من دار الظبي احييكم و في قصر الامارات مبيتنا 2015

هاوية الاسفار · 19-11-2015, 01:09 AM

طبعا الغرفة كانت كئيبه و غير هذا ما فيها لا غلاية و لا مكينة القهوة و لا حتى باكيتات شاي او قهوة

مثل ما احنا متعودين في جميع الفنادق فقال زوجي بتغيرين قلت خلاص نبات الليله

و نشوف اذا رجعولنا المبلغ نشوف مكان ثاني باجر

و بسرعه نزلنا للمسبح لان قرب المغرب و ما عندنا وقت

هذا الممر بين الغرف و المؤدي لحوض السباحه

الفندق فيه قسمين للسباحه هذا القريب من غرفنا

و الثاني مكانه بعيد و لازم نركب سيارات النادي للتوصيل و انطلقنا

وصلنا للمسبح و هذا كبير وايد و فيه زحاليق

الشلال

ابراج الاتحاد اطالعهم من بعيد و اقول يا ليتني كنت ساكنه فيهم

و هذا النحاسي فندق جديد اعتقد اسمه بوابة القصر بس بعده ما خلص

العيال مستانسين و انا فطست من الحر

بعد ما خلصوا لعب رجعنا للغرفة و هاي بعض مرافق القصر و غرف كثيره

لازالت التصليحات جارية في القصر

مساكين استانسوا يوم شافوني اصورهم

المارينا مول من بعيد

اول ما دخلنا الغرفه و الا نشوفهم منظفينها لييييش يا دوب تونا واصلين

و مجهزين الشباشب

قعدت اجري اتصالاتي عشان اكنسل ثاني ليله اتصلت الريسيبشن قالت الموظفه كلمي بوكينج

احنا ما يخصنا كلمت بوكينج قالوا ما عندنا مانع بس شوفوا الفندق اذا بيرجعون باقي المبلغ

رجعت اتصلت الريسيبشن قالت اذا كنسلتوا ما بنرجع المبلغ خلاص دفعتوا من غير استرجاع

قلنا امرنا لله و المبلغ مب شويه بنقعد و احنا ساكتين

بعد المغرب طلعنا ناخذ عشاء من زهرة لبنان خذنا سندويشات فلافل و شاورما و فتوش و كبده دياي

و المطعم هذا معروف في بوظبي و عندهم فروع وايده

رجعنا الفندق بس قبل ما نطلع شفنا ناس تدخل و تطلع من بوابة عند الغرف

و سالنا الموظف وين هذا قال هني مواقف السيارات تقدرون توقفون عند هالمواقف من غير ما تدخلون من

المدخل الرئيسي و وقفنا عند المواقف و اللي قلت قبل عنه المدخل الشرقي و ما يحتاج حد يوقف السياره

توقفونها بنفسكم و تدخلون على طول

رجعنا الغرفه و طلبت فراش لليهال و سرير للرضيع و خلص يومنا الاول و نلتقي وياكم في اليوم الثاني

دمتم بود

السفيرة *ب*معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا أضع بين ايديكم جميع استفساراتي في موضوع واحد ،، بالترتيب وشكرا الف	So true	ماليزيا	28	12-12-2015 12:45 PM
.. جدول سفرتي وضعته بين ايديكم حتى استفيد وأفيد ..	الحبوب	بوابة البوسنة	10	20-09-2015 08:23 AM
من اسطنبول احييكم	mahmood	تركيا	10	09-09-2015 11:05 PM