السلام عليكم ورحمة الله وبركاته ..

لو سمحتوا وارجوا من لدية خبرة في ان يساعدني
في برنامج سياحي الى دبي ..

من 8 يناير يوم الجمعه الى 15 يناير يوم الجمعه

حجزنا في طيران فلاي دبي ..

الرحله لشخصين ( انا و زوجي ) ..

تم حجز التذاكر والفندق ..

حددنا الاماكن اللي بنروح لها بس اول مرة نسافر ونتمني مساعده بالجدول لانه اول مره نروح لدبي ..

وارجو مساعدتنا بطريقة التنقل من مكان لاخر بالتاكسي ولا المترو ولا الترولي ولا نستاجر سياره افضل وترتيب جدول بحيث تكفي الايام والاماكن القريبه من بعض تكون بنفس اليوم عشان نستمتع بالرحله وتكفي الايام نزور الاماكن كلها ..

هذه المناطق اللي اخترناها ..

مول الامارات - سكاي دبي - دبي مول - سينما - النافورة الراقصه - المارينا - اوكرايم دبي - السوق الصيني - برج خليفه - رحلة بحريه في باتو دبي - حديقه الخور - القريه العالميه - حديقه دبي المعجزه - الجيمرا - جزيرة النخله - حديقه الفراشات - جزيرة البوم .

واذا فيه مجال نشوف جامع الشيخ زايد في ابو ظبي ..

واذا عندكم جدول افضل من الاماكن اللي اخترناها قولوا لي ..

وارجو تقولوا لي كيف يكون الجو في يناير عشان الملابس اللي ناخذها معانا ..

وكم تكلفة الرحلة بدون التذاكر وحجز الفندق ل 7 ليالي لانه تم دفعها مسبقا وحجزها ..

واتمني منكم تساعدونا بجدول مناسب وشكرا لكم جميعااا ..

السلام عليكم ورحمة الله وبركاته ..

وعليكم السلام ورحمه الله وبركاته

لو سمحتوا وارجوا من لدية خبرة في ان يساعدني
في برنامج سياحي الى دبي ..

ابشري بالخير
من 8 يناير يوم الجمعه الى 15 يناير يوم الجمعه

ما شاء الله نفس وقت رحلتي لدبي وجالس اجهز جدول خاص للرحله

حجزنا في طيران فلاي دبي ..

الرحله لشخصين ( انا و زوجي ) ..

تم حجز التذاكر والفندق ..

حددنا الاماكن اللي بنروح لها بس اول مرة نسافر ونتمني مساعده بالجدول لانه اول مره نروح لدبي ..

وارجو مساعدتنا بطريقة التنقل من مكان لاخر بالتاكسي ولا المترو ولا الترولي ولا نستاجر سياره افضل وترتيب جدول بحيث تكفي الايام والاماكن القريبه من بعض تكون بنفس اليوم عشان نستمتع بالرحله وتكفي الايام نزور الاماكن كلها ..


بالنسبه للتنقل الافضل تاجير سياره والسبب
اول التكاسي غاليه جدا
ثاني المترو ما يغطى بعض الاماكن
ويفضل تاجير السياره من خارج المطار ارخض وافضل

هذه المناطق اللي اخترناها ..

مول الامارات - سكاي دبي - دبي مول - سينما - النافورة الراقصه - المارينا - اوكرايم دبي - السوق الصيني - برج خليفه - رحلة بحريه في باتو دبي - حديقه الخور - القريه العالميه - حديقه دبي المعجزه - الجيمرا - جزيرة النخله - حديقه الفراشات - جزيرة البوم .

طيب ممكن اعرف السكن وين عشان اقدر احدد الجدول وارتبه لك

واذا فيه مجال نشوف جامع الشيخ زايد في ابو ظبي ..

ابو ظبي تقريبا 120 كيلو وما فيها شي من وجهه نظري


واذا عندكم جدول افضل من الاماكن اللي اخترناها قولوا لي ..

وارجو تقولوا لي كيف يكون الجو في يناير عشان الملابس اللي ناخذها معانا ..

وكم تكلفة الرحلة بدون التذاكر وحجز الفندق ل 7 ليالي لانه تم دفعها مسبقا وحجزها ..

التكلفه حسب السكن والمكان كل مكان له سعر

واتمني منكم تساعدونا بجدول مناسب وشكرا لكم جميعااا .

اي سؤال ابشري بالخير انا بالخدمه

آخر مواضيع اللـــــيث

- دبي دانة الدنيا بعيون اللـــــيث - مصر (( ام الدنيا )) بعيون اللـــــيث

توقيع : اللـــــيث

وعليكم السلام ورحمه الله وبركاتو

هههه الناس كلها بتروح دبي باجازه الربيع لان راح اكون بدبي بنفس الفتره


الاخ ليث ماقصر في ردوده

وانا ايد كلامه بان تجرين سياره من خارج المطار يعني وضحي مكان سكنك وممكن ندلك لاقرب مكاتب اجار للسيارات

وعن ابو ظبي لو كان الوصول لدبي والمغادره من ابوظبي بيساعدك علشان تستفيدين من الوقت او لو انك بتجين عن طريق البر كان قلت لك روحي لها لان يكفيها يوم واذا رحتي بالسياره ورجعتي بنفس اليوم احس ما راح يكفيك الوقت اقل شي تباتين يوم وهذا بيضيع وقتك ويوجد في ابوظبي اماكن جميله مثل مسجد زايد وجزيره ياس بكل ماتحويه من مجمع وفنادق و الفورميلا ون والمارينا


بالنسبه للجدول تفضلي طبعا انا افترضت ان وصولك العصر

اليوم الاول 8يناير

الوصول راح يكون الساعه اربع العصر باذن الله يعني على ماتخصين امورك بالمطار وتاخذين تكسي وتسجلين الدخول


وبعد كذا اذا كنت حاب تستاجر سياره وهذا اللي انصحك غيك انك تتوجه لاحد مكاتب تاجير السيارات القريبه منك وتاجر سياره
ملاحظه اذا بتاجرين السياره انا مانصحتك تاجرين السياره من المطار لان سمعت ان تكون اغلا من انك تاجرينها داخل دبي

تتوجهين الى مجمع فيستفال مول وتتناولين العشاء هناك وتدخلين السينما او تروحين الى الامارات مول وهو الاقرب لك وتدخلين سكاي دبي (داخل المول )السينما هناك



اليوم الثاني 9 يناير

تتوجهين لسوق مدينه الجميره وهو عباره عن ممرات مائيه ومجمع صغير ومطاعم ومقاهي على الممرات وممكن تشوفين برج العرب منه وفنادق (ميناء السلام والقصر والمصيف ) والفنادق يوجد فيها مطاعمها الخاصه ومقاهييها والسوق وتتقهوين هناك وتركبين في القوارب اللي تاخذك في جوله في الممرات المائيه وتتغدينن هناك و تتوجهين الى مرسى دبي (المارينا ) وتتناولين العشاء باحد المطاعم اللي ذكرتيها وتكملين الى الجي بي ار وتسهرين هناك مرسى دبي على امتداده الجي بي ار

اليوم الثالث 10 يناير
التوجه الى الامارات مول ودخول سكاي دبي وتتغدين هناك في احد المطاعم وتدخلين سكاي دبي في فترة الظهريه والعصريه (اذا كنتي مارحتيها في اليوم الاول اذا رحتيها خلي فيستفال في هذا اليوم ) وبعد كذا تتوجهين الى بوليفارد محمد بن راشد وتتقهوين هناك وبعد كذا تتوجهين لدبي مول وتدخلين الاكواريوم وبعد كذا تتوجهين للنافوره واذا وصلتي النافوره راح تلقين جسر يربط بين دبي مول وسوق البحار (مجمع صغير وعادي اللي يميزه المطاعم اللي تطل على النافوره ممكن تروحينه من خلال الجسر وتلقين نظره واذا حبيتي تتعشين باحد مطاعمه ممكن او احد مطاعم دبي مول المطله على النافوره )وتقضين الليله على النافوره وتركبين القارب وممكن تزورين برج خليفه لانه على النافوره ممكن تحجزين تذاكر عن طريق موقعهم الالكتروني

http://www.burjkhalifa.ae/en/index.aspx

ملاحظه : وضعت لك الامارات مول في اول اليوم لان من رايي انك تشوفين النافوره بالليل اجمل ولان النافوره عروضها المسائيه اكث من النهاريه وثاني سبب لان اذا بتستخدمين المترو راح تكون اول محطه هي محطة الامارات مول وبعدين تركبين المترو ووتتو جهين لمحطه دبي مول والمترو ماراح ينزلك بالمول مباشره مثل الامارات مول لا راح تنزلين وتمشين في بوليفارد الشيخ محمد لذلك خليته بالنص الجدول وبعد كذا تتوجهين مشي لدبي مول

اليوم الرابع 11

ممكن تختارين مطعم على شارع الشيخ زايد وتتغدين فيه مثل الصفدي او خنين او حتى فرع ريم البوادي بعد كذا تزورين حي الشندقه (تزورالمتحف .. زياره بيت الشيخ سعيد وقريه التراث وقريه الغوص ...) ومنطقه البستكيه اتوقع اسمها كذا (مناطق تراثيه وشعبيه تعكس التراث الاماراتي والبستكيه يوجد بها العديد من المطاعم والمقاهي الشعبيه
وبعد كذا تتوجهين الى حديقه الخور وبجوارها دولفيناريوم يوجد به عروض للدلافين ممكن تحجزين عن طريق النت

Dubai Dolphinarium - Dolphin Shows - Seal Shows - Exotic Bird Shows


هذا رقمهم اذا حابه تستفسرين

0097143369773

وبعد كذا تتوجهين لقرية البوم وهي قريبه جدا من الحديقه وتأخذ رحلة في قرية البوم ويكون العشاء في سفينه في خور دبي متواجده وتتنطلق من قرية البوم او تتعشين في مطعم الموجود بالقريه


جميع هذي الاماكن بالنسبه لهذا اليوم قريبه من بعض لكن تحتاج سياره
للامانه انا ماجربت احجز من النت لاني مابعد ازورها لكن حاطتها في جدولي وبحجز لكن الى الان مابدية احجز


اليوم الخامس 12

يوم التسوق افطري وطلعي بدري يعني 9 الصباح وتوجهي الى سوق نايف .. سوق الذهب .. سوق عكاظ .. سوق ابو الهيل للعبايات وبعد كذا توجهي
(1-الى فيستفال مول وتقدي في مطفم الفنر مطعم اماراتي تقليدي ممتاز
او الخيار الثاني 2- تتوجهين الى مجمع الوافي وتتغدين فيه )
واذا كان عندك سياره بيساعدك جدا حتى ماتنقلين الاغراض معاك ولما تخلضين تتوجهين الى السوق الصيني وتقضين الوقت الباقي هناك لانه يغلق ابوابه بدري اتوقع 10 هو مقفل اما اذا ماكان عندك سياره فانتي مضطره تتوجهين للشقه وتنزلين اغراضك وترتاحين وبعدها تتوجهين مباشره الى السوق الصيني



اليوم السادس 13

تخلين اليوم لجزيره النخله وتقضينه بالاتلانتس يوجد به شاطئ مجاني للزوار وممكن تدخلين ذا تشامبرز( الحجرات المفقوده ) مثل الاكواريوم وممكن تشوفون الدلافين واسد البحر وتحجزين التذاكر عن طريق النت

هذا موقعهم


https://www.atlantisthepalm.com/ar/


اليوم السابع 14

التوجه الى ابن بطوطه والفطور او الغداء وبعد ذلك التوجه الى حديقه الزهور في دبي (ماريكل قاردن ) (جديقه دبي المعجزه )وتتقهوين هناك على طريقك للقريه العالميه وبعد كذا توجهي لحديقه الفراشات مقابله لحديقه الزهور وبعد كذا تتوجهين للقريه العالمه حاولي في هذا اليوم تطلعين بدري يعني تطلعين الصباح وتفطرين فطور متاخر في ابن بطوطه (اذا كنتي رحابه تزورين ابن بطوطه او توجهي الى حديقه الزهور مباشره) وتروحين الحديقه وبعدها للقريه العالميه لان هي كبيره وتتطلب وقت للتمتع فيها وتلفينها كلها يبي لها يوم كامل
وضعت القريه في هذا اليوم لانه الخميس وتوجد العاب ناريه يوم الخميس والجمعه واذا ماكنتي حابه خلي هذا اليوم مكان اليوم الخامس

اليوم الثامن 15
العوده الى الوطن




ممكن اذا حصلتي وقت فاضي وحابه تزورين اماكن ثانيه

عندك مجمع ماركاتو على الطراز الايطالي ومطاعم وصغير قريب من الجميره تخلينه غدا او عشا

وممكن تزورين مركز برجمان وتاخذين جزله بالباص البر مائي ويفضل في النهار باص يخذك بجوله في البر بعدين يدخل بالخور وياخذك بجوله في دبي القديمه

وممكن من مجمع فيستفال تخذين باض الهيب هوب ياخذك بجوله في اهم معالم دبي له محطات كثيره يوقف وتنزلين وترجعين لنفس المكان كل ساعه يمر باص لكن ممكن تجلسين بالباص ولاتنزلين وتلفين باهم المعالم

ممكن تروحين التايم سكوير وتدخلين المقهى الثليجي يوجد التايم سكوير في البرشاء على شارع الشيخ زايد قريب من الامارات مول قبله بمسافه

ممكن تزورين المرديف سيتي سنتر ويوجد في بر دبي نفس الجهه اللي فيها سوق نايف



بالتوفيق اذا عندك اي استفسار او حابه تعديل في الخدمه واذكري مكان السكن علشان ارشح لك الترتيب اللي يناسبك بالنسبه لسكنه لاني افترضت انك بتسكنين في البرشا او شارع الشيخ زايد


بالتوفيق

عشقي السفر

واضح انك تعشقين الاكل

تنظيمك حلوه بس فيه اماكن ما ذكرتيها وراح اذكرها بس ترد الاخت على سؤالي

لان السكن عامل مهم للجدول

آخر مواضيع اللـــــيث

- دبي دانة الدنيا بعيون اللـــــيث - مصر (( ام الدنيا )) بعيون اللـــــيث

توقيع : اللـــــيث

اذا كنتي حابه تستخدمين المترو كتجربه حلو ولو مره هذا جدول بيساعدك

واذا كنتي حابه تاجرين سياره اغلب المكاتب تقع على الجهه المقابله للفندق يعني تعبرين الشارع

ومنها مكتب ايفيس ومكتب دولار ومكتب الكاظمي ومكتب دايموند ليس
ويوجد مكتب يقع في الحاره خلف الفندق يعني تروحين له مشي واسمه مكتب المحتريفين

هذي الصوره توضح لك مكان الفندق المكاتب القريبه

الفندق ممتاز وراقي وموقع خيال

انتظري الجدول

آخر مواضيع اللـــــيث

- دبي دانة الدنيا بعيون اللـــــيث - مصر (( ام الدنيا )) بعيون اللـــــيث

توقيع : اللـــــيث