليوم

جولة في نهر السين
برج ايفل
قصر فرساي

طبعاً هالبرنامج مضغوط
لان قصر فرساي
لحاله دولة هههههههه

بدينا اليوم بجولة النهر

هذا خط سير الجولة

وفيه كذا شركة وكذا مكان للجولات
منها عند برج ايفل
وجسر الما ونوتردام
وفيه جولات بالنهار وباليل
وبعض الجولات مع وجبة

وهذي اسماء بعض الشركات وموقعها مع الاسعار

غضوا النظر عن ترجمة قوقل اهم شي الفايدة

أقفال الحب

وكانت الاخبار تقول انهم شالوا الاقفال من كل الجسور
لكن جينا والاقفال زي الرز هههههه

برج ايفل
ركزوا فيه كورة معلقة
مكتوب عليها
roland garros
شكل كان عندهم بطولة تنس

اجمل جسور باريس جسر الكساندر الثالث

شوفوا هذولي ماخذين راحتهم على النهر

المكان هذا اسمه
شاطي باريس الصناعي
Paris plages

بلدية باريس في كل صيف تعبي هالمكان بالرمل
ويحطون نخل وكراسي ومظلات ومرشات مويه
والله فكرة حلوة

وفيه خدمة باتو باص (Batobus)

نفس فكرة الباص السياحي بس عن طريق النهر
وتوقف في 8 اماكن سياحية
وبنفس المكان ممكن تأخذ التذكرة

هذي الاماكن الي توقف فيها

بعده ماخلصت الجولة
رحنا لأقرب محطة رير الخط الاصفر ( C)
عشان قصر فرساي لأنه خارج باريس

الرير حسيت استخدامه صعب مو مثل المترو
حدد اتجاهك ومحطة الوصول واركب وانتهينا
الرير لازم تشوف القطار الصح وله وقت محدد

وهذا موضوع موضوع مشرفتنا ام ريم عن المترو والرير

http://www.arabtrvl.com/vb/t1435.html

محطات الرير تختلف عن محطات المترو
محطات الرير كبيرة وكذا تعطيك احساس إنك في قلعة ههههههه

مناظر من الطريق

من بعد ماتطلع من محطة الرير تحتاج شوي مشي عشان توصل للقصر
الصراحة تعبنا واحنا نمشي ههههه

وأخيراً وصلنا

والتذاكر تحصلونها في المبني الي على اليسار اول ما تدخلون
وهذا مكانها

والتذاكر فئات
تذكرة شاملة لكل اجزاء القصر اعتقد ب 18 يورو
وتذكرة ثانية غير شاملة ب 15 يورو
والي اعمارهم اقل من 18 سنة الدخول مجاني
بس لازم اثبات
وممكن تشتري التذاكر من المكائن اقل زحمة
واطلب منهم خريطة القصر باللغة العربية

وفيه عند المكائن اشخاص ممكن يساعدونك
احنا صادفنا واحد مرررره كيوت
تراه رجال كبير هههههههه
غاية في اللطف والبشاشة
اسأله بالإنجليزي ... يرد علي بالعربي
بس مو اي عربي عربي مشبك هههههه

وبعد ما أخذنا التذاكر ورحنا بوابة الدخول
شيء لا يعقل طوابير خيالية
هذا واحنا حاطين في بالنا مانروح في الويك اند

شوفوا كيف هذا الصف الطويل
فيه واحد ثاني نفسة يعني تأخذ الصف اليمين ويعدين يلف فيك يسار

الحمد لله ان الجو كان غيم
وبالنظام كل شي يمشي بسرعة
مو مثل عندنا يرتفع ضغطك وانت تشوف العالم تسقط عليك

وهذا اول مادخلنا

اسم قصر فرساي مرتبط بماري أنطوانيت

ملكة فرنسا صاحبة المقولة المشهورة

"إذا لم يكن هناك خبزٌ للفقراء.. دعهم يأكلون كعكاً"

طبعاً هالمقولة مافيه شيء يأكد انها هي صاحبتها
لكن فيها من الحقيقة الشيء الكثير
لان ماري انطوانيت كانت منغمسة في الملذات
وصرف الاموال على الحفلات
وما تدري عن اللازمة المالية للبلد

وبالرغم من كره الفرنسيين لها
إلا انها كانت من أشهر "نجوم" الثورة الفرنسية
وكان فيه كثير من الاعمال الي تتكلم عن قصتها
منها

افلام كرتون
ليدي اوسكار

خريطة اقسام القصر

هالخريطة لقيتها في رد من ردود مشرفنا ابو سعد

اول ماتدخل القصر فيه تماثيل ومعلومات

شوفوا جمال القصر
ما كأنها حقيقة

طبعاً ماطولنا فيه رحنا ندور الباب الي يطلع على الحديقة هههههه

وهذي خريطة الحديقة

طلعنا ووقفنا في صف ثاني عشان القطار الي يلف فيك بالحديقة
وبيني وبينكم انا خلاص وصلت حدي وطفشت و باقي شوي واعصب
بس مجرد ركبت القطار وشفت اول منظر
انغسل كل الغضب
ولو الوقت يسمح كان خليت يوم كامل له

مكان لتأجير القوارب في البحيرة

وفيه سيارات القولف بعد تتأجر
بس اضن لازم تكون معك الرخصة

كان فيه كثير طلاب مدارس كبار وصغار

وهذا مطعم او كافيه

أَعْطِنِي حُرِّيَّتِي أَطْلِقْ يَدَيَّا ................ إِنَّنِي أَعْطَيْتُ مَا ٱسْتَبْقَيْتُ شَيَّا
آهِ مِنْ قَيْدِكَ أَدْمَى مِعْصَمِي ................ لِمَ أُبْقِيهِ وَمَا أَبْقَى عَلَيَّا

وهذا المكان الي سلب فؤادي وعقلي وكل جوارحي

وبعدها طلعنا والجوع مقطعنا لدرجة اني ما اذكر ايش اكلت
بس المهم انه في المطاعم الي حولين منطقة القصر
و رجعنا للفندق نريح شوي

ونطلع نكمل الجولة
ونلحق على برج ايفل قبل الغروب

واخذنا التذاكر والحمد لله ما كان زحمة

وكان توقيتنا خيال حضرنا الغروب وحضرنا عرض الانوار

ساحة الشامب دي مارس

ساحة التروكاديرو

نهر السين

جماااااااااال

لقطة متعوب عليها كويس ما طحت

وهذي بداية عرض الانوار

وهذي صورة بنفس الموقع الاول عند الشجر بس ليلية

ذبحونا الافارقة البياعين
بعد ما يأسوا منا
قاموا يرمون كم كلمة عربية كل وحدة مالها علاقة بالثانية هههههه

ورحنا ندور على مكان نتعشى فيه

ووقع الاختيار على هذا المطعم
اكله يعني يمشي الحال

لكن احلى مافيه إنه على الشارع تتفرج على الرايح والجاي

وتأخرنا بالجلسة ورحنا لمحطة المترو قبل ماتقفل
و اشوف العالم تركض ركضنا معهم ههههههه

وانتهى اليوم الثاني

وايديني عورتني من كثر الصور

توبليرون, Eng1Basem و alenore معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
11 يوم في الشمال التركي من تاريخ 25/8/2015 الى 5/9/2015	غليص	تركيا	3	23-08-2015 03:49 PM