باريس تبغى عريس وكومه أسئلة - الصفحة 3

كراميلا · 11-01-2015, 11:06 PM

اقتباس : المشاركة الأصلية كتبت بواسطة qa6ar911

مرحبا اختي
كيف الحال

نبدأ بالعملي

بخصوص محلات بريمارك
لهم 3 افرع وكلهم في ضواحي باريس ولا يوجد فرع في وسط باريس

انا حددت لج فرع واحد منهم وهو الانسب لج بوجهه نظري
للأسباب
ان يوجد داخل مجمع تجاري كبير وفي محلات ثانيه وكارفور
السبب الاخر ان محطه المترو تنزلج جنب المجمع التجاري بالضبط
اما الفروع الاخرى في مسافه مب بسيطه بين محطه المترو الى محل بريمارك

هذا الفرع في منطقه Créteil

صوره للمحل

العاب

العنوان :
101 Avenue du Général de Gaulle
94000 Créteil
France

اوقات الدوام
Sunday CLOSED
Monday 10:00 - 20:00
Tuesday 10:00 - 21:00
Wednesday 10:00 - 21:00
Thursday 10:00 - 21:00
Friday 10:00 - 21:00
Saturday 10:00 - 20:00

طريقه الوصول له
اخترت لج اقرب محطه حق فندقكم الي في الشانز قريبه جدا
اسمها Franklin D. Roosevelt وهي محطه الانطلاق
في هالمحطه تاخذين الخط رقم (1) باللون الاصفر
ولما توصلين المحطه Reuilly - Diderot
تغيرين الخط وتاخذين رقم ( 8) باللون البنفسجي
وتنزلين في محطه Créteil - Préfecture
والمجمع التجاري الي فيه محل بريمارك يكون جنب هالمحطه

بالنسبه للأستفسارات الاخرى :

1- صعود البرج
المصاعد مفتوحه من الساعه 9 ونص صباحا الى الساعه 11 مساء اخر مصعد
بالنسبه لو بغيتو تروحون الطابق الاخير قمه البرج اخر مصعد 10 ونص مساء

اسعار التذاكر :
الصعود الى الطابق الثاني
للكبار (9 يورو)- الشباب من 12 الى 24 (7 يورو)- الاطفال من 4 - الى 11 (4 ونص يورو)

الصعود الى الطابق العلوي
على نفس الترتيب للكبار 15ونص يورو - الشباب 13 ونص يورو - الاطفال 11 يورو

2-رحلة السين

اقرب محطه مترو لمكان المراكب في نهر السين Alma - Marceau
هالمحطه تطلعج على تقاطع اشارات
تروحين جهه النهر بتحصلين نزله الى النهر تنزلين منها تكون مكان وقوف المراكب قدامج

وصف ثاني لو بغيتو تروحون للمراكب من الشانز مشي
في شارع الشانز تدخلون بالشارع مابين لويس فوتون وكوفي فوكيتس
اسم الشارع جورج سانغ وتمشون في هالشارع الى نهايته يكون امامكم التقاطع الي فيه نفس محطه المترو
على يسارج مقابل التقاطع يكون يسارج كوفي شوب فيه مظلات حمره انصحكمفي الجلسه الخارجيه ممتعه وخاصه ليلا يعطيكم منظر للنهر وبرج ايفل
ومن هذا الكوفي تعدون التقاطع بأتجاه النهر بتشوفون يساركم منزل على تحت للنهر
تنزلون منه هنا المراكب امامكم

رحله نهر السين يطلع بالنهر الى ان يصل الى كنيسه نوتردام مرورا من تحت جسر العشاق
ويرجع مره ثانيه الى ان يصل االى برج ايفل قبل العوده الى مكان الصعود

3-جسر العشاق

اقرب محطتين مترو هم :
1- Pont Neuf
2- Louvre - Rivoli

اذا قررتو تروحون بيوم متحف اللوفر
ممكن تروحون جسر العشاق بنفس اليوم

وفي طريقه ثانيه للوصول بدل المترو
عن طريق السيكل ( الدراجه الهوائيه ) السياحيه وفيها عربه تكفي 3 اشخاص
حلو تغيير انا مجربها ورايح جسر العشاق بها هههههه

'طريقه جسر العشاق شراء قفل مع مفتاح
وكتابه الاسماء عليه او الحروف
وقفله بالشبك الموجود على اطراف الجسر
ومن بعدها رمي المفتاح في النهر

4- الحدائق المحيطة بالبرج

بالنسبه للحدايق
حديقه برج ايفل وهي بنفس مكان البرج
وحديقه لوكسمبورغ توصلين لها عن طريق محطه الرير الازرق B
الى محطه port-royal
ومحطه برج ايفل اسمها Bir-hakeim

وخلف حديقه لوكسمبورغ توجد الحي اللاتيني ممكن تروحين له مشي خلف القصر الي داخل الحديقه

اما اذا بغيتي تروحين الحي اللاتيني في يوم اخر
اسم محطه الوصول له هي Saint-Michel

بخصوص قصر فرساي
ماتروحين له من محطه بير حكيم
اطلعي من المحطه جنب برج ايفل champ de mars tour eiffel
على الرير الاصفر حرف C

العاب

العاب

بالنسبه للذهاب الى اللاديفانس
الافضل الذهاب لها من الشانز بمحطه مترو George V
وتنزلين بمحطه La Defense يعني اخر محطه بالخط الاصفر
من توصلون الى هالمحطه هي كبيره كثير
في مدخل يدخلكم للمجمع التجاري Temps ( الفصول الاربعه )

بالنسبه لحديقه دزني ماقصرتي مشرفتنا الكبيره ام ريم في الاجابات عليها

بس ممكن تروحين محل دزني لاند في الشانز تستفسرين وشراء التذاكر من هناك

وان شاء الله الامور الحين صارت واضحه

كفيت وفيت
واضحة وساطعه كسطوع الشمس
بارك الله فيك
يسر لك كل معسر وسهل عليك كل صعب
مشكور اخوي
استودعكم الله الذي لا تضيع ودائعه

وجهات أوروبية · 12-01-2015, 01:19 AM

اقتباس : المشاركة الأصلية كتبت بواسطة كراميلا

كفيت وفيت
واضحة وساطعه كسطوع الشمس
بارك الله فيك
يسر لك كل معسر وسهل عليك كل صعب
مشكور اخوي
استودعكم الله الذي لا تضيع ودائعه

اللهم اميييييييييين
الف شكر على دعواتج الطيبه ولج بالمثل ان شاء الله
العفوووو

بحفظ الرحمن في حلكم وترحالكم
رحله سعيده بأذن الله

fanda · 12-01-2015, 09:04 AM

ما شاء الله مشرفنا ما قصر شرح واضح يعطيه العافية

اخت كاراميلا تروحين وترجعين بالسلامه و ياليت بعد ما تردون تخبرينا عن تجربتك في هالوقت عشان يستفيد منها الأعضاء

القرار الأخير · 12-01-2015, 10:49 AM

انا افيدك بموضوع النقاب من واقع تجربة
ماواجهنا لله الحمد اي اشكالية فقط قوس النصر كنا بنطلعه وقالوا ممنوع الطلوع بالنقاب
وقلنا غناة الله ابرك وتجولنا تحته وصورنا ولا احد قال شي

بالتوفيق لكم ورحلة سعيدة

فيصل · 13-01-2015, 01:28 AM

شكرا لك القرار الاخير
متي كانت تجربتك يا غالي

القرار الأخير · 17-01-2015, 02:00 AM

هلا وغلا ب فيصل
التجربة سلمك الله اغسطس ٢٠١٤ م
المعذرة ع التاخير تو انتبهت لسوالك

فيصل · 17-01-2015, 03:09 AM

شكرا لك علي التوضيح ما قصرت

Eng 2015 · 26-01-2015, 01:52 PM

ياريت اخوانى من عند تجربة للسفر (بعد الاحداث) سواء من الاخوة المسافريين او المقيمين لباريس خصوصا واروبا عموما عن الوضع الامنى هناك خاصة للمنقبات والملتحين .معلومات تفصيلية ونصائح سواء بالايجاب او السلب . يضيفها لاخذ الحذر او الاطمئنان وادعو المشرفيين الااهتمام بهذا الموضوع فهو من الاهمية بمكان فى هذا التوقيت.........بحيث لدينا معلومات شبة موكدة بالوضع خاصة لان هذة الفترة هى فترة الحجوزات للرحلة السياحية لموسم السيا حى القادم من الخليج .......ارجو الاهتمام

وجهات أوروبية · 26-01-2015, 02:05 PM

مرحبا اخوي

في وقت احداث شارلي ابيدو بعدها بأسبوع جاني اتصال من السفاره القطريه في باريس
وقالو الوضع مافي شي بس حذر يفضل الانتظار لين تتضح الرؤيه
وقال الامن منتشرين بكل مكان
وفي اوروبا عامه الوضع ممتاز ولا في شي

بس باريس علينا الانتظار واليوم ان شاء الله بكلم الصديق العزيز سفيرنا في باريس واشوف الاخبار عندهم كيف واخبرك

كراميلا · 27-01-2015, 11:49 PM

مراحب بالناس الجميله
نزلت موضوع عن باريس فصفصتها لعيونكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احتاج مساعدتكم ضروري عريس ومسافر لاول مررره ماليزيا	مسافر جديد123	ماليزيا	17	15-07-2015 11:23 PM
أسئلة دقيقة..	نوح	بوابة اثيوبيا	5	04-06-2015 03:57 PM
أول مرة في تركيا وعدة أسئلة	kanari212	تركيا	3	17-05-2015 08:17 AM
عدة آسئلة بخصوص الشنغن الفرنسية	Mr.White	فيزا	3	08-03-2015 04:12 AM
الضمان التكميلي.. وشوية أسئلة أخرى عن استئجار سيارة في باريس	abumohmd	تأجير السيارات	2	07-03-2015 09:32 AM