السلام عليكم
الله يسعدكم عندي كذا سؤال ..

١/ إذا بطلع فيزا سياحية لبريطانيا هل يقبلون كشف حساب زوجي ؟ وكم لازم يكون المبلغ بالحساب؟ وكيف اثبت ان الحساب لزوجي ؟

٢/ حسب ما اعرف اغلب المحلات ببريطانيا تسكر على الساعه سبع المغرب ، هل مثلا فيه مجمعات او اماكن تنفع للسياحة والتمشي تبقى مفتوحة لوقت متأخر ؟

٣/ بالنسبه للباص السياحي بلندن هل لازم انزل منه او عادي اكون اتفرج في الباص وانزل عند المكان اللي ركبت منه ؟

٤/ هل مدينة مانشستر تستحق الزياره ؟ واذا تستحق الزياره ايش الاماكن المميزه فيها ؟

٥/ هل ال guest house مكان آمن للسكن في لندن لان اسعارها ارخص من الفنادق ؟

و جزاكم الله خير جميعاً

*نعم يقبلون حساب زوجك عادي.

*أقل شي مبلغ 20 الف ريال سعودي تقريبا
*تثبتين أن الحساب لزوجك ترفقين صورة من دفتر العائلة مع الأوراق.
*شارع اكسفورد يفتح لوقت متأخر من الليل كله أسواق و مطاعم (قريب من حديقة الهايد بارك).
*بالنسبة للباص السياحي ، عادي تنزلين وتتمشين وترجعين تركبين مرة أخرى ولكن يجب أن تحتفظي بالتذكرة معك.

*لا أعلم شي عن مانشستر.

* هذه الفنادق الرخيصة ليست آمنه .

أتمنى أن أكون قدمت شي لك.

وعليكم السلام
...
بالنسبة للندن حلوه جدا بالنهار ومع الناس المفتحه بالليل ايضا حلوه بس يكثرون زباين البارات واللي منتشره بكثره فيها وتصير المناظر مش ولا بد وانا انصح بعدم السهر لوقت متاخر برا الفندق ... خصوصا اذا بتجون بالصيف او قبله بشوي النهار يتعب الواحد ما خلص ...
مانشستر فيها سوق ترافورد وهو يقولون انه من اضخم اسواق اوربا .. وهو فعلا كبير وفخم ومنطقة مطاعم كبيره وحلوه ... بس العنوه عشانه ماادري والله عنكم ... وبالنسبة لي مااترك لندن عشان مانشستر او اي مكان اخر الا البحيرات للي يحبون الطبيعه ( جبال واوديه وانهار) ...

ياهلا ومرحبا فيج اختي منوووره

طبعا ماقدر ازيد على الاخوان ماشاء الله ابدعوو

اقتباس :  المشاركة الأصلية كتبت بواسطة ساره السيف السلام عليكم الله يسعدكم عندي كذا سؤال .. عليكم السلام ورحمه الله وبركاته ١/ إذا بطلع فيزا سياحية لبريطانيا هل يقبلون كشف حساب زوجي ؟ وكم لازم يكون المبلغ بالحساب؟ وكيف اثبت ان الحساب لزوجي ؟ نفس ماقال لج اخوي اخر فرصه ممكن تضعين استفسارج بالقسم المخصص ٢/ حسب ما اعرف اغلب المحلات ببريطانيا تسكر على الساعه سبع المغرب ، هل مثلا فيه مجمعات او اماكن تنفع للسياحة والتمشي تبقى مفتوحة لوقت متأخر ؟ با الايام العاديه تغلق مابين 8 الى 9 ويوم الاحد الساعه 6 بس بعض المحلات ماتغلق الا بأخر الليل وخاصه في بيكاديلي واجور رود ٣/ بالنسبه للباص السياحي بلندن هل لازم انزل منه او عادي اكون اتفرج في الباص وانزل عند المكان اللي ركبت منه ؟ اي اختي ممكن تاخذين تذكره للباص السياحي ليوم واحد او يومين ومن نفس التذكره وانتي تتجولين بالباص اي مكان يعجبج ممكن تنزلين وبعد ماتخلصين جولتج ترجعين تركبين بنفس التذكره على حسب مده صلاحيتها الى ان تنتهي الباص السياحي https://www.theoriginaltour.com/ خريطه الباص السياحي فيها اربع خطوط الافضل من وجهه نظري الاحمر او الاصفر لانهم يمرون بأهم الاماكن السياحيه https://www.theoriginaltour.com/medi...r-oct-2015.jpg ٤/ هل مدينة مانشستر تستحق الزياره ؟ واذا تستحق الزياره ايش الاماكن المميزه فيها ؟ اذا مده السفر الى لندن كافيه ممكن تزورون مانشستر من باب التغيير اما اذا مده السفر محدوده وقصيره فا الافضل تقضيتها في لندن مانشستر هاديه نوعا ما ماعدا السنتر مانشستر ممكن تقولين لندن المصغره كلشي تقريبا نفس لندن اماكنها واسماء شوارعها ومحطاتها ومجمع ترافورد ممتاز جدا وراقي وفخم وكبير وعندهم ايضا شارع العرب روشلم بس اشوفه عادي جدا ٥/ هل ال guest house مكان آمن للسكن في لندن لان اسعارها ارخص من الفنادق ؟ ان شاء الله امنه طبعا على حسب المكان ممكن تشوفين الي يعجبج منها وتعرضينه علينا وان شاء الله نقدر نفيدج بس الافضل تسكنين بالمناطق القريبه من شارع اكسفورد او المايفير او البيزووتر او النايتسبرج و جزاكم الله خير جميعاً