بسم الله الرحمن الرحيم
السلام عليكم ورحمة الله وبركاته
انا وزوجي نخطط نروح لرحلة شهر العسل في شهر امايو 2016 واحتاج مساعدكم في التخطيط


خط الرحلة بيكون :

من البحرين لي نيو يورك

بعدها طيران داخلي لي اورلاندو فلوريدا
5 ايام في ديزني ورلد
يومين يونيفرسال ستوديوز


(( شنو في بعد اشياء في اورلندو؟؟ )))

فورت لودريل
كروز 7 ايام على الرويال كاريبيان تاريخ 8 لي 15 مايو ( تم الحجز )


ميامي 5 ايام

بعدين بنروح خط من ميامي لي اتلانتا (( اذا احد يقدر يفيدني عن هذي المكان بكون شاكرة )

بنتم يوم او يومين نريح فيه وعقبها بنروح خط لي كنتاكي حق معرض الكورفت

عقبها بنروح اوهايو حق مكان اسمه ( هوكنق هلز ) والي راح لها ويقدر يفيدنا بكون له شاكره

عقبها من اوهايو لي نيويورك طبعا بالسيارة

عقب بنكون في نيويورك 4 ايام


العودة الى الوطن



هل الجدول مرتب؟

وين نحصل العاب مينونة مثل zip line ?

واذا في تعديل بعد قولولي


شـكــ وبارك الله فيكم ـــرا لكم ... لكم مني أجمل تحية .

اهلا وسهلا ..

الف الف مبروك والله يجمع بينكم على خير ويديم محبتكم ..

خلاص مااكدين على امريكا برائيي متعبه وانتم تو جداد على بعضكم .. اوروبا باريس لندن شهر عسل تنفع وبقوة

امريكا بفيدونك خبرائنا ومشرفيها ابشري

هولمز

يسعد صباحك
والف مبروك مقدما

انا اشوف انك تروح بخطتين من نيويورك
الاولى

بالسياره من نيويورك الى اوهايو 550 ميل

ومن اوهايو الى كنتاكي 250 ميل

ومن كنتاكي الى اتلانتا 350 ميل

ومن اتلانتا الى اورلاندو 450 ميل

واخيرا الى ميامي بحدود 250 ميل

ومنها ارجع طيران الى نيويورك

المخطط الثاني العكس

وهو الانسب لترتيب سير الرحله

بالنسبه لبحيره روس
اللى عليها هوكينج هيلز

فهي مو بعيده عن مدينه كولومبس تقريبا 120 كيلو

بس انتو حددو اي مدن بتزورونها بتلك الولايات
مثل كنتاكي واوهايو

مرحباً بك أختي
ويسعدني أنه يكون أول رد لي في بوابة امريكا.
ألف مبروك زاجكم والله يتمم لكم على خير

من واقع تجربه أتفق مع رأي الأخ ابو طلال
لكن اضيف حاجه على ابو طلال انصح بعد ايجار السياره من نيويورك لأنه أغلى من المدن الأخرى
بالإضافه الى بعد المسافه.
واذا كنت راح تبقي على مخططك. ميامي-اتلانتنا راح يكون مشوار جداً طويل انصح بالطائره


بالنسبه لأورلاندو ممكن تروحون ل Busch Gardens اللي هي six flags من اكبر الملاهي اللي فيها العاب خطره
تبعد عن اورلاندو ساعه

باالإضافه للأماكن اللي في أوردلاندو:
-premium outlet orlando للتسوق
- حضور بعد العروض مثل cirque du soleil أو Blue Man.

بالنسبه لميامي 5 ايام كثير عليها (من وجهة نظري) اذا فيكم على مشوار 3 ساعات تقدروا تروحو Key West
3 ايام تكفيها


بالنسبه لإستفسارك عن الـ ZIP LINE أفضل واطول وحده في أمريكا موجود جنب أتلانتا 45 دقيقه سبق وأني زرتها وأقمت ليلتين هناك تجربه كانت جداً رائعه وسكنت في كوخ معلق في شجره تستحق الجربه.
أسم المكان historic Banning Mile

ومن الأماكن اللي تستحق الزياره في اتلانتا
World of Coca-Cola
المركز الرئيسي لقناة الـ CNN
منطقة little 5 points area
Atlanta Botanical Garden


أتمنى أني أفدتك بعض الشي

وأي استفسار أنا حاضر

1000 مبروك مقدماً

سعيدين بتواجدك بيننا

ما قصروا الخبراء