قريباً سأكتب تقرير مفصٌل .
" جاري العمل عليه "

مبرووك الفيزا

20 ديسمبر : يوم السفر " الوصول لـ لندن 18:00 p.m
تاخذ قطار هيثرو اكسبرس ويوصل على طول بادنغتون
سعر التذكره من 16-20 باوند ناسية بالضيط جم
عقب ما تطلع من القادمون تلقى مكتب هيثرو اكسبرس احجز ون وي على بادنغتون ويقولون لك وين تروح واي رقم رصيف يوقف القطار.

21 ديسمبر : " إحتمال كبير ، بحاول أحضر مباراة ارسنال - السيتي بتكون الساعة " 18 " ( كمان لو تدلوني للوصول لـ ملعب الإمارات .


عشان توصل النادي اذا بالاندرقراوند تاخذ الخط الكحلي اسمه بيكاديللي لاين واللي يمر على هالمناطق لوقلنا ماخذه من بيكاديللي سيركس سمر على ( ليستر سكوير - كوفنت غاردن - هولبورن - رسل سكوير - كنغز كروس - هولوي رود - ارسنال ) انت تنزل ارسنال وبتلفى الملعب وهذي الخريطه


http://content.tfl.gov.uk/standard-tube-map.pdf

22 ديسمبر : تقدر تاخذ الباص السياحي يومين وتفتر على كل لندن وتنزل اي مكان يعجبك من اللي يمر عليهم الباص وترد تركب الباص اللي بعد عقب ماتشبع من المكان وترد اتكمل التور
23 ديسمبر :تقدر تاخذ الباص السياحي يومين وتفتر على كل لندن وتنزل اي مكان يعجبك من اللي يمر عليهم الباص وترد تركب الباص اللي بعد عقب ماتشبع من المكان وترد اتكمل التور
24 ديسمبر : زياره مانشستر
25 ديسمبر : اوف كل بريطانيا
26 ديسمبر : ونتر وندرلاند يمكن تصير يوميه اذا يمك تقرير بوعبدالله عنها
http://www.arabtrvl.com/vb/t12889.html
27 ديسمبر : كوفنت غاردن covent garden منطقه حلوه في الويكند باص 23 يقطك عندها
28 ديسمبر : اذا تحب السوق ممكن زياره الاوت لت bicester village من محطة مارليبون
29 ديسمبر : تقرير مهند ان شاءالله يفيدك و تقريبا المعالم السياحية اغلبها تمرها من الباص السياحي لو خذيته تحصله بداية اوكسفورد عند ماربل ارتش باص احمر او ازرق.
http://www.arabtrvl.com/vb/t10291.html
30 ديسمبر : بوسعد يزاه الله خير حاط عن الباص السياحي
http://www.arabtrvl.com/vb/t1813.html
جدول 10 ايام في لندن
http://www.arabtrvl.com/vb/t1726.html
تقرير ام حسين لندن في يناير
http://www.arabtrvl.com/vb/t5914.html
تقرير بوعبدالله كوفنت غاردن وكامدن تاون
http://www.arabtrvl.com/vb/t11214.html
31 ديسمبر : تمشي وبعدها استعداد لاحتفال اذا بتحضر الاحتفال لازم تروح مبجر عند البيغ بن او لندن اي لان اذا ما رحت مبجر ما راح تشوف شي راح توقف عند ساحه الحمام اللي اهي ترافلجار سكوير وماتستانس اهل شرق اسيا من 6 المغرب ياخذون اماكن زينه على النهر ونقطة مهمه كل الباصات والمواصلات توقف من 8 تقريبا ويسكرون الشوارع احسب احساب المشي .
1 يناير : يوم السفر " العودة لـ السعودية 16:00 p.m
ممكن ترد بنفس القطارهيثرو اكسبرس من بادنغتون ستيشن الى هيثروارخص لك لانك بروحك
والباقي عليكم من وصولي لـ المطار وشريحة البيانات لـ رجعتي في السعودية


التلفون اخذ لايكا او ليبارا اهما الارخص والادجورود شارع العرب يسون لك الخدمه.
في شوات اذا تحب تشوف عروض مسرحية


ان شاءالله ما اكون قصرت معاك في الرد
واكيد ماراح يقصرون اخواني في الرد عليك

وعليكم السلام ورحمة الله وبركاته
ماشاء الله .... الف مبروك ... والله يهنيك وييسر امرك

ماقصرت اختنا بردها الله يعافيها ... بس انتبه لمشوار مانشيستر ترا 3 ساعات بالقطار يعني المجموع روحه ورجعه 6 ساعات ع الاقل والنهار كله 7 ساعات تقريبا يعني تروح بالليل وترجع بالليل عشان يمديك تشوف النهار هناك شوي وبعض الليل ... ولندن بتكون اجمل ...

شف الموضوع هذا يمكن يفيدك في التنقل واختيار وسيلة المواصلات المناسبة ورقم الباص او لو حبيت تروح لمكان مشي :
http://www.arabtrvl.com/vb/t8590.html

* شنطة الظهر مهمه واحرص ماتصير ثقيلة لا تتعبك ويكون فيه
شاحن متنقل + شاحن بطارية اضافي + كونكت ... والباقي فاضي لو شريت شي تحط فيها

* هذي شنطتي بس طبعا موب مشهورة مثل الشنطة البنية

ماقصرواا ابرار وابوعبدالله
هذيل خبرائنا بلندن
تروح وترجع بالسلامة