السلام عليكم ورحمة الله
سجلت في المنتدى الرائع عشان استفسر منكم
فلا تخيبون املي فيكم الله يجزاكم الجنه
انا جايه الكويت بإذن الله نهاية الاسبوع
واتمنى تدلوني على فندق او شقق مفروشه تكون نظييفه وفيها نت وسعرها معقووول
وسؤال مهم لوتكرمتو احنا 6 اشخاص
نظام الفنادق في الكويت يسمح ناخذ غرفه وحده بهالعدد؟؟
لأن في السعوديه اكثر من مره نحجز في فنادق غرفه وحده ويكون مكتوب في البوكينق انها لشخصين فقط لكن اذا رحنا الفندق عادي يدخلونا الغرفه اللي حجزناها بنفس السعر المهم مانطلب اضافة اسره
فحبيت اتأكد عن الكويت عشان مانتوهق بعد مانحجز
وشاااااكره جدا جدا لكم جميعا
ودعوه خاااصه لكل من يرد ويساعدني ان الله يسعده دنيا واخره

حياج الله اختي بالكويت
بالنسبة لعدد 6 اشخاص بغرفة وحده
فنادق 5 نجوم ماراح توافق
وبالنسبة لحجزج للفنادق
ياريت تقولين تبين أي منطقة عشان نحددلج الفنادق او الشقق الفندقية

الله يحييك اختي ويجزاك خير
انا اول مره اجي للكويت فمادري وش المكان المناسب بالضبط يعني يكون قريب من المولات والاماكن المهمه؟
وشكرا لك ربي يسعدك

حياك الله اختي في الكويت
تنورينا

انا اشوف بالسالميه شقق فندقيه مفروشه
وقريبه من سوق السالميه واكثرها اخوانا السعوديين

وفيه ايضا بشارع المطاعم بالسالمية بودل وهذا معروف عندكم


بس ما أدري بالضبط كم غرفه ؟

الأفضل لكم تستأجرون شقه لأن الفندق ما يسمح بأكثر من 3 اشخاص بالغرفه

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

الله يحييك حبيبتي الكويت منوره باهله الحلوين
هو انا ابغى شقق فندقيه بس غرفه وصاله تكفي
لان طول اليوم بنكون برا يعني بس للنوم بس يهمني تكون نظييفه

الافضل تاخذون شقة
فيه مثلا شقق بودل السالمية حلوه و مكانها حلو
اهم شي احجزوا قبل ماتروحون ترى الشقق و الفنادق مو مره كثيره بالكويت
و احنا مره رحنا و مالقينا سكن اخر شي سكنا بفندق ماكان كويس قديم و لا هو نظيف و لا فيه فطور و لاشي و كانت الغرفة بـ 40 دينار يعني حول 600 ريال

يفضل انكم تاخذون شقه لان الفنادق ما يرضون اما الشقه محد درا عنكم
الشقق وايد لكن اللي اسمع عنهم بودل وجمايكا ان وتراس

وش الانشطة بالكويت الجميلة وافضل المطاعم مثل ريوق وغيرةه الحجات الشعبية المطورة

آخر مواضيع رعبوب

- استفسار لاهل الشرقية عن كيفية استخراج فيزة الهند ومن اين ؟ - Week End عطلة نهاااية الاسبوع في سالزبورغ غيرر لهم طعم ثااني.. اليكم التقرير - ﻬஐ¤ღ شقق وفنادق زيلامسي وكابرون وضواحيهم ღ¤ஐﻬ - ﻬஐ¤ღ شقق وفنادق اقليم تيرول بيرتساو وضواحيها ღ¤ஐﻬ - ╣۞╠ الطريق من انترلاكن الي لوغانو الرجاء اخذ الحذر والحيطة ,, طريق جبلي╣۞╠

توقيع : رعبوب

عشق نمسااوي ,, ونبض سويسري ,, وكيف لندني ,,, BMW بالنمساء خيال ,,

الكويت بلد متنوع من ناحية الأسواق التراثية كالمباركية وغيره وكذلك المولات الكبيرة كالأفنيوز والمارينا وغيرها ..
ايضاً المطاعم الشعبية وكذلك العالمية فالأكل ماتشيلون همه ..
فأقترح عليكم تأخذون شقق مفروشة بالسالمية (وهي قليلة جداً) لكنها أرخص من الفنادق ..
الله يسهل عليكم سفركم ،،