Paris Pass & Paris Combo Pass - الصفحة 3

foofaa · 22-01-2015, 09:59 AM

تاريخ روحتي لباريس بتكون

من 26/04/2015 الى 01/05/2015

أخر يوم بيكون انطلاقنا الى بروج في بلجيكا بالقطار Thyls

فشنو تقترحون يكون الجدول الأفضل ومتى أحجز وقت القطار؟

وجهات أوروبية · 22-01-2015, 11:07 AM

ياهلا ومرحبا اختي

صباح الورد

يعني بغيتي جدول حق يومي حق باريس ودزني لاند ؟؟

بخصوص حجز القطار طبعا الحين ماتقدرين تحجزين لان الفتره بعيده
اول ماتوصلين باريس احجزي لان في قطارات كثيره يوميا رايحه

بس سؤال

شنو يهمج برحله القطار اكثر
الوصول اسرع
او عدد مرات تغيير القطار

لان الرحلات الي تطلع من باريس الى بروج في خطين لهم

الخط الاول :
تبديل قطار واحد ويوصل في 3 ساعات و 56 دقيقه

الخط الثاني :
عن طريق ليل الفرنسيه
وفيها تبديل قطارين
و الوصول في 3 ساعات و 11 دقيقه

يعني تبديل قطار واحد يتأخر اكثر لان يروح بروكسل فقط وبعدها بروج

اما الثاني يبدل قطارين بس يوصل اسرع لانه يروح شمال بأتجاه بروج
يعني تبديل قطارين توصلين اسرع بفرق تقريبا ساعه الا ربع

لج الخير

foofaa · 22-01-2015, 11:33 AM

يا هلا أخوي qa6ar911

صباح النـور

بخصوص روحتي انا بكون ساكنه في ديزني لاند مثل ما ذكرت قبل وبروح لباريس وبرجع بالمترو

بس مو عارفة ارتب الجدول هل اقضي اول يومين اخليهم في دزني واليومين الي عقب باريس والاخير يكون الأوت لت والقطار لبروج أو أغير؟ لانه وصولنا بيكون يوم الأحد واتوقع اجازة عندهم

شوي ملخبطة في ترتيب الرحله للـ 5 أيام وشنو اخلي فيهم

وبخصوص القطار أفضل الأسرع بس الاغراض احس صعبة سالفة كل ساعة نبدل القطار

وجهات أوروبية · 22-01-2015, 11:37 AM

لاتشيلين هم اختي ههههههه

خمس دقايق وراجع لج بريحج من الموضوع كامل ان شاء الله

وجهات أوروبية · 22-01-2015, 11:46 AM

اختي مافي داعي تروحين من باريس الى دزني وترجعين مره ثانيه باريس

الوصول باريس
يوم الاحد 26-4-2015
المده 3 ليالي

يوم الاربعاء
التاريخ 29 - 4- 2015
الذهاب الى دزني لاند
المده يومين
يوم في ملاهي دزني
واليوم الثاني الفتره الصباحيه في المجمع و الاوت لت
والفتره المسائيه ملاهي دزني

يوم الجمعه
1-5-2015
الذهاب من دزني لاند الى بروج البلجيكيه

من محطه MARNE LA VALLEE CHES جنب ملاهي دزني ههههه

نفس المسافه تقريبا سواء طلعتي من باريس او دزني لاند الى بروج مافي فرق

الميزه :
توفير وقت وجهد العوده الى باريس مره ثانيه
وتوفير مبلغ العوده
و ايضا ماراح يصادفج يوم الاحد في دزني لاند

اشرايج اختي ؟؟

foofaa · 22-01-2015, 12:06 PM

أممم انا المشكلة كملت حجز الفندق الي في ديزني ودفعت له عن طريق مكتب سياحي

تتوقع بيكون احسن اني اغير ولا في طريقة ثانية؟

وجهات أوروبية · 22-01-2015, 12:10 PM

اقتباس : المشاركة الأصلية كتبت بواسطة foofaa

أممم انا المشكلة كملت حجز الفندق الي في ديزني ودفعت له عن طريق مكتب سياحي

تتوقع بيكون احسن اني اغير ولا في طريقة ثانية؟

انا اشوف الجدول الي عطيتج انسب شي لج
لا مافي حل ثاني الا ترجعين باريس ومن باريس الى بروج بس متعب اكثر

كلمي المكتب السياحي اذا ممكن يغير لج الحجوزات
اذا ممكن غيريها الى التواريخ الي عطيتج اياها
ان شاء الله راح تكون انسب لج كثير

وخبريني بعد ماتكلمين المكتب شنو شنو صار معاج
عشان نشوف لج حلول

foofaa · 22-01-2015, 12:44 PM

انا قاعدة افكر بما إني بسكن في ديزني
يوم الأحد بوصل العصر لانه فبيكون ضايع اساسا فباخذ جوله استطلاعية في المكان

يوم الأثنين من الصبح بروح بالمترو لباريس بروح :
- برج ايفيل
- جوله في نهر السين
- جوله عامة وسريعة للاماكن السياحية بالباص الاحمر المفتوح.
وعقبها ارجع لديزني للمبيت

يوم الثلاثة اروح بالمترو باريس واخذ الرير الأصفر وأروح لقصر فرساي وبعدين اجوف بعد شي خفيف في باريس وانا راجعة لديزني

يوم الأربعة والخميس
اخليها نفس ما تفضلت ان للألعاب في ديزني والأوت لت

الجمعة انا طالعة من ديزني لبروج

رايك بالشي؟

وجهات أوروبية · 22-01-2015, 12:48 PM

اقتباس : المشاركة الأصلية كتبت بواسطة foofaa

انا قاعدة افكر بما إني بسكن في ديزني
يوم الأحد بوصل العصر لانه فبيكون ضايع اساسا فباخذ جوله استطلاعية في المكان

يوم الأثنين من الصبح بروح بالمترو لباريس بروح :
- برج ايفيل
- جوله في نهر السين
- جوله عامة وسريعة للاماكن السياحية بالباص الاحمر المفتوح.
وعقبها ارجع لديزني للمبيت

يوم الثلاثة اروح بالمترو باريس واخذ الرير الأصفر وأروح لقصر فرساي وبعدين اجوف بعد شي خفيف في باريس وانا راجعة لديزني

يوم الأربعة والخميس
اخليها نفس ما تفضلت ان للألعاب في ديزني والأوت لت

الجمعة انا طالعة من ديزني لبروج

رايك بالشي؟

انتي فنااااانه ايوه هذا الترتيب الصح
كلمي المكتب اذا يغير لج الحجوزات
صدقيني انا اشوفه احسن ترتيب

foofaa · 22-01-2015, 01:02 PM

بس تمام

شي أخير حجوزات برج ايفيل وقصر فرساي يفضل احجزها من احين ولا لما اروح هناك؟

ومشكووور وااايد تعبتك ويااي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح بطاقات جزيرة سنتوزا في سنغافورة Sentosa Play Pass ( بقلم المبدع أبو سعود Q8 )	A.Alsubhi	بوابة سنغافوره	12	29-07-2018 03:40 PM