بسم الله الرحمن الرحيم
تم التخطيط لرحلة أمريكا ،، ياريت اتساعدوني يراكم الله خير في اي رحلة،
رحلة رقم1 ..
الوصول الى واشنطن تاريخ 27.3.2015
لمدة ليله واحدة ثم السفر بالطائرة الى اورلاندو لمدة 8ليالي
ثم بالسيارة الى ميامي لمدة ليلتين وثم السفر بالطائرة الى نيويورك لمدة 3 ليالي
ممكن ترشحون لي الفنادق وأماكن للسكن في كل هذه الأماكن ؟
واقتراح جدول لاهم الأماكن اللي تستأهل زيارتها ؟

رحلة رقم 2
الوصول مطار شيكاغو والبقاء فيها 3ليالي
ثم السفر بالطائرة الى اورلاندو لمدة 8ليالي ثم السفر بالطائرة الى نيويورك 3ليالي

ممكن ترشحون لي مكان السكن واقتراح جدول لاهم الأماكن ?
ملاحظه ،،،،،،،
السفر سيكون.يوم14
الميزانية مفتوحة ،، الفنادق يفضّل تكون ما بين 5الى 4نجوم

المسافرون 2 بالعون ورضيع
وجزاكم الله خير ،،، ساعدوني

ليش المنتدى ميت ،، هاللكثر مشاهدات ومحد يرد

ارشح الخيار الاول
باورلاندو انصح بشقق شيرتون فيزتانا
عن تجربة شي مرتب و نظيف


اولاندو خصصوا يوم العاب يوم سوق عشان ماتعبون
ممكن تزورون تامبا من اولاندو مش بعيدة


طبعا اللي يروح امريكا لازم يزور البريموم اوتلتس المنتشرة فيها


من نيويورك لو زودتي يوم مثلا ممكن تروحين شلالات نياقرا بالطائرة الى مطار بافلو
انا خذت التذكرة ب 120 دولار و التاكسي ياخذج من المطار الى الشلالات في حدود 60 دولار


رحلة تستحق التجربة
روحي الرحلات اللي بالساعة 8 صباحا عشان يمديج تسمتعين و ترجعين 8 بالليل

مشكورة اختي منبره
بالنسبة الشلالات يقول اخوي امباست انها بتكون مغلقه ولا في خاطري أسير

بالنسبة لديزني كم يوم أخصص ،،،

عندج فكرة عن فنادق نيويورك و ميامي و واشنطن
وأقرب أوتليت لهم يستاهل

في نيويورك سكنت ب ماريوت تايم سيكوير موقعه حلو
و ميامي ماسكنت فيها سكنت في بومبونا بييج


واشنطن لم ازرها


في ميامي عندج swagress mills outlet

ارشح الاختيار الاول مناسب للجو و الفتره الزمنيه

الخيار الثاني بررد بنيويورك و شيكاغو بالاضافة الى ان شيكاغو تستاهل اكثر من ٣ ليالي منطقه جدا جميله و راقيه و فيها أنشطه كثيره حرام توصلينها و تقعدين ٣ ليالي بتكونين بعدج تعبانه من الطريج و فرق الوقت

بالنسبه حق واشنطن اخذي فندق قريب المطار الانها زحمه ومافيها شي الا البيت الابيض و الكونغرس وجم معلم تقدرين تشوفيهم كلهم بالباص السياحي

نيويورك : عندج فنادق وايد على التايم سكوير مثل كراون بلازا و دبل تري و عندج انتركونتننتال يبعد شارع واحد عن التايم سكوير و نصيحه حضري عرض لايون كنج في برودواي شي روعه بس سالي اذا يسمحون بالرضيع
بالنسبه للأماكن السياحية نصيحه اخذي الباص السياحي لمده يومين او ثلاثه وتاخذين معاه تذاكر للامباير ستيت و تمثال الحريه و تنزلين و تصعدين منه بالمكان الي يعجبج وتشوفين كل نيويورك اهم الاماكن ( تايم سكوير امباير ستيت ول ستريت تمثال الحريه برودواي كله مسارح وعروض .. مطاعم و محلات بكل مكان - 5th افنيو و مادسون افنيو و سوهو للسوق .. ليتل ايتالي مطاعم ايطاليه )

ميامي عندج وايد فنادق مثل الرتز كارلتون و المندرين

دزني لاند ٤ حدائق وو الدزني داوم تاون فيها مطاعم و سينمات و فيها عرض سيرك دو سولي اليونيفيرسال فيها حديقتين و عندج السي ورلد حاولي تقسمين الايام على حسب الاولويات شنو الي حابه تشوفينه

اقترح الخيار الاول لاكن واشنطن ليلتين بالذهاب علشان تشوفونها ونيويورك ثلاث ليالي بالعوده

بالنسبه للفنادق فيوجد تقرير ( امريكا للمبتدئين ) فيه الفنادق

مشكورين ما قصرتوا
خلاص ان شاء الله بعتمد الخيار الاول
عندي سوْال شلالات نياقرا متى تفتح؟
والجو في فلوريدا وميامي كيف؟
و ديزني لاند كم يوم تستحق؟

وهل 8ايام في فلوريدا وأيد؟

هلا دانه أنا في اورلاندو اسكن بفيلا وما عندي خبره بالفنادق
نيويورك أحسنهم ماريوت ماركوس في قلب التايم سكوير
اورلاندو اهم الأماكن مدن الألعاب بس راح تواجهك مشكله الطفل لما تلعبون وين تحطونه وغالبيه الألعاب للكبار انا أرجح دائما الي معاه رضيع مايروح اورلاندو لان بيتوهق فيه وحرام التذاكر غالبيه وإذا مسكها واحد فيكم الثاني بيسك طابور ومضيعه وقت ماتستانسين بالعبه بروحك اذا ما حجزتو لين الحين فكري بوجهات ثانيه غير اورلاندو واستخيري