السلام عليكم

اعزائي اعضاء المنتدى


تقرير هذا بيكون عن هوتيل اكسبلورر في ديزني لاند باريس

كانت زيارتي الاخيره شهر 6 /2015


ما ابي اذكر تفاصيل زيارتي لباريس وديزني لاند لانه ما فيها شي يديد


لكن اليديد


الفندق و الوقت

هذي اول مره اسافر بالصيف


والفندق تم اختياره لانه صيف وحوض السباحه عندهم شكله مغري بالصور

فقررنا نحجزه للاستمتاع بالسباحه




كانت رحلتنا على متن الخطوط القطريه





الطياره ممتاااازه

خدمه رائعه والمضيفات مهتمين بالركاب بدرجه كبيره

و الطياره نظيفه ويديده كانت دورين


بس العيب الوحيد الاكل

ولو اني مو من النوع اللي ياكل بالطياره بس شفت اكلهم ماعجبني












وصلنا الفندق


من فئة 3 نجود ووايد عليه بعد



















عطونا غرفتنا

فاميل روووم


الصدمه




الغرفه حاااااره مافيها تكييف


ولمن سألناهم قالولنا الفندق غير مكيييف


شنسوي


نتحمل .. اضطرينا نتحمل



وهذي كانت غلطتنا .. ما تأكدنا قبل الحجز










العيب الثاني بالغرفه

الحمام (اجلكم الله) مأساااااااه


المرحاض بغرفه والمغسله والشاور بغرفه ثانيه

شلون يعني




منو المهندس اللي مصمم لكم هذا الفندق


شايفين !!!!!!!!!!


هذا الفيووو







نروح الحين لمرفقات الفندق


بلاي قراوند للاطفال

شي جميل كنا نشرب قهوه بالليل والاطفال يلعبون













مطعم البيتزا

شي هم استفدنا من وجوده ..




الريووق في هذا المطعم

زحمه وفوضى

واحلى مافيه الكرواسووون





ممكن نقعد داخل المطعم او خارج

بالخارج وايد اهدى من الفوضى اللي داخل













بالصيف الجووو حااااار حاااار والشمس عاموديه تضرب بالراااس


صيفنا بديرتنا احلى


ياحلات سفر الشتا بس

اما الصيف اول واخر مره .. وااااااااايد حر



]

اليكم مقتطفات بسيطه من عروض الصيف






انا كنت شهر 12 بديزني لاند

والله العروض تغيرت خلال 6 شهور

وغير جذي كان في عرض مسرحي لايف ل فروزن استمتعت فيه




























قبل الليل يتم بيع القبعات والتاج المضيء للعرض المسائي

هذي ميزه بالصيف النهار طويل يصير الليل عندهم الساعه 10

فتتسكر المدينه متأخر










والميزه الثانيه بالصيف الاطفال قدرو يلبسون ملابس الشخصيات





كل يوم لبس شخصيه غير


والتسوق الممتع في محلاتهم

ماتغيرت البضاعه خلال 6 شهور








واخيرااا


لازم كل مره نروح نحتفل بعيد ميلاد

حتى لو ماعندنا وقتها عيد ميلاد نقولهم نبي كيكه




ولازم الاطفال ياخذون تواقيع شخصياتهم اللي يحبونها




موقف صارلنا هناك

انا طبعا كل سنه اروح ديزني لاند باريس بالشتا وقليل فيه عرب الاكثر الاجانب.. ولا مره تعرضنا لموقف او سرقه او اي شي من اللي اسمع فيه

واصلا الاغلب مايدرون انه احنا عرب .. عبالهم اتراك ..


هالسنه اول مره اسافر بالصيف .. ووايد شفت عرب هناك

هالسنه تعرضنا للسرقه ..

كانت عندنا عربانه اطفال دخلنا احد الالعاب وكالعاده خلينا العربانه براا وكانت معلقه عليها اكياس

انباقت طبعا اهي والكياس المعلقه فيها

هذي اول مره .. مع انه كل سنه عادي اخلي كل اغراضنا ولا مره انبقنا

قلنا يمكن يكثر العرب بهالفتره ويدرون انه العرب يشترون وايد ..




باختصار .. الفندق سيء مستحيل احجزه فيه مره ثانيه
السفر بالصيف ماحبيته

وشكرااا لكم عالمتابعه ان شالله اكون فدتكم عن الفندق

شكرا اختي اوبرا لنقل تجربتك عن فندق اكسبلورر
عشان ماحد يحجز فية وقت الصيف

الله يعوضك خير

ولو نقلتي لنا تجربتك وتقرير عن الرحلة يكون احسن يمكن احد يستفيد

يعطيك العافية

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

---

التعديل الأخير تم بواسطة فارس من خيال ; 03-11-2015 الساعة 12:27 PM

يالله حيها

واضح متذمره مره من سفره الصيف

هذي مشكله بعض فنادق اوربا ما فيها تكييف

كل الشكر لك

حلوه ديكورات الفندق للاطفال بس اثق في ذوقج دام قلتي ما يسوى
مافي على سفر الشتا
معوضين خير على المسروقات احنا أوقات حتى الكاميرا نتركها في العربة ونرجع لها بعد فترة مكانها بس يبيلنا حذّر اكثر

شكر لذكر تجربتك مميزتنا ام بدر

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

من طول الغيبات ياب الغنايم بهبهانية وين كل هالغيبة مالج حس ..


انا الصيف مااسافر احب اقعد بالكويت سفراتي تبتدي من اكتوبر الى مايو احس احلى الاجواء في هالفتره ..
وصج فنادق اوربا بالصيف ما تنبغى والسبب انه مافيهم تكيف ..
الله يعوضكم ان شاءالله ..
خلج على الشتا احلى ..
الله يعطيج العافيه

وعليكم السلام ورحمة الله وبركاته
هلا والله بإختنا بهبهانية
فرحت بشوفة معرفج معانا
حسافة واضح مااستانستوا بالسفرة أولها الفندق بدون تكييف
بس الحرص على البحث عن خدمات الفندق في بوكينق منها فيه تكييف ولا لا
إن شاءالله المرات الجاية احلى واونس
دمــــ بود ــــتي

هلا اوبرا

السفر بالشتاء أفضل بكثير و أقل زحمة
الصيف دايم زحمة و الحجوزات صعبة مع زيادة كبيرة بالاسعار

جميل رأيك الصريح بالفندق
استمتعنا بالعروض الصيفية شكراً لك

اهلا رائع ماطرحتيه اوبرا كل الشكر

الصيف زحمة والشتاء رووعه والحل

رحلة الشتاء والصيف لووووووول

اكرر شكري

هولمز