السلام عليكم ورحمه الله وبركاته
لو سمحتم اخواني احنا عايله ماشالله تبارك الله من 5 كبار وطفل 11 سنه
رحلتنا لمده 12 يوم ان شالله تم الحجز والحمدلله من جده برشلونه والعوده باريس جده
الايام الاولي بنقضيها باسبانيا وقبل العوده الثلاث الايام الاخيره او 4 او 5 بباريس
الصراحه احنا ودنا نطول بباريس الى 4 او 5 ايام بس ميزاتيتنا محدوده وسمعت باريس غاليه جدا
علشان كذا ابغي من الخبراء ترتيب جدولي من وصولنا لاسبانيا وماهي المدن التى يجب زيارتها وطريقه
المواصلات الرخيصه والمده اللتى يجب الجلوس فيها والي الذهاب لفرنسا والمده اللي يجب الجلوس فيها
والسوال الاهم انا عامله ميزانتنا 2000 ريال صرفيه في اليوم اكل وتماشي ومواصلات هل تكفي اما باريس ممكن نزيدها شوي ارجو الرد بسرعه علشان نقرر ويصير تعطوني اسماء الفنادق علشان نحجز
وجزاكم الله خير وفي ميزان حسناتكم يارب لاتطولون علينا

وعليكم السلام ورحمة الله وبركاته

برشلونة اجلسوا فيها 3 أو 4 أيام واسكنوا في شارع الرامبلا .. في نهاية الشارع عند التمثال راح تحصلون الباص السياحي يوديكم لكل الأماكن السياحية في المدينة

باريس بعيدة عنكم 1000 كم .. عندكم خيارين يا تروحون بالطيارة وترتاحون وتوفرون الوقت أو إذا حابين تتمشون بالريف الفرنسي وتمرون على ليون ومنها لجنيف وآنسي تآخذون 4 أيام برضو

ليش ما تخلون الوصول على جنيف والعودة باريس هل في إمكانية ؟

انا ابغي نزور برشلونه وكم مدينه جميله معاها وبعدين تروح باريس بالقطار
سوالى ايش المدن اللى تقترحون نروح لها باسبانيا
والسوال الثاني احنا بنطلع تاشيره على اسبانيا ويقولون معقده ايش رايكم اطلعها على فرنسا رغم انى اول دوله بنروح لها اسبانيا ونجلس فيها اكثر هل فيه اشكال

ليش المنتدى نايم وين الناس ياهوووووووووووووو

هلا اختي الكريمه
بخصوص المده
افضل شي
تقتصرون على اسبانيا 6 ليالي
3 برشلونه
و3مدريد
بقية المدن الاسبانيه يبيلكم وقت اطول
باريس زيها زي بقيه مدن اوروبا والارتفاع لايذكر

الافضل بما انكم نازلين اسبانيا
تطلعونه من الاسبانيه
ومافيها تعقيد ابد

تقبلي احترامي