جوازات منفذ البطحاء

malisas · 12-12-2015, 08:58 PM

السلام عليكم
ان شاء الله ناوي ازور الامارات عبر البر خلال إجازة الربيع بعد شهر لكن
عندي عقدة من الزحام في المنافذ الحدودية وحاب استفسر هل هناك
زحام في منفذ البطحاء وكم يسترق الوقوف في المنفذ وهل يلزم الخروج من السيارة
او كل الإجراءات من خلال نافذة السيارة وهل يلزم عمل تامين او يكفي تامين السعودية
ولكم خالص الشكر مقدماً

عشقي السفر · 12-12-2015, 10:24 PM

1- الزحمه اكيد موجوده خصوا انك رايح وقت الاجازه والاجواء بهالوقت خيال واغلب الناس ناوين يزورون دبي بنفس وقتك مع ان الاجراءات سلسه جدا في منفذ الامارات عكس المنفذ السعودي لكن يكون التاخير بسبب زحمه المركبات وفي اوقات يكون في ذروة الزحمه هي الظهريه والعصريه على العموم حاول تصلي الفجر وتتحرك من بيتك اولا حتى توصل قبل الزحمه وتوصل وتريح شوي وتستغل باقي اليوم

2- هل يلزم الخروج من السياره الا اذا عندك نساء لازم ينزلون عند مطابقه النساء في السعوديه فقط اما في حدود المارات في منافذ للعوايل تكون العامله فيه امراأه وتقدر المره تكشف لها وتخلص امورك

3- هل يلزم عمل تامين نعم والتأمين السعودي لا يكفي وتقريبا تكلفه التامين 99 درهم تقريبا

3- البنزين غالي في الامارات لذالك حاول تعبي فل في اخر محطه قبل ماتدخل الحدود الامارلاتيه

هاوية الاسفار و الجوكر معجبون بهذا.

هاوية الاسفار · 13-12-2015, 05:03 AM

ما قصرت أختنا
حاول تكون زيارتك نص الأسبوع ما يكون في زحمه
اما الويكند اخر الأسبوع دايما زحمه
و اذا صادفت الاجازات كلها في دول الخليج يكون الوقوف عذاب
بس بعد في النهار اقل زحمه
بالتوفيق

عشقي السفرمعجبون بهذا.

الغردقاوي · 13-12-2015, 06:18 AM

ردود مفيده وما قصروا الأخوات
ولكن لماذا التأمين ؟؟

مسقط الخيرمعجبون بهذا.

مسقط الخير · 13-12-2015, 11:26 AM

اقتباس : المشاركة الأصلية كتبت بواسطة الغردقاوي

ردود مفيده وما قصروا الأخوات
ولكن لماذا التأمين ؟؟

التأمين فجميع مراكز الجوازات بالخليج ومش بس بين السعودية والامارات عندك عمان والبحرين وقطر وغيرها لازم تأمين*

bdr742 · 13-12-2015, 11:35 AM

نصيحة مجرب ذهب 3 مرات في الاجازات

حاول يكون مرورك قبيل أو خلال صلاة الفجر

التأمين الزامي للسيارات الداخله لكل دول مجلس التعاون الخليجي

عشقي السفر · 13-12-2015, 03:34 PM

[QUOTE=bdr742;181880]نصيحة مجرب ذهب 3 مرات في الاجازات

حاول يكون مرورك قبيل أو خلال صلاة الفجر

التأمين الزامي للسيارات الداخله لكل دول مجلس التعاون الخليجي[/QUOTE

صحيح ماراح يكون في زحمه الفجر لكن الاغلب مايحب يسوق السياره بالليل فرضا اذا بنطلق من الهفوف احتاج اربع ساعات تقريبا لكي اصل الى الحدوو يعني اطلع من البيت 1 صباحا وهذا شي زوجي ماراح يوافق عليه لمخاطر الطريق بالليل مع الشاحنات يفظل يمشي في اول النهار

malisas · 13-12-2015, 04:50 PM

جزاكم الله خير على التوضيح
لكن ودي اعرف من وين اسوي التأمين وهل يحتاج نزول من السيارة اذا كان في المنفذ
او استطيع عمل التأمين من مكتب في جدة مثلاً

هاوية الاسفارمعجبون بهذا.

هاوية الاسفار · 13-12-2015, 05:21 PM

و انت في السياره
بتشوف لوحة مكتوب عليها السيارات الغير مؤمنة
و تتبعها من غير ما تنزل تعطيهم الرخصه و ملكية السياره اعتقد
و تدفع المبلغ و هي عباره عن كابينة مثل تبع الجوازات
و الإجراءات كلها سهله و الحمدلله

عشقي السفرمعجبون بهذا.

عشقي السفر · 13-12-2015, 05:51 PM

اقتباس : المشاركة الأصلية كتبت بواسطة malisas

جزاكم الله خير على التوضيح
لكن ودي اعرف من وين اسوي التأمين وهل يحتاج نزول من السيارة اذا كان في المنفذ
او استطيع عمل التأمين من مكتب في جدة مثلاً

لا ما يحتاج تنزل من السياره ابدا انت اذا دخلت المنفذ بتمر في كباين الخاصه بالجوازات والجمارك واخر كبينه بيكون خاصه للتامين بيطلب منك استمارة السياره ويسويلك التامين وانت بالسياره وممكن تطلب منه كتيبات سياحيه خاصه لدبي ممكن تحصل عنده اما بالنسبه لعمل التامين في مكتب من جده ما عندي خلفيه لكن خلك على الحدود لانك راح تمر على هذي النقطه اجباري علشان تعبر الحدود لاتحاتي كل شي واضح هناك والامور باذن الله سهله

هاوية الاسفارمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألوان جوازات السفر حول العالم	الغردقاوي	البوابة السياحية	55	12-09-2019 06:00 PM