من دار الظبي احييكم و في قصر الامارات مبيتنا 2015 - الصفحة 3

هاوية الاسفار · 19-11-2015, 11:59 PM

هذا اللوبي الخاص لغرفنا

ردينا الغرفه تجهزنا و صلينا الظهر و سرينا صوب ياس مول دخلنا العيال الالعاب

و كانت اكثرها للي عمرهم تقريبا 10 سنوات عبينا البطاقة و عطيناهم التيلفون و قلنا بنتمشى

كنا شبعانين و شفنا توينجلز محل الشاي و قلنا بقعد نشرب

و من كثر الانواع ما عرفنا شو نختار و اخيرا قلنا شاي مغربي

و اسعارهم غاليه توصل 200 درهم لغوري الشاي

يا دوب خلصنا الشاي و اتصلوا اليهال قالوا خلصنا ليش بهالسرعه قالوا اغلب الالعاب الصغير ما يقدر يركبهم لازم يكون شخص بالغ وياهم

رجع زوجي عند الالعاب و انا قعدت اتمشى و شفت محلات وايده ما عندنا نفسها في دبي

بس للاسف ولدي الصغير ما خلاني اتطمش طول الوقت يصيح و بصراحه ما قدرت اشتري اي شيء

رجعوا العيال و كنا بصراحه شبعانين من الريوق الظاهر كثرنا خذنا سندويشات شيك شاك لليهال و انا طلبت

كباب من مطعم ايراني و رجعنا الفندق ورانا المسبح

طبعا الغرفة كانوا منظفينها و زادوا غرش الماي و الفواكه

و حتى الدفتر و القلم حاطين زياده و الله قلمهم خطه حلو

المهم نزلوا العيال و ابوهم المسبح و انا قلت بريح لاني اذا نزلت بفطس من الحر و قبل المغرب

تقريبا بنص ساعه نزلت و هاي بعض الصور

قعدت اتمشى و سرت صوب البحر لاني شفت خيمة و قلت بشوف شو فيها

و شفت مواعين تراثيه و حلوه

و طبعا هذيل حاطين فيهم حبوب القهوه و الهيل و بعض البهارات عشان السياح

و هذيل فنايين القهوة و الاستكانات

انواع الدلال و الغواري

و المكان فيه رعيان اثنين و بعيرين واحد من شافني قال حياج الله سالته عن البعران قلت بكم الدوره

قال ببلاش قلت خلاص برجع

هاي الغرف مقابله للبحر

أبن السلطنة و السفيرة *ب* معجبون بهذا.

هاوية الاسفار · 20-11-2015, 12:23 AM

رجعت عند العيال و قلت يالله اذا تبغون نسير صوب البعران اطلعوا بسرعه

و هاي الصوره

و هاي جلسات للي يحبون على البحر

يا دوب دقيقتين و رجعوا

ركبنا سيارتنا الغولف و رجعنا بس مشينا مسافه لان السيارات كلها فل

اليوم كنا ناوين نتعشى في الفنر تجهزنا و انطلقنا

ما صورت وايد لاني حاطة قبل صور في التقرير القديم و شفت بنت عمي مع زوجها و عيالها في المطعم

طلبنا مجبوس دياي و مرقوقة دياي و تكة دياي و سلطة و هاي الصور صورتها في دبي نفس الطلب

مرقوقتهم لذيذه و احب اطلبها دوم

دقوس الصقر اللي ما نستغنى عنه

و هذا الخنفروش اللذيذ

و لازم دلة القهوة

مسجد الشيخ زايد حاولت اصوره صوره واضحه ما قدرت

عقب ما رجعنا كان في خاطري انزل الكوفي اللي تحت لكن الصغير ما خلاني فطلبت غوري

شاي مغربي و ليتني ماطلبته مررررررررررر علقم اللي اسويه احلى بمليون مره

طبعا محد شرب الشاي بس التمر اللي وياه كان حلو

و خلص اليوم الثاني و اشوفكم الصبح مع صور لبوفيه الفطور

دمتم بود

أبن السلطنة و السفيرة *ب* معجبون بهذا.

آخـــرفـــرصـــة · 20-11-2015, 12:27 PM

شكلك ناوية على القلم يا ام علي

ما شاء الله الفندق كبير و خدماته رائعة

اعجبتني الخيمة اللي عند البحر
يعني الواحد ممكن يسوي القهوة و الشاهي بنفسه هنا ؟

بكذا اشوف يستاهل السعر اللي اندفع فيه خاصة ان المرافق
كلها مجانية للنزلاء

اتذكر تقريرك عن مطعم الفنر و اشوفه من مزارات أبو ظبي

السفيرة *ب*معجبون بهذا.

|القحطاني| · 20-11-2015, 01:40 PM

ما شاء الله غريبة حجزتوا الفندق بدووون [emoji116] [emoji116] [emoji116] [emoji116] [emoji116]

ههههههه والله شيء رهيب لكن المطعم الاول جتني صداع اول ما عرفت سعر البيبسي

لان عندنا سعره بالبقالات والسوبر ماركت ب 1.5 ريال .. والمعطم النصاب الحرامي ب 5 ريال

عاد احنا لما نروح للمطاعم النصابين نشتري العصيرات من برا ونحطها بشنطة امي هههههه وواحد منا يشيل الشنطة

والفندق ما شاء الله شيء رهيب بس الاسعار ليش مذا معقول براد الشاي يوصل ل 200 ريال [emoji32]

هو عموما التمشيات لازم من البذخ فيها بس والله ما توقعتها كذا [emoji19][emoji19]

تذكرت العمال اللي نضاربهم على 5 ريال .. لو قالي الحين عمال البراد الشاهي ب 40 ريال وافقت هههههه

مسجد زايد رووووووعة

الله يعطيك العافية

Sent from my SM-T705 using Tapatalk

السفيرة *ب*معجبون بهذا.

هاوية الاسفار · 20-11-2015, 09:30 PM

اقتباس : المشاركة الأصلية كتبت بواسطة آخـــرفـــرصـــة

شكلك ناوية على القلم يا ام علي

ما شاء الله الفندق كبير و خدماته رائعة

اعجبتني الخيمة اللي عند البحر
يعني الواحد ممكن يسوي القهوة و الشاهي بنفسه هنا ؟

بكذا اشوف يستاهل السعر اللي اندفع فيه خاصة ان المرافق
كلها مجانية للنزلاء

اتذكر تقريرك عن مطعم الفنر و اشوفه من مزارات أبو ظبي

نوينا و خلصنا و الدفتر وياهم بعد
الخيمة الرعيان اللي فيها يضيفونك بالشاي و القهوة و التمر
الفندق كل شيء فيه حلو بس الغرفه اللي ما عجبتنا
تسلم

السفيرة *ب*معجبون بهذا.

فيصل · 20-11-2015, 09:46 PM

تسلمين والله
ما دام بالخاطر يستاهل الزياره

السفيرة *ب*معجبون بهذا.

هاوية الاسفار · 20-11-2015, 09:55 PM

اقتباس : المشاركة الأصلية كتبت بواسطة |القحطاني|

ما شاء الله غريبة حجزتوا الفندق بدووون [emoji116] [emoji116] [emoji116] [emoji116] [emoji116]

ههههههه والله شيء رهيب لكن المطعم الاول جتني صداع اول ما عرفت سعر البيبسي

لان عندنا سعره بالبقالات والسوبر ماركت ب 1.5 ريال .. والمعطم النصاب الحرامي ب 5 ريال

عاد احنا لما نروح للمطاعم النصابين نشتري العصيرات من برا ونحطها بشنطة امي هههههه وواحد منا يشيل الشنطة

والفندق ما شاء الله شيء رهيب بس الاسعار ليش مذا معقول براد الشاي يوصل ل 200 ريال [emoji32]

هو عموما التمشيات لازم من البذخ فيها بس والله ما توقعتها كذا [emoji19][emoji19]

تذكرت العمال اللي نضاربهم على 5 ريال .. لو قالي الحين عمال البراد الشاهي ب 40 ريال وافقت هههههه

مسجد زايد رووووووعة

الله يعطيك العافية

Sent from my SM-T705 using Tapatalk

الله يعافيك
اذا الغلاية مب متوفرة تبغيهم يوفرون مكينة النيسبريسو
احنا طلبنا غلايه و يابوها لنا
و الله المطعم موجود عندنا في دبي كل ما قلت حق زوجي خاطري في اشاز يقول لا تذكريني
البيبسي عندنا في كل المطاعم تقريبا بهالسعر و العصير يوصل 24 درهم بس هذيل وايد مبالغين في الأسعار
تسلم عَل المرور

|القحطاني|معجبون بهذا.

هاوية الاسفار · 20-11-2015, 09:59 PM

اقتباس : المشاركة الأصلية كتبت بواسطة فيصل

تسلمين والله
ما دام بالخاطر يستاهل الزياره

الله يسلمك
صدقت و الحمدلله أني جربته
و ما تم بخاطري

هاوية الاسفار · 22-11-2015, 02:21 PM

السلام عليكم و رحمة الله و بركاته

اليوم يوم خروجنا من الفندق

نزلت البوفيه من وقت عشان اقدر اصور

و هذا مكان جلوسنا بالامس كان فاضي لانه اول شيء لازم يمتلي المكان داخل عشان يفتحون هذا

و هني دخلت عشان احجز طاولة قبل لا يوصلون العيال

التمر و القهوة

البوفيه كان رائع و المكان مرتب و مزين احلى تزيين

المخبوزات

الكيك و المافن و الكرواسون

خبز السلايس و الحماصه

انواع الخبز الفرنسي

السلطات و التتبيلات

الفواكه

العصاير الطازجه

الاكل الساخن مثل البيض و الفول و الفاصوليا و غيره

حطيت لي فول و للاسف كان مب مهروس عدل و متجمع الماي فوقه و طلعت اصور البوفيه اللي برع

المخبوزات

الكريب و الوافلز

أبن السلطنة و السفيرة *ب* معجبون بهذا.

هاوية الاسفار · 22-11-2015, 03:09 PM

العصاير

الحليب و انواعه بالفراوله و الموز و حليب النوق و غيره

السلطات و المخللات

اللبنه و انواعها بالفلفل و الزعتر و البنجر و السماق و الجبنه البيضاء

العصاير الفريش و انواع عديده الشمام و التفاح و البطيخ ( اليح ) و انواع ثانيه

الحبوب

و هذيل السخانات فتحت سخان الفول و اشوفه مهروس و يشهي
و زقرت العامل و قلت له ليش الفول داخل غير و مب مهروس قال تبغين من هذا
قلت عادي احط قال اكيد و طبعا خذت لي المقسوم و شكرته و مشيت

بس قال بيخبر الطباخ و اشوفهم كلهم ساروا البوفيه الثاني يشوفون الفول

و هذا ريوقنا قبل ما يوصلون اليهال و طلبت اومليت

سالتهم عندكم شاي مغربي قال اكيد موجود و طلبنا غوري و طلع احلى من امس

ما اقدرت اصور من صوبنا لان المكان زحمه وايد بس الحمدلله الفطور كان لذيذ

و زوجي يقول البوفيه احلى من ابراج الاتحاد خلصنا و تمشينا شوي قبل لا نرجع الغرفه

و هاي الجلسات اللي ماليه الفندق و بعدين شفت لوحه ممنوع التصوير

لكن المكان فاضي و اعتقد في المساء يكون مليان و فيه المشروبات المحرمة

هذا الكوفي الموجود في الفندق

انواع الشاي بس ما ادري اذا كان مجاني

و طبعا لازم ادخل تكرمون الحمام و اصوره

المغاسل

البراويز

المزهرية لابد منها

هذا بيانو في الردهة

لوحه للقصر

و هاي صوره من الجهه الاخرى للقصر

رجعنا الغرفة نتجهز و زوجي نزل يدفع

دفع 2923.20 ما ادري ليش الفلس

المهم طلعت الغرفه اول ليله 1290
الليله الثانيه 1190
خدمة الغرف 77.40
الشاي كان 40 بس دفعنا 46.40
ضريبة سياحيه 119
ضريبة ما ادري شو 71.40
المهم دفعنا 500 درهم زياده
اذا الحجز من بوكينج لازم ندفع تقريبا 200 لين 300 زياده بس هذيل خذوا 500 و الحساب كله بالفلس

بس الحمدلله الفندق كل شيء فيه حلو بس مثل ما قلت الغرفه ما عيبتنا

اما المرافق و البوفيه و المسبح كل شيء ممتاز

و طلعنا من الفندق و بعد نص ساعه تذكرت موبايل ولدي سالته وينه قال ما ادري

فاتصلت على الرقم و ردت عليه وحده قالت الموبايل في الغرفه

قلت خلاص باجر بطرش اختي تاخذه و قالت اوكي

بعد يومن او ثلاث كلمت اختي و كلمت زوجها و في الاخير طرش دريول المؤسسه و كان مصري

ما رضوا يعطونه و قالوا ما عندنا رجعت اتصلت قالت الموظفه امنيا ممنوع نسلم اي شيء الا لصاحب الغرض

و لازم يكون وياكم الهوية او اي اثبات

و بعد شهر زوجي كلم ربيعه و قال يعرف حد في الفندق و نفس الشيء قالوا ما عندنا

صار اكثر من شهرين و اخيرا زوجي سار بروحه و عطوه الموبايل

لكن للاسف بعد كم يوم ولدي الاصغر يلعب فيه و كسر الشاشه كلها و اخترب

قصه طويله رايحين و راجعين و في الاخير ما استفدنا من الموبايل

المهم انه عندهم امانه و اي شيء يضيع عنكم يحتفظون فيه بس لازم صاحب الحجز هو بنفسه

يحضر و ياخذ الغرض

اتمنى ان يكون التقرير عجبكم و اي استفسار انا حاضره

دمتم بود

أبن السلطنة و السفيرة *ب* معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا أضع بين ايديكم جميع استفساراتي في موضوع واحد ،، بالترتيب وشكرا الف	So true	ماليزيا	28	12-12-2015 12:45 PM
.. جدول سفرتي وضعته بين ايديكم حتى استفيد وأفيد ..	الحبوب	بوابة البوسنة	10	20-09-2015 08:23 AM
من اسطنبول احييكم	mahmood	تركيا	10	09-09-2015 11:05 PM