صباح الخير

افضل ترتيب لخمس ليالي لو سمحتو

من ناحية اهم المواقع وكم يكفي كل يوم مع اهم الاسواق اللي تستحق الزياره..تم استئجار الفندق في شاطي سانتا مونيكا

وايضا فيه ليلتين جنوب لوس انجيلوس

وش اهم المناطق للزياره

اتمنى تزويدي بتفاصيل من خبراء الغرب الامريكي

مساء النور

مقترحي لك للخمس أيام

- يوم لزيارة يونيفيرسال استيديو اللي يسكر الساعه 6 المساء والفترة المسائية تتمشون في شارع الثيرد ستريت في سانتا مونيكا واللي في نهايته مركز تسوق صغير وحلو اسمه
Santa Monica Place واللي يفتح لين الساعه 9 المساء

- يوم لزيارة علامة هولييود ثم مرصد غريفيث ثم شارع هولييود (شارع النجوم ) وفيه متحف الشمع وهايالاند سنتر

- يوم لزيارة شاطي فينيس ثم سانتا مونيكا بيير وهو قريب على منطقة سكنكم ثم التمشي على الشاطي وممكن قبلهم تزورون شاطي اللونغ بيتش واللي فيه رحلات بحرية لمشاهدة الحيتان Harbor Breeze Cruises: Whale Watching Tours in Los Angeles
وفي نفس شاطي اللونغ بيج ممكن تتمشون في Shoreline Village وفيها مطاعم وكوفيات

- يوم لزيارة بيفرلي هيلز اللي فيها شارع الروديو درايف اشهر شوارع لوس انجلوس
ثم مركز تسوق بيفرلي هيلز ثم مركز تسوق ذا جروف

- يوم لزيارة شارع التسوق الشعبي Santee Alley وهو قريب من داون تاون لوس انجلوس
احداثيات المواقف
N 34° 02.097 W118° 15.419





الجدول قابل للتعديل مثل ماتريد

-----------

وفي جنوب لوس انجلوس في أي منطقة حجزت ؟؟

تسلم ابو احمد
الله يعطيك العافيه
بخصوص الجنوب
بكون
في lrvine

الله يعافيك بو طلال

ارفاين منطقة هادية حلوة وقربك شاطي نيوبورت اللي ممكن منه تستاجر القوارب وأيضا تقدرون تطلعون منه رحلات لمشاهدة الحيتان
Whale Watching off Southern California from California Whale Watching capital in Newport Harbor - Newport Beach Cruises
ويبعد شاطي نيوبورت عن ارفاين حوالي 20 دقيقة

وهذي احداثيات شاطي نيوبورت N 33° 36.184 W117° 54.035

وعند هذي الحداثيات تلقون قوارب الايجار وأيضا مكتب رحلات مشاهدة الحيتان وفي العاب خفيفة على البحر
وهذي صورة من تصويري الشهر الماضي


وقرب هذي الاحداثيات ممكن تتمشون على البحر من الطرف الاخر في Balboa Pier
وهذي صورة


وقرب شاطي نيوبورت اكبر مركز تسوق في جنوب كاليفورنيا وهو South Coast Plaza
South Coast Plaza - Luxury Shopping Center in Costa Mesa, CA
واحداثياته
N 33° 41.432 W117° 53.467

وأيضا ممكن تزورون شاطي لاجونا اللي يبعد عن ارفاين حوالي 25 دقيقة
ممكن تقعدن في كوفي فندق Montage Laguna Beach
N 33° 30.923 W 117° 45.431

اطلالة الفندق رائعه على البحر خصوصا وقت الغروب


وفي ارفاين مركز تسوق صغير واسمه سبيكت روم IRVINE SPECTRUM CENTER

تسلم ياعسل