صح طوق في باسطنبول تلفريك ثاني موجود في حديقة ماچكا maçka parkı
بس الاغلب يزور تلفريك ايوب لانه الڤيو احلى

يعطيكم العافيه جميعا
انا ابي الثلج ومستقصدته ابي افجر القهر والحرمان الي فيني وفي اهل ديرتي وبعوضهم والعب انا بالثلج
رحلتي احتمال اسابيع
ليش محد رشح لي طربزون وازمير والا ماتنفع بالشتاء
بورصه سبق وزرتها ورحت الشجره المعمره ورحت شلال مادري احس بورصه مافيها اماكن سياحيه وايد
فدلوني ع اماكن قريبه اطلعلها وابي اماكن سكيتينغ وابي العاب وابي مكان تأجير مخيمات اذا تعرفون
وسلامتكم ومشكورين

طرابزون وو الشمال التركي راح تكون كلها ثلج بس مو حق سكيتينغ
وو منحدرات الجبل خطره فيها بهالوقت
عندج قريب من اسطنبول جبل كارتبه حق التزلج ، يالوا فيها ينابيع حاره حلوه بالثلج
ابانت وو بولو يبعدون عن اسطنبول ٥ ساعات تقريبا
ازمير وايد حلوه بس اهي ساحليه وو مافيها ثلج جوها دافي مثل انطاليا
اذا بتقعدون اسابيع مثل ما تقوليين انصحكم اتفكرون بالجنوب مثل انطاليا وو ازمير لانه بتملون من الثلج مافيه وايد اشياء تسوونها غير التزلج
اعتقد اكبر ملاهي عندهم في اسطنبول الي اهي فيالاند الباجي عاديين

هاذي اماكن للسكيتينغ
http://www.arabtrvl.com/vb/t12978.html

مساك ورد ،،،


كم يوم الله يطول بعمرك مدام ؟


والشمال زي ما قالوا الخبراء والخبيرات ، ما تفيدك في الشتاء ،،

الموجود في بورصا وكارتبيه يكفي ويوفي ،،،



شوفي هالتقارير وإبشري بعزك بعد ما تقرأي شوي بس ،،


http://www.arabtrvl.com/vb/t2796.html



http://www.arabtrvl.com/vb/t2492.html



http://www.arabtrvl.com/vb/t1979.html


بالتوفيق

مشكورين ويجزاكمً خير وماجد بحاول اقرا التقارير واسجل المهم انا احتمال اقعد اسابيع اذا ربي يسر لي

أسابيع





الله يهنيكم

ما تبون واحد سعودي مرشد سياحي

يبي يشم شوية هواء ويهرب عن الضغط والعمل والغرابيل

ههههههههه مابحبش الرجاله اقصد مابدي حدا
كافي انا والتركش الي عشقه قلبي تقسيم واسطنبول وبورصه ومطاعمهم كافي علي هذيل معاي يكونون وراح ابتلش فيهم لصقه
وبعدين تبي تشم هواء وتهرب من العمل والضغط احجز وسافر ولاتخلي شي يعكر مزاجك الدنيا لحظات وساعات وفرص يا تستغلها لنفسك يا تروح عليك والنفس عليها حق

ههههه

الله يسعدك


ما جلست في الديرة عشان أشتاق للسفر ،،،

المشكلة في كون تركيا عشق ، وطاريها ومجرد التفكير فيها ، يتعب ويحرك السواكن ،،،

وإذا حاول الواحد يطلع إسبوع زمان ما قدر ، يا بسبب عمل ولا مشاغل ولا توقيت ،،،




ع كل حال إستمتعي من أجل العشق

اممممممم تركيا جميله وممتعه
والله يعينك دام انت عاشق لها ويعينك ربي ع هواها والتفكير مجرد ذكر طاريها وين عبله عنك وتقول ياويل قلبي على من عشق تركيا ومايتحمل طاريها ويحرك احاسيس الشوق لها
العمل عباده واترك عنك السفر وهواه