اول مره ومتردده - الصفحة 3

وجهات أوروبية · 16-01-2015, 04:12 AM

ونسيت اضيف شي اخير استسمحكم

بنفس السعر الي ذكرته با الاعلى
تكون تذكره مثلا ليوم واحد حق الحديقتين بسعر 90 يورو ( نفس السعر ) مع تحديد تاريخ الذهاب

الميزه ان التذكره شامله المذكور اعلاه + التنقل بالمترو مجانا من باريس الى دزني والعكس

والشروط هي :

1-لازم تحجز قبل الذهاب على الاقل بــــ 3 ايام ( مع طباعه الحجز قبل تاريخ الوصول بــ 3 ايام )
2- وقت محدد بالمترو من باريس الى دزني والعكس مايصير يروحون بالمترو غير ها الاوقات

الاوقات هي :
الذهاب من الساعه 8ونص الصبح ( يتحرك من محطه كير دي نورد )
او الساعه 8 و 40 دقيقه الصبح من اوبرا
او الساعه 9 صباحا من مادلين

العوده :
الساعه 8 مساء

ايام وليالي · 16-01-2015, 04:21 PM

فاندا
قطر 911
فيصل
جزاكم الله خير الشرح واضح يارب يسهل التطبيق

ايام وليالي · 16-01-2015, 04:31 PM

المشرف قطر اقرأ في تعليماتك بالصفحه السابقه تخيلت اننا دخلنا ديزني فعلاً اسلوبك واضح جداً جزاك الله خير
اختي فاندا قلتي السكن في الاديفانس افضل هل الفنادق فيها حلوه والا الي قريب من الشانز احلى
صديقتي الآن بباريس وتصور من غرفة الفندق واضح جزء من برج ايفل استحيت اسألها وش اسم الفندق شكل انوار البرج روووعه بالليل

وجهات أوروبية · 16-01-2015, 04:44 PM

اقتباس : المشاركة الأصلية كتبت بواسطة ايام وليالي

المشرف قطر اقرأ في تعليماتك بالصفحه السابقه تخيلت اننا دخلنا ديزني فعلاً اسلوبك واضح جداً جزاك الله خير
اختي فاندا قلتي السكن في الاديفانس افضل هل الفنادق فيها حلوه والا الي قريب من الشانز احلى
صديقتي الآن بباريس وتصور من غرفة الفندق واضح جزء من برج ايفل استحيت اسألها وش اسم الفندق شكل انوار البرج روووعه بالليل

العفو ويجزاج بمثله اختي

في فنادق كثيره تكون مطله على برج ايفل وجنب البرج
يعني لو تبغين اطلاله ممكن نشوف لج كذا فندق تكون اطلالته على برج ايفل
وانتي تختارين نوع الغرفه بالفندق
لان بعض الغرب ماتكون فيها طلاله وسعرها اقل اشوي
وبعض الغرف تكون اطلالتها على ايفل و اشوي اغلى

بنشوف لج فنادق على اطلاله

يعني المخطط الي سويته لج ناسبج ؟

على اساس ادخل في المرحله الثانيه وهي محطات المترو الي توصلج من والى
واسم المحطه الي تنزلين منها تكون قريبه

وجهات أوروبية · 16-01-2015, 04:54 PM

انا ذكرت لج قبل عن فندق بولمان حلو وعندهم غرف اطلاله على برج ايفل

Booking.com: ظپظ†ط§ط¯ظ‚ ط¨ظˆظ„ظ…ط§ظ† ط¨ط§ط±ظٹط³ ط¨ط±ط¬ ط¥ظٹظپظ„ - ط¨ط§ط±ظٹط³, ظپط±ظ†ط³ط§

وجهات أوروبية · 16-01-2015, 11:44 PM

مساء الخير

بخصوص خرايط الاماكن السياحيه في باريس
بذكرج كل منكان واسم اقرب محطه مترو لها

العاب

1- محطه مترو قوس النصر Charles de Gaulle - Étoile
و (RER) رير الاحمر A
2- اهم محطه في الشانز george v
3- بالشانز Franklin D. Roosevelt
4- محطه ساحه الكونكورد وساحه فاندوم Concorde

العاب

1- اقرب محطه لبرج ايفل Bir-Hakeim
و (RER) رير Champ de Mars - Tour Eiffel

2- محطه مترو الحي اللاتيني Saint-Michel
وتقدرون تروحون حديقه لوكمبورغ مشي

3- اقرب محطه لحديقه لوكسمبورغ RER- Luxembourg الازرق

العاب

اقرب محطه للكوفي وجوله نهر السين Alma - Marceau

العاب

اقرب محطه للأوبرا Opéra
وللجاليري لافاييت Chaussée d'Antin - La Fayette
هضبه مونمارت Anvers

العاب

محطه اللاديفانس والمجمع La Défense ( اخر محطه )
حديقه بولونيا Porte Maillot (على نفس خط اللاديفانس قبلها بمحطتين )

العاب

مدينه بيرسي محطه مترو Cour Saint-Émilion
المجمع التجاري + بريمارك محطه Créteil - Préfecture

هذي اهم المحطات للأماكن المذكوره

اما المطاعم

معطم نوره اللبناني
فرع1
قريب من الشانز
العنوان
33 Avenue Pierre 1er de Serbie
75016 Paris

فرع2
جنب دار الاوبرا وجاليري لافاييت
العنوان
29 Boulevard des Italiens
75002 Paris
مطعم العجمي
خلف فندق فوكيتس بالشانز
Rue François 1er, 75008 Paris 08‏ 58

اشهر مطعم بيتزا في الشانز بيتزا بينو pizza pino

مطعم هندي خلف فندق لي ميرديان ايتوال
تقدرون تروحون له من نفس محطه حديقه بولونيا

اسم المطعم soecialites indiennes
العنوان
20Rue du Débarcadère, 75017

المطاعم الي فوق مجربين الي تحت ماجربتهم
مطعم فيروز Feyrouz

فرع 1 قريب برج ايفل 8Rue de Lourmel, 75015

مطعم الدار قريب من الحي اللاتيني 8Rue Frédéric Sauton
75005

وفي 3 مطاعم هنديه غير مجربه في الحي اللاتيني اذا تبغيني عناوينهم ممكن انزلهم لج

بالتوفيق

fanda · 17-01-2015, 01:04 AM

الفنادق القريبه من الشانز افخم من لاديفانس
ميزة لاديفانس الهدوء

ايام وليالي · 13-02-2015, 07:07 PM

السلام عليكم

الاخ القطري والاخت فاندا اشكركم
قرأت توجيهاتكم واحترت بين
فندق بولمان ايفل
ميركيور ايفل
ايهما الافضل والاونس والخدمه الزينه لاتنسون اول مره نروح
او اي اقتراح آخر ؟؟
بالنسبه لديزني شرأيكم بفلل الماريوت او فندق دريم كاسل
ماجك سيركس شفته في تقرير ام حسين
استئجار السياره هو الاصعب من وين ؟!؟!
هل من باريس وممكن يكون غالي بزياده او من منطقه قريبه من ديزني لاننا بنتوجه لبلجيكا بعد ديزني ان شاء الله
وبتكون باريس آخر محطه
انتظر نصايحكم وفقكم الله

fanda · 13-02-2015, 08:10 PM

الفندقين الي ذكرتينهم جيدين وبنفس المستوى تقريبا
كم عددكم و كم الميزانية لليله عشان نشوف بدائل ثانيه

ديزني اذا عددكم كبير اخذو فلل الماريوت تجي بغرفتين او ثلاث غرف

مكاتب تأجير السيارات موجودة في محطة ديزني ممكن تستلمون السياره من هناك وتسلمونها في الرده في باريس

وجهات أوروبية · 14-02-2015, 01:20 AM

ولكمممم باك اختي
ياهلا ومرحبا فيج

نفس ماقالت لج مشرفتنا ام ريم الاثنين نفس المستوى
بس غرف ميركور نوعا ما صغيره لكن ارخص من بولمان
وبولمان اغلى لكن الغرف اوسع اشوي
والاثنين جنب بعض

فكري وشوفي اي واحد اكثر مناسب لج

وبالنسبه للسكن اذا عدددكم كبير الافضل لكم ماريوت نفس ماقلت مشرفتنا

اختي انتي بتستأجرين سياره او بتاخذون سياره بسايق يوصلكم لين بروكس ؟؟؟

لان اتقولين من باريس يمكن تكون غاليه

اذا قصدج التأجير ماله علاق السعر بالمكان الي تاخذين منه السياره نفس السعر
لكن يفرق السعر اذا مكان ارجاع السياره يكون في بلاد ثانيه