وعليكم السلام


لاتخاف الفيزا سليمه 100%
اهم شي لصقها في الجواز عشان موظفي الخطوط والجوازات عندنا يتفلسفون
ويقولون ليش مهي ملصقه
شف لك صمغ اصفر ابو ريال حق الورق UHU ولصقها


بخصوص الأمور قبل وصولك
قبل الوصول فيه ورقه تسجل فيها معلوماتك ( نفس حقت بريطانيا وأكثر الدول)
موظفي الخطوط بالطياره يوزعونها عليك واحيانا تلقاها في جيب المقعد امامك
هاذي تسجل فيها بياناتك ومقر سكنك في سنغافوره وكم يوم بتجلس في سنغافوره
وتاريخ عودتك وسبب الزياره
وكم سؤالك تجاوب عليها بنعم او لا , الخ ...



واهم شي خل معك في حقيبه اليد حجوزات السكن والطيران
لأنهم ممكن يطلبون حجز الطيران ويتأكدون من تاريخ العوده



انا زرت سنغافوره قبل اسبوعين
بعد الوصول لموظفين الجوازات كانت امرأه وسلمتها الورقه حق البيانات الي عبيتها وعطيتها الجواز
ثم سئلتني ثلاث اسئله
كم يوم بتجلس في سنغافوره ؟
وايش سبب الزياره ؟ وهل انت لحالك او جاي مع احد؟
وهل راح تزور دول ثانيه ثم ترجع لسنغافوره ؟
( بعضهم يجلس في سنغافوره ثم يروح ماليزيا او اي دوله قريبه ويرجع لسنغافوره مره ثانيه )
اجبتها ب لا

ثم ختمت الجواز ومشيت


معلومه هامه :
انتبه الورقه الي فيها المعلومات الي انت عبيتها في الطياره بعد ماتاخذها منك موظفه الجوازات
راح تقصها وتعطيك جزء مقصوص منها مع الجواز
احتفظ فيه هالجزء الصغير , لأن اثناء رحلتك عودتك راح يطلبها منك موظف الجوازات
واذا ماكانت معك راح تدفع غرامه ناسي كم صراحه اتوقع 50 او 100 دولار سنغافوري
( هذا كله مذكور في الأستماره الي تعبيها )