تم استلام فيزاا سنغافورة عبر موقع IAE

الهواء بحري · 26-10-2015, 11:19 PM

السلام عليكم ورحمة الله وبركاته

صدرت تأشيرة سنغافورة ولله الحمد

استغرق صدور التأشيرة حوالي 12 يوم والتوصيل بالــ DHL حوالي 4 ايام

صورة تأشيرتي

التكلفة : 85$ امريكي قيمة الفيزا

و65$ امريكي قيمة الشحن

وبإذن الله سفرتي بتكون في 10 نوفمبر عبر الخطوط السعودية

واتقدم بالشكر الكبير للاخ ااخر فرصة والاخوان اللي نزلوا تجاربهم

وبأذن الله ندخل سنغافورة وراح انزل تقرير بعد عودتي

واللي عنده معلومات عن المتطلبات عند وصولي سنغافورة اقصد وش راح يطلبون مني امن المطار عند وصولي ان شاء الله

وبكرة ان شاء الله بروح للسفارة السنغافورية وبوريهم الفيزا واتأكد منها < موسوس

عاد رايح وحداني واول مرة اسافر خارج السعودية والانجليزي عندي مضروب شوي هههه واحس اني بجيب العيد

آخـــرفـــرصـــة · 26-10-2015, 11:26 PM

و عليكم السلام

1000 مبروك الفيزا تستاهل

الفيزا اوكي لا توسوس هههه

عادة ما يطلبوا شي بس خلي معاك برنت حجز فندق اجتياط

في انتظار التقرير السنغافوري

شكراً لطرح تجربتك

tab_el · 28-10-2015, 01:34 PM

ألف مبروك الفيزا

ومثل ما قالك ابو غسان لا توسوس

رحلة سعيدة

فيصل · 29-10-2015, 03:49 AM

وعليكم السلام ورحمه الله وبركاته

لا توسوس يا غالي

نفس ما ذكر ابوغسان حجز الفندق معاك وتذكره العوده يعني ذولا احتياط ولا هم حبيبين

صوت بني تميم · 30-10-2015, 07:08 AM

الله ييسر رحلتك

ان شاء الله تياسير مثل ما قالوا الاخوان خل معك تذكرة العودة ونسخة من حجز الفندق

بالتوفيق

ملللوك · 31-10-2015, 11:52 PM

وعليكم السلام

لاتخاف الفيزا سليمه 100%
اهم شي لصقها في الجواز عشان موظفي الخطوط والجوازات عندنا يتفلسفون
ويقولون ليش مهي ملصقه
شف لك صمغ اصفر ابو ريال حق الورق UHU ولصقها

بخصوص الأمور قبل وصولك
قبل الوصول فيه ورقه تسجل فيها معلوماتك ( نفس حقت بريطانيا وأكثر الدول)
موظفي الخطوط بالطياره يوزعونها عليك واحيانا تلقاها في جيب المقعد امامك
هاذي تسجل فيها بياناتك ومقر سكنك في سنغافوره وكم يوم بتجلس في سنغافوره
وتاريخ عودتك وسبب الزياره
وكم سؤالك تجاوب عليها بنعم او لا , الخ ...

واهم شي خل معك في حقيبه اليد حجوزات السكن والطيران
لأنهم ممكن يطلبون حجز الطيران ويتأكدون من تاريخ العوده

انا زرت سنغافوره قبل اسبوعين
بعد الوصول لموظفين الجوازات كانت امرأه وسلمتها الورقه حق البيانات الي عبيتها وعطيتها الجواز
ثم سئلتني ثلاث اسئله
كم يوم بتجلس في سنغافوره ؟
وايش سبب الزياره ؟ وهل انت لحالك او جاي مع احد؟
وهل راح تزور دول ثانيه ثم ترجع لسنغافوره ؟
( بعضهم يجلس في سنغافوره ثم يروح ماليزيا او اي دوله قريبه ويرجع لسنغافوره مره ثانيه )
اجبتها ب لا

ثم ختمت الجواز ومشيت

معلومه هامه :
انتبه الورقه الي فيها المعلومات الي انت عبيتها في الطياره بعد ماتاخذها منك موظفه الجوازات
راح تقصها وتعطيك جزء مقصوص منها مع الجواز
احتفظ فيه هالجزء الصغير , لأن اثناء رحلتك عودتك راح يطلبها منك موظف الجوازات
واذا ماكانت معك راح تدفع غرامه ناسي كم صراحه اتوقع 50 او 100 دولار سنغافوري
( هذا كله مذكور في الأستماره الي تعبيها )

واي شي تبيه عن سنغافوره
من اول ماتطلع من المطار الين ترجع منه
والاماكن السياحيه والتذاكر والمترو والباصات الخ ,,,
انا حاضر والخاص موجود
اسئل الي يريحك

أبو طلال* · 01-11-2015, 12:23 AM

مبروك اصدار التاشيره
وتروح وترجع بالسلامه
واكيد منتظرين التقرير
يالغالي

الغردقاوي · 29-11-2015, 02:41 AM

الهواء بحري ألف مبروك التأشيره
وتروح وترجع بكل سلامه
وما شاء الله تعليق الأخ ملللوك وافي وشافي

رحلة سعيده

Abdulkarim · 03-05-2016, 08:50 PM

اخوي أنا قبلو فيزتي وقالو أرسل المعلومات وأرسلتها على الإيميل اللي جاني فيه انه تم القبول من يوم الجمعة والى الان ما جاني رابط الشحن وهل صندوق البريد خاص بالدي اتش ال او حق البريد السعودي ، متخوف انه يجي موعد السفر وهي ماوصلت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف استلام السياره في مطار ميامي الدولي	ابوسلمان	بوابة امريكا	5	29-03-2019 12:45 AM
استفسار عن موقع استلام وتسليم السيارة وشو نصيحتكم بنوع السيارة	india	تأجير السيارات	12	13-06-2018 11:16 PM
تم استلام الاوراق من السفاره الفرنسية وتم الرفض ارجو المساعده	MG3	فيزا	12	17-09-2015 03:50 PM
رسالة استلام النماذج	salah_aldin	فيزا	1	27-08-2015 10:23 AM
استلام السيارة من باريس او من بادن بادن ؟	ريلاكس مان	تأجير السيارات	14	11-04-2015 01:08 AM