السلام عليكم ورحمة الله وبركاتة
الاخوه الاعزاء اانا قدمت على الفيزا البريطانية وبصمت من اسبوع تقريباً واموري تمام الحمدالله لمدة 6 شهور

لكن للاسف مع الشغل والارتباطات كنت احول بين حساباتي من حسابي الاساسي
الي حسابات فرعية ونسيت امر الفيزا اطلاقاً راح عن بالي

المهم سويت كشف حساب 3 شهور اتوقع الحساب مافيه شي يسوي صراحه لكن راتبي ينزل فيه

وسويت كشف للحساب وارفقته بدون حتى انتبه ان الحساب مافيه مبلغ محرز متأكد اقل من 5 الاف

تتوقعون يرفضون ؟ او يسبب لي مشكلة والتأخير

علماً ان سفرتي 7 فبراير

اهلا ريلاكس مان
جهز كشف أو 2 من حساباتك الفرعيه الأخرى وحاول تقدمه لهم
ولو جوازك به تأشيرات قديمه سياحيه وليس شرط تكون بريطانيا
وسافرت وعدت وأمورك تمام بإذن الله تعدي وتآجي تبشرنا

هلا وغلا يسعدلي ايامك يالغالي
المشكلة انا بصمت وانهيت لي اسبوع تقريباً
وفجأة تذكرت امس اني جايب العيد
اقدر اعطيهم كشف جديد ؟ بعد ما خلصت تبصيم وراحت اوراقي ؟

هلا عزيزي

لا مشكلة على الاطلاق

هم ينظرون للدخل الثابت اللي هو راتبك أو أي دخل آخر
أما رصيد الحساب يعتبر أمر ثانوي
دام دخلك الشهري ممتاز لا تشيل هم بتحصل على الموافقة ان شاء الله

إن شاء الله بتعدي الأمور لا تقلق ..
طالما هناك حركة بالحساب ومعروف راتبك الشهري كما قال لك الأخوة إن شاء الله الأمور بتعدي بدون مشاكل.. بالتوفيق

الله يبشركم بالخير يارب
والله يا كلامكم يسر الخاطر فبيض الله وجيهكم جميع

انا قدمت تعريف بالراتب مثل ما طلبوا وان شاء الله تتم الموافقه
بالنسبة للوقت عاد انا قدمت وبصمت قبل اسبوع وان شاء الله ربي يسهلها

الشكر وجل التقدير لكم استاذتي يا عصابة راسي

انتظرها هالاسبوع القادم يا غالي
ما فيه زحمه حاليا عليها

نقول ان شاء الله يافيصل وراح ابشركم بحول الله اول ما تصدر

لاعدمناكم يارب وان شاء الله تخلص الاسبوع الجاي عشان ارتب جدولي

الحمدالله ابشركم يالربع طلعت الفيزا بدون مشاكل
والفتره كانت 3 اسابيع بالضبط
اشكركم من الاعماق