السلام عليكم


قررنا نروح دبي ولأول مره
مع اني مو متحمسه لها ابد لني من عشاق الطبيعه

ولا اعرف أي شي في دبي غير النافوره الراقصه ودبي مول

بس حسب علمي ان دبي مول شامل لكل شي يعني ممكن انه نكتفي فيه صح كلامي .؟


انا حابه استمتع بالمشي اكثر شي عشان كذا ابي اسكن في دبي مول او مايجاوره بس مو عارفه الفنادق اللي فيه ياليت تفيدونا ..؟

ابي فنادق حلوه واسعاره رخيصه وابيها تكون مطله ع البحر

وبس

وشاطئ جميره اين يقع ... ؟

اختيار موفق في وقت موفق لان دول الخليج الافضل زيارتها في الشتا لان في الصيف تضيع متعتها بسبب الحر والرطوبه

مثل ماتكرمت مشرفتنا الغاليه ان توجد اماكن كثيره تستحق الزياره في دبي ولا يقتصر على دبي مول

والسكن يختلف حسب ميزانيتك اذا حابه فنادق او شقق فندقيه بالنسبه للاسعار الرخيصه تكون حسب الموقع وفخامة السكن والخدمات واغلب الفنادق اللي على البحر ولها اطلاله ماتكون رخيصه وحتى الشقق الفندقيه اللي في الجي بي ار والمارينا تكون فخمه وممتازه واسعارها متوسطه وليست رخيصه وطبعا ميزانيتك تحكم

بالنسبه لسؤالك عن الجي بي ار يقع قريب من المارينا ومرسى دبي كلهم على امتداد واحد وقريبين من مدينة دبي للانترنت ومدخل نخلة الجميره

ياليت تذكرين عدد الاشخاص وعدد الايام والتاريخ والميزانيه المقترحه وطريقه المواصلات علشان نقدر نفيدك اكثر

احنا شخصين
المده ثلاث ايام
الميزانيه شامله الطياره والسكن والاكل والتنقل ٨٠٠٠ ريال
التنقل تكاسي وان شاءالله مانحتاجها كثير لن ابي موقع استراتيجي يغنيني عنها

انا اطلعت ع البوكنق وشفت اسعار حلوه لثلاث ايام بحدود الف وتسع ميه او الفين بس مشكلتي ما ادري هل موقعها كويس وقريب من كل شي او لا

لا مابي تسوق بس ابي اتفرج ومطاعم ��

بما انك من دبي عطيني رايك بهذول المطعمين

@fortnumsdubai

@angelinaparisae

بالتوفيق

عدنا لكي

اولا : المده قصره على دبي لكن راح ارتبلك الجدول في الايام الثلاثه

ثانيا الموقع الافضل لك هو البرشا لكن للاسف ماراح يكوزن مطل على البحر ودك بومقع على البحر راح تحتاجين تستخدمين التكسي كثير


بسم الله
السكن

ياليت تكتبين التاريخ واذا ودك تذكرين الفنادق اللي عجبتك علشان نقولك الموقع كويس او لا

فندق نوفوتيل البرشا نظيف ومميز ومموقعه مقابل المترو وعلى الشارع العام وهذا مجربينه اقاربي ومادحينه

Booking.com: ظپظ†ط¯ظ‚ ظ†ظˆظپظˆطھظٹظ„ ط§ظ„ط¨ط±ط´ط§ط، ط¯ط¨ظٹ - ط¯ط¨ظٹ, ط§ظ„ط¥ظ…ط§ط±ط§طھ

انا شخصيا جربت برايد للشقق الفندقيه ملاسق لفندق نوفوتيل وامام محطه المترو وعلى الشارع العام وجميع الخدمات متوفره

Booking.com: ط¨ط±ط§ظٹط¯ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ



فندق جلوريا
وهذا بعد موقعه على الشارع العام وفي غرف مطله على البحر ملاحطه ليس على البحر ولكن تشوفين البحر من الغرف وامامه المترو وقريب من المجمعات


Booking.com: ظپظ†ط¯ظ‚ ط¬ظ„ظˆط±ظٹط§ - ط¯ط¨ظٹ, ط§ظ„ط¥ظ…ط§ط±ط§طھ


بيرل مارينا للشقق الفندقيه موقعه في مرسى دبي المطاعم والممشى والجي بي ار كلها عندك لن بعيد عن المجمعات له اطلاله على البحر تقييمه ممتاز في بوكينج

Booking.com: ط¨ظٹط±ظ„ ظ…ط§ط±ظٹظ†ط§ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ

فندق فلورا البرشا
تقييمه ممتاز في بوكينج وتروحين للامارات مول

Booking.com: ظپظ†ط§ط¯ظ‚ ظپظ„ظˆط±ط§ ط§ظ„ط¨ط±ط´ط§ط، - ط¯ط¨ظٹ, ط§ظ„ط¥ظ…ط§ط±ط§طھ

ملاحظه : الاسعار في بوكينج غير شامله رسوم الخدمه 10% +10% =20% بالاضافه للدرهم الاماراتي

ميزانية السكن في حدود 2400 ريال مع الرسوم ممكن اقل حسب اختيارك

جدول التمشيات

ما وظحتي هل الاقامه ثلاث ايام مع ايام الوصول والمغادره ووقت الوصول في المطار حتى ارتب لك الجدول على العموم

اليوم الاول يوم الوصول :

مجمع فيستفال عندهم مطعم الفنر الاماراتي جدا مميز وجوله بالقارب في الممرات المايه وممكن تدخلين السينما


اليوم الثاني :
التوجه الى حديقه الزهور مياركل جاردن بالتكسي
ثم التوجه الى القريه العالميه وقضاء باقي اليوم فيها طبعا بالتكسي لانها بعيده

اليوم الثالث :
اذا سكنتي بالجي بي ر او في المرسى بامكانك تناول الغداء هناك والتنزه بالممشى وجميع المطاعم والمقاهي الموجوده فيه حلوه او ممكن تروحينه بالمترو او التكسي استخدام المترو ممتع واوفر واسرع خصوصا في زحمه السير في دبي


وممكن تتوجهين لدبي مول بالمترو وتنزلين بالمحطه وتنزلين تتمشين ببوليفارد السيخ محمد ومطاعم ومقاهي جدا جميله وراقيه الى ان توصلين لدبي مول لانه لابد من المشي من المحطه الى المول او ممكن تيتخدمين التكسي مباشره للمجمع لكن البوليفارد جميل ويستحق الزياره

اما دبي مول تقضين باقي اليوم فيه ودخول الاكواريوم و التوجه للنافوره وممكن تدخلين برج خليفه حجز التذاكر عن طريق الموقع الالكتروني وممكن زياره سوق البحار ويمكن ال\هاب له عبر الجسر فوق البحيه اللي موجوذ فيها النافوره وممكن ركوب القارب والتنزه في البحيره اروع وقت للنافوره هو بالليل وجميع المطاعم والمقاهي المطله على النافوره جميله سواءا في دبي مول او المطاعم الموجوده في سوق البحار


اليوم الرابع :
ممكن تخلين اليوم في فندق اتلانتس

او ممكن تروحين الامارات مول وتدخلين سكاي دبي وتتغدين فيه وبعد كذا لقرية الشندغه للتراث و الغوص (اذا كنتي من محبين المتاحف والتراث )

وقريه البوم يوجد بها سفن تاخذك بجوله مع وجبه العساء جو جميل وبالمره تزورين حديقه الخور الملاسقه لها وتركبين التلفريك وملاصق لهم مكان يوجد فيه عروض للدلافين اذا تحبين

اليوم الاخير العوده للوطن

رحله موفقه باذن الله واي استفسار موجودين

وش معنى اخترت البرشاء حسب ماقريت انه بعيد شوي
انا محتاره بين اني اسكن في دبي مول او بالفنادق اللي في المارينا بالجي بي ار ايش افضل ؟

انا حبيت الانتركونتننتال من الفنادق اللي عجبني تصميم غرفها وفيها كمية شراحه

راح تكون اربع ليالي
وممن تاريخ سته يناير الى تسعه يناير