ايش ممكن اضيف للمخطط لان ابيها ٢٠ يوم

مقترح ابوطلال ممتاز وانصحكم تزيدون أيام انترلاكن على الأقل 6 ايام
وغشتاد ممكن تزورونها من انترلاكن او تزورونها وانتوا بالطريق من انترلاكن الى مونترو


زمقترحي لكم
3 أيام ميلان
يومين او 3 لوجانو ومنها تزورون كومو وبيلاجيو في يوم ويوم اخر لزيارة ستريزا ووادي فيرساسكا ولوكارنو
6 انترلاكن
4 مونترو
4 باريس

وممكن تستبدلون مونترو بالسكن في القرى الفرسية القريبة من جنيف مثل ديفون وفرنيه
ومنها تزورون مونترو ولوزان وجنيف وانسي وشاموني

اذا تخلي باريس الوصول والعودة من ميلان بتكون ارخص

شيكت عالسعودية الذهاب 19 اوجست جدة باريس

العودة 9 سبتمبر ميلان جدة

الشخص 2437 ريال

يالطيب سعر أبو مهاب ممتاز جدا. ..

بالنسبة 20 يوم وجهت نظري اشوفها كثيره جدا غير الميزانية

قلص عددت الأيام هذي نصيحتي واذا ملزم على 20 يوم ابشر ولاقصور في الشباب. ..

باريس 4
طيران على جنيف
أستلم السيارة
الاتجاه مباشره الي آنسي 3
انترلاكن 4
لوقانو 2
اسلم السيارة
ميلان 3. .

مافكرت في زيلامسي؟

الله يعافيكي

خلي انترلاكن 5 ايام عشان تستمتعي اكثر وتروحين اكثر من مكان (شوية مسافات)

ميلانو ولوغانو وكومو مع بعض 5 ايام (ممكن تروحين فينيسيا الصبح وترجعي المساء )

مرحبا اختي امنه

الجماعه ماقصرو والله خيارات كثيره ومتنوعه
والله يعينج ادري محتاره كثيره بالخيارات

اهم شي انج غيرتي ترتيب الذهاب والعوده سواء من ميلان والعوده باريس
او الذهاب باريس والعوده ميلان حسب سعر التذكره الارخص

http://www.arabtrvl.com/vb/t1837.html

بس بعد اختي لاتاخذين على سعر التذكره الارخص
بنفس الوقت الافضل تشوفين اسعار الفنادق لو عكستي جهه الذهاب والعوده
يعني ممكن تكون تواريخ الفنادق ارخص لو بديتي رحلتج من ميلان
وممكن تكون ارخص لو بديتي رحلتج من باريس
واذا تبغين انا ممكن اساعدج في الاسعار سواء الطيران او الفنادق
بشرط تحددين الفنادق المرشحه

وبالنسبه لأنتر لاكن
انا مع الرأي الي يقول تستحق الاقامه فيها مابين 5 الى 6 ايام

بالنسبه لغشتاد
انا ما انصح تزيدين اماكن السكن
يعني في اماكن ممكن تروحين لها فقط زياره وترجعين بنفس اليوم
الاستقرار حلو ومهم

وغشتاد ممكن تزورونها من انتر لاكن او من مونترو

ومن جنيف تزورون انسي و ايفيان و شامونيه

يعني انتي مقترحه 20 يوم للسفره

ميلانو 3 ايام منها يوم في فينيسيا
واذا معكم اطفال ممكن تزورون جاردا لاند

لوغانو و كومو يومين

وانتر لاكن 6 ايام

مونترو 3 ايام

جنيف يومين

باريس 4 ايام

ومن جنيف الى باريس
الافضل والاريح طيران داخلي
اما اذا ماعندكم شنط كثيره بالقطار خيار ممتاز جدا مسافته 3:09 دايركت

بالتوفيق