بعده حيره .. قررت شهر العسل بماليزيا .. مساعدتكم يا أهل الخبرة

فهد بن عبدالله · 27-10-2015, 01:12 PM

السلام عليكم ورحمة الله وبركاته

,
,

بعد طول تفكير لوجهتي لـ شهر العسل ( عقبال العزابية يارب ) ..
ما بين ماليزيا و أندونيسيا و الفلبين
قررت بمشيئة الله على ماليزيا لعدة أسباب :

1 - سبق أني زرت ماليزيا مرتين في عام 2012 و 2014 وكل زيارة احلى من الثاني .
2 - معروف عن ماليزيا أنها ديرة عرسان اكثر من الفلبين واندونيسيا الي تعتبر شبابية أكثر .

،
،

لذالك أبي مساعدتكم يا أهل الخبره في تقسيم الجدول و أختيار الفنادق
تعرفون الحين عريس وتفرق يوم كنت أجي عزابي

،
،

تخطيطي أنا على النحو التالي :

الرحلة راح تكون بمشيئة الله من الرياض إلى كوالالمبور

أول يومين أريح في سلانجور
راح أسكن في البراميد او صن واي لاقون
وأزور مدينة الالعاب المائية

بعدين بشد الرحال الى الفاتنه لنكاوي
أفكر أقعد في لنكاوي من 3 إلى 4 أيام
أبيك تنصحوني بفندق حلو للعرسان
سمعت عن فندق تانجونق لنكاوي وش رايكم فيه ؟

بعد لنكاوي راح تكون الوجهه إلي بينق
أعشق هذي الجزيرة لان تحس فيها حياة أكثر
عكس لنكاوي الي تتميز بالطابع الهاديء
أفكر أقعد في بينق من 4 إلى 5 أيام
أبي فندق حلو سمعت ان شانجريلا هو الأفضل بس معرف كم أسعارهم ?

وأخيراً الى العاصمة كوالالمبور
أفكر اقعد فيها من 6 إلى 7 أيام
أبي فندق حلو في البوكيت بنتانح ( شارع العرب )
على شان تكون التمشية على رجولنا
والأسواق والمطاعم حولنا

،
،

أسف إني طولت عليكم
اتمنى القى تجاوب من أخواني الأعضاء
زواجي قرب في بداية شهر يناير
باقي شهرين ودي أخلص من أموري الحين وارتاح

،
،

kazami · 27-10-2015, 02:11 PM

حياك الله ياعريس.. اول شي لاهنت. الاستفسار يكون في قسم الاستفسارات.

ثانيا اختيارك موفق لماليزيا,وباذن الله رحلة افضل واجمل مما سبق.

نجي عند الجدول.. في البداية مدتك طووووويلة ماشاءالله. ومادام عندك ايام واجد
فياليت تخلي سلانقور 3 ايام.
يوم الالعاب المائية والبراميد.
ويوم بتراجايا والكروز وثم بالمساء اي ستي.
ويوم تروح شاه علم الظهر والمتحف.
والعصر الماينز.

بعده على لنكاوي واذا تبي 4ايام واكثر
فهي تستحق والمزارات والاماكن واجد. وبتلاقي وقتك متنوع ولابتمل.
رحلات بحرية حدايق فعاليات منتزهات.
والفندق ارشح لك وستن..

بينانغ كثير فيها 4ايام من وجه نظري. لان مزاراتها مكرره
وقليلة ولاعندك مميز الا الهضبة والسوق الليلي.
حتى الاسواق مو ذاك الزود مثل كومتار. وقروني غالي.
الفندق اختيارك موفق والسعر يختلف لكن شوف مواقع الحجز.
واذا تبي ارخص وممتاز موقع ونظافة فشوف هوليدي ان.

ومادام ايامك واجد فلاتفوتك كاميرون لانها غيييييييييير عن
كل ماليزيا, بارده ومزارع شاي والفرولة وضباب وهدوء.
خذ فيها يومين او ثلاثه استجمام في فندق كاميرون هايلاندز.

او على طول بعد بينانغ الى كوالا. وخمس او ست ايام كفاية.
حتى لاتمل.
والفنادق على شارع العرب ماانصحك فيها حفريات وصجة وزحمة
واصلا الشارع مو ذاك الزود. واذا لابد فعندك فندق بارك او wolo.
او خذ لك فندق قريب منه مثل امبيانا او جراند حياة او تريدرز. قريبه
من العرب وقريبه من البرجين, وبالتوفيق لك

فهد بن عبدالله · 27-10-2015, 02:15 PM

حبيبي كاظمي
الكاميرون كم تبعد عن كوالالمبور
واخليها بعد لنكاوي وبينج !!

بالنسبه للحجوزات انا دايم رحلاتي احجز من مكتب سياحي ��

قهوة سآدة · 27-10-2015, 05:34 PM

مبروك ياعريس الله يتمم لك ع خير

احلى وجهة ماليزيا للعرسان والعوائل

لنكاوي ساحره وهاديه وتصلح للعرسان
اقترح عليك تسكن بفرنغي باني
مطل ع الشاطئ وهادي جدا
والمطاعم والسوبرماركت قريبه منه
يعني اذا حبيت تغير جو بليل
تتمشى برا وايد حلو وممتاز
لنكاوي جميله وتستاهل ٥ ايام واكثر

بننق ٣ ايام واجد عليها
مافيها شي مميز غير الهضبه
هذا اذا حاب تأجل التسوق لكوالا
لان بننق فيها مولات ممتازه

كوالا احسن شي تكون قريب من شارع العرب
فندق الماريوت خياااااال والوان الغرفه رومنسيه جدا
وفندق الميلنيوم كذلك جميل بس ماجربته
انا دايم اسكن بالماريوت
تققدر تدخل البوكنق وتبحث بالفنادق

وتهنيت ياعريس

فهد بن عبدالله · 27-10-2015, 06:50 PM

اقتباس : المشاركة الأصلية كتبت بواسطة قهوة سآدة

مبروك ياعريس الله يتمم لك ع خير

احلى وجهة ماليزيا للعرسان والعوائل

لنكاوي ساحره وهاديه وتصلح للعرسان
اقترح عليك تسكن بفرنغي باني
مطل ع الشاطئ وهادي جدا
والمطاعم والسوبرماركت قريبه منه
يعني اذا حبيت تغير جو بليل
تتمشى برا وايد حلو وممتاز
لنكاوي جميله وتستاهل ٥ ايام واكثر

بننق ٣ ايام واجد عليها
مافيها شي مميز غير الهضبه
هذا اذا حاب تأجل التسوق لكوالا
لان بننق فيها مولات ممتازه

كوالا احسن شي تكون قريب من شارع العرب
فندق الماريوت خياااااال والوان الغرفه رومنسيه جدا
وفندق الميلنيوم كذلك جميل بس ماجربته
انا دايم اسكن بالماريوت
تققدر تدخل البوكنق وتبحث بالفنادق

وتهنيت ياعريس

ممكن كلامك صحيح
انا كنت اسافر لها عزوبي
ع شان كذا كنت أفضل بينانج على لنكاوي
شكراَ قهوه

عشقي السفر · 27-10-2015, 07:40 PM

الف مبروك مقدما
وربي يوفقكم

ادخل موضوعي واطلع عليه اتمنى يفيدك
http://www.arabtrvl.com/vb/t11352.html

والاخوان ماقصرو معاك

kazami · 27-10-2015, 08:21 PM

ياعريس . حسب معرفتي البسيطة بالانقلش. مااعرف ان الz تنقري ظ..
المعرف حقي هو كازامي. للمعلومية فقط.

كاميرون بالامكان تجعلها ثاني محطة. ويكون ترتيب الجدول. كالتالي
سلانقور
كاميرون
بينانغ
لنكاوي
كوالا..
وطبعا المسافة بين كاميرون وسلانقور حوالي اربع ساعات بالباص او التاكسي. ولايوجد غير كذا.
فلامطار بكاميرون ولامواني.

او يكون جدولك
سلانقور
لنكاوي
بينانغ
كاميرون
كوالا.

بخصوص الحجوزات فالافضل انك تسويها بنفسك ووالله سهله جدا..
والمواقع واجد والشروحات كثيره. كل ماعليك بس المحاولة.
وراح تستفيد كثير. اول شي توفر دراهمك وكل فلس احق به انت
والمدام تتهنى فيه هناك. وثاني شي لا حصل اي لخبطة تكون عارف وين
انت وكيف تتصرف ووش هو فندقك وموقعه وكامل بيانات ررحلتك. بعكس
لو حجزت عن طريق المكتب فادنى لخبطة او مطب راح تضيع ولاتكون
عارف تخارج نفسك. نصيحة محب وبالتوفيق..

راجع تقريري وشاهد الحجز الخاص بكاميرون..
http://www.arabtrvl.com/vb/t415.html

فهد بن عبدالله · 27-10-2015, 11:24 PM

اقتباس : المشاركة الأصلية كتبت بواسطة عشقي السفر

الف مبروك مقدما
وربي يوفقكم

ادخل موضوعي واطلع عليه اتمنى يفيدك
http://www.arabtrvl.com/vb/t11352.html

والاخوان ماقصرو معاك

يعطيك العافيه وماقصرت

فهد بن عبدالله · 27-10-2015, 11:28 PM

اقتباس : المشاركة الأصلية كتبت بواسطة kazami

ياعريس . حسب معرفتي البسيطة بالانقلش. مااعرف ان الz تنقري ظ..
المعرف حقي هو كازامي. للمعلومية فقط.

كاميرون بالامكان تجعلها ثاني محطة. ويكون ترتيب الجدول. كالتالي
سلانقور
كاميرون
بينانغ
لنكاوي
كوالا..
وطبعا المسافة بين كاميرون وسلانقور حوالي اربع ساعات بالباص او التاكسي. ولايوجد غير كذا.
فلامطار بكاميرون ولامواني.

او يكون جدولك
سلانقور
لنكاوي
بينانغ
كاميرون
كوالا.

بخصوص الحجوزات فالافضل انك تسويها بنفسك ووالله سهله جدا..
والمواقع واجد والشروحات كثيره. كل ماعليك بس المحاولة.
وراح تستفيد كثير. اول شي توفر دراهمك وكل فلس احق به انت
والمدام تتهنى فيه هناك. وثاني شي لا حصل اي لخبطة تكون عارف وين
انت وكيف تتصرف ووش هو فندقك وموقعه وكامل بيانات ررحلتك. بعكس
لو حجزت عن طريق المكتب فادنى لخبطة او مطب راح تضيع ولاتكون
عارف تخارج نفسك. نصيحة محب وبالتوفيق..

راجع تقريري وشاهد الحجز الخاص بكاميرون..
http://www.arabtrvl.com/vb/t415.html

حبيبي كازامي ماقصرت جعل عمرك طويل

himzmz · 28-10-2015, 09:33 AM

الاخوان ما قصروا

اختياراتك جميلة
وفي لنكاوي لشهر العسل ﻻتخرج عن ذا دانا او ويستن او كاسا دلمار او بلانجي بيتش
فور سيزون وتانجو رهو واندامان وداتاي جميلة بس بعيدة عن الخدمات

في كاميرون عندك اىفضل كاميرون هايلاند

في كوالا في شارع العرب wolo كموقع رقم 1 لكن ما انصح به للعرسان عن تجربة نظيف وجديد..لكن الغرف ضيقة .. يصلح للتسوق فقط
في كوالا الخيارات كثيرة جدا
عندك اﻻفضل في شارع العرب مباشرة
ويستن .. ماريوت .. جراند ملينيوم .. ريتز كارلتون

قريبة من شارع العرب رويال شوﻻن وامبيانا وسكن ايه اند اوه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افضل مناطق السكن بماليزيا	ام زياد	ماليزيا	10	01-07-2015 01:19 AM
مساعدتكم لبرنامجي شهر العسل ( المالديف - ماليزيا ) اسبوعين	sabic11	ماليزيا	7	30-05-2015 12:58 PM
بخصوص الجدول اليومي ل رحلة العسل (مساعدتكم وخبراتكم)	عريسها	ماليزيا	10	19-04-2015 03:26 AM
استشارة لاهل الخبرة في شهر العسل	moomksa	بوابة المانيا	8	15-02-2015 02:07 PM
قررت اسافر لبﻻد العمة وابيكم تساعدوني بخبرتكم	عطور	بوابة اندونيسيا	9	24-01-2015 06:55 PM