اول مره ومتردده - الصفحة 4

ايام وليالي · 14-02-2015, 01:31 AM

مشكورين
اجاباتكم وافيه بخصوص الفنادق الحمد لله
بروكسل قرأت عن الجراند ياليت فيها

وجهات أوروبية · 14-02-2015, 03:06 AM

اقتباس : المشاركة الأصلية كتبت بواسطة ايام وليالي

مشكورين
اجاباتكم وافيه بخصوص الفنادق الحمد لله
بروكسل قرأت عن الجراند ياليت فيها

العفووو الله يسلمج

ان شاء الله ابشري ماطلبتي شي

عندج فندق الماريوت

Booking.com: ظپظ†ط¯ظ‚ ط¨ط±ظˆظƒط³ظ„ ظ…ط§ط±ظٹظˆطھ - ط¨ط±ظˆظƒط³ظ„, ط¨ظ„ط¬ظٹظƒط§

موقعه حلو جدااا على الشارع العام كله محلات تجاريه ومطاعم واقرب مطعم بيتزاهت جنب الفندق
انصحج تفترين على الشارع للشوبينغ حلو
بس اهم شي يكون عندج كنترول على الشكولاته هههههه

ولما تطلعين من الفندق تعبرين الشارع الجهه الثانيه وتدخلين المنطقه كلها منطقه تمشي ومحلات المكان روعه هنا جنب هالمنطقه ساحه الغراند
يعني من الفندق لين الساحه 3 دقايق مشي

الفندق الثاني هيلتون تغير اسمه كان لي ميرديان
فندق هيلتون

Booking.com: ظپظ†ط§ط¯ظ‚ Hilton Brussels Grand Place - ط¨ط±ظˆظƒط³ظ„, ط¨ظ„ط¬ظٹظƒط§

هذا الفندق حلو وفي ظهره تكون الساحه

يعني ارشح لج هالفندقين

اهم شي ماتروحين شارع العرب ملاااااغه
ساحه الغراند في مطاعم اسلاميه واكلات عربيه

اهم الاماكن ساحه الغراند والشارع التجاري الي قدام الماريوت
والمنطقه القريبه من مجمع الستي2 (city2)
وجنب المجمع في شارع صغير للمشاه حلووو وونيس
وفي ظهر المجمع في مجمع ثاني
هذا المجمع اسمه INNO مش مجمع محلات
لكن مجمع يبيع بضايع وملابس وعنده ماركات واسعاره حلوه ارخص من برع بكثير

وزياره الاوتوميوم وتركبون فوق وتشوفون بروكسل كلها وبنفس المكان ايضا اوروبا المصغره

وراجع لج بالتفاصيل

ايام وليالي · 14-02-2015, 10:12 AM

المشرف القطري والله مدري شقول
كلمة شكراً قليله
الله يعطيك العافيه ويجزاك خير ماقصرت كفيت ووفيت معلومات قيمه بارك الله فيك
على طاري البيتزا هت انا من عشاقاها
اما الشوكولاته من اللي عنده كنترول
اكرر شكري

الغردقاوي · 14-02-2015, 10:42 AM

ما قصروا الإخوان وخصوصا مشرفنا الخبير قطري يعطيه ألف عافيه
وأتنى لكي رحلة سعيده وعودة حميده

طوق الياسمين · 17-02-2015, 04:22 AM

شقق اداجيو ايفل تاور
احبها كثير
موقعها حلو سعرها احلا

ربي يهنيكم

فيصل · 17-02-2015, 09:03 AM

طوق كيف مستواها كثير تذمروا منها بالسابق
هل تم تجديد الاثاث

Ammar K · 18-02-2015, 05:45 PM

أحببت فقط الدعاء لمن قام بالرد وأخص الأخ قطري
ما هذا التفاني؟!
أسأل الله أن يجزيكم أضعاف ما تتمنون..

هل لديك خبرة في دول شرق أوروبا أخوي القطري؟

وجهات أوروبية · 18-02-2015, 07:00 PM

اقتباس : المشاركة الأصلية كتبت بواسطة Ammar K

أحببت فقط الدعاء لمن قام بالرد وأخص الأخ قطري
ما هذا التفاني؟!
أسأل الله أن يجزيكم أضعاف ما تتمنون..

هل لديك خبرة في دول شرق أوروبا أخوي القطري؟

ياهلا ومرحبا اخوي عمار
الله يجزاك الخير ولك بالمثل ان شاء الله

مثل اي دوله ؟؟
او اي دوله اذا عندك استفسار افتح موضوع في البوابه المتخصصه للدوله وان شاء الله انا والاخوان ماراح يقصرون معاك تأكد يا الغالي

استفسارات دول اوروبا الاخرى

توبليرون · 18-02-2015, 07:15 PM

ان شاءالله تروحين وتستمتعين
باريس حلوة وما تحتاج تخافين
وامشي على جدول مشرفتنا فاندا ومديرنا فيصل ومشرفنا القطري
ونصايح الاخوان وراح تصيرين خبيرة

blue@sky · 21-02-2015, 09:17 AM

السلام عليكم ورحمة الله وبركاته
توكلو على ربكم واتبعو توجيهات من زارها وعارف فيها
وزي ما تفضلو اهل الخبرة وما راح يقصرون معكم
وفيه حاجتين مهمه لازم تنبهو ن لها .
بالنسبة
لديزني باريس يفضل الخروج لها بدري عشان تستمعون فيها بوقت اكثر
ارشح لكم فندق دريم كاستل Dream Castle Hotel at Disneyland® Paris
فندق عائلي ونظيف ومرتب ..

وبالنسبة لباريس
مدينة تسوق ومتاحف والبشر فيها مزدحم
لكن
انتبهو من الغجر وخاصة شارع الشانز
احتمال تطلب منكم بنت او حرمة انها تكلم بجوالكم علشان انها ضيعت اخوها او صديقها او عائلتها وهيا واشمة الرقم بيدها (نصابين ممكن تسرق الجوال ولا تقدرون تمسكونها لانها سريعه معها سكيت بورد او لوح تزلج وصاحبها النصاب الثاني بيكون بعيد يراقب الوضع ....
او ممكن اي احد بمحطة القطار المهم اذا طلب احد منكم المساعدة انتبهو لهم فقط يعني خلكم مركزين عليهم ممكن واحد يشغلكم بخريطة او موقع يسأل عنها والثاني ممكن يسرقكم بلمحة بصر وانتبهو لاغراضكم ...

وموقف ثاني بيجيكم بنت او ولد ويقول لكم هاذا الخاتم الذهب لكم انا لقيته على الارض
(يالله عطوني هدية كم يورو علشان لقيته لكم وهو بالاصل حديده صفراء .....نصابين لكن بفن

الشي الثاني لو طلب منكم احد بطاقة هويتكم او الجواز وخاصة بمنطقة الاوبرا لاتعطونه اي اهتمام وامشو واتركوه على جنب وكملو طريقكم لانه بيشيك على هويتكم ويفتش جيوبكم واذا معاكم فلوس يمكن يبدل المزور الي معه ويحطه معكم وياخذ اليورو الاصلي
لان البوليس الفرنسي وخاصة السري يوقف عندكم ويعطيكم تحية احترام لكم وييضهر لكم بطاقة عمله وانشا الله ما تواجهون ما واجهت انا واهلي لاني والحمدلله متدرب على اعمال الامن والسلامة بالشركات ومن بعض توجيهات اصداقئنا المقيمن بباريس ومن بعد توفيق الله سبحانه ....
حبيت اشارك بالفائدة لنا ولكم وللجميع
وقد يقول البعض لا لم اجد ما تتحدث عنه
او مثلاً المدينه الفلانيه امنه والى اخره
هنا تجربتي لخمسة ايام قضيتها بفرنسا لاول مرة بحياتي
وربما تكون النهائية ان شالله
شاركت من باب النصيحه والمحبة .....: