شقق Apartment Tannhorn في Iseltwald بالقرب من انترلاكن

emo0o · 20-12-2015, 05:18 PM

السلام عليكم ورحمة الله وبركاته

اخذكم اليوم للشقة الرائعة اللي سكنا فيها صيف 2013

وتحديدا بشهر يونيو ولمدة اسبوع

وهالشقة من ضمن منتجع كامل بقرية iseltwald

القرية تبعد عن انترلاكن 11 كيلووتقع على بحيرة برينز

والطريق اليها سهل جدا وليس جبلي

Apartment Tannhorn ★★★★, Iseltwald

وتعتبر 4 نجوم

واسم الشقة اللي سكنا فيها

Han li

السكن الي حنا فيه 3 ادوار وكل دور فيه شقتين

شقتنا كانت بالدور الثاني 3 غرف منهاغرفتين نوم وتتسع لاربع اشخاص

وصلنا القرية يوم 22 يونيو اللي هو السبت وذهبت مباشرة لمكتب انترهوم القريب من الشقة وكانت اول مفاجئة

انه مقفل مع اننا جايين بالوقت المحدد للإستلام , اتصلت على الارقام المحلية ولااحد يرد

رجعت اتصلت على الرقم الدولى الموجودعندي لانترهوم ورد علي الموظف وشرحت له الموضوع واعطيته

رقم حجزي وقال المفروض انهم يكونون متواجدين هالوقت لإستقبالكم

قفل وقال دقايق اكلمكم

بعد دقايق قالي ارجعي للمكتب تلقين قدام الباب بوكس كبير راح انقلك كود ويطلعلك المفتاح وبالفعل هذا اللي

صار

اخذنا المفتاح وعالشقة على طول

تعالوا معانا وشوفو شقتنا الجميله

هنا اول ماندخل

وهنا باينة الصالة والتلفزيون مع مسرح منزلي متكامل

وهنا المطبخ مفتوح عالصالة ومتكامل جدا من فرن وميكرويف وغسالة اطباق وراح نشوف له صور اكثر

طاولة الطعام

الجلسة

وهذي البلكونة الاولى المفتوحة عالصالة ومبين فيها عدة الشواء

تكملة البلكونة

وهذي اطلالة البلكونة وشوفو قد ايش تبعد البحيرة

ومن جهة ثانية وبنهاية هالطريق نلقى قدامنا مرفأ الباخرات اللي تاخذنا بجولات ببحيرة برينز

الله يكرمكم الحمام الأول وفيه شاور وغسالة ونشافة

الغرفة الاولى وهي الرئيسية

الحمام الثاني داخل الغرفة الرئيسية

وهنا تشوفون البلكونة الثانية

شايفين غرفة النوم الثانية مفتوحة على نفس البلكونة

وهنا الغرفة الثانية

يوجد قدام الشقق مربع فية بعض الالعاب وجلسات بسيطة

ومواقف تابعة لفندق ستراند الملاصق للشقق

شقتنا باول مجمع من اليسار

ومنطقة الالعاب وعيالي الله يحفظهم منطلقين للعب

وهالقلعة بالقرية قريت عنها قبل بس مادخلناها

الحين راح اتكلم لكم عن بعض التفاصيل

اول مادخلنا الشقة لقينا ملف وفيه معلومات عن الشقة

ورقم السر للواير لس وهو سريع جداا

ومعلومات عنن القرية

وقوانين الشقة

وهذي القوانين

وهذي الأماكن السياحية

وبطاقات تخفيض

وهذي قوانينهم بس هالمره مرسومة

وبهالصورة نشوف مكان المواقف المجانية ومكان رمي القاربج

وهذي المواقف

ولكل شقة موقف خاص فيها

القرية لايوجد فيها الا سوبرماركت واحد وهو كبير نوعا ما ومطعم تابع لفندق ستراند

وهذي السوبرماركت

وبنهاية الشارع الشقق وطبعا شايفين لوحة انترهوم بنفس المبنى

معلومـــــات الاتصال

هذا رابط الشقة من انتر هوم

Apartment Tannhorn in Iseltwald, Switzerland CH3807.200.2 | Interhome

حجزت من عندهم قبل السفر ب 5 شهور والدفع كامل المبلغ قبل الوصول بشهر

السعر كان بالفتره اللي انا حجزت فيها 1200 يورو تقريبا 6000 الاف ريال

انا اشوف السعر رائع مقارنة بالمميزات

هذي احداثية انتر هوم

46.711512559275626, 7.964106202125549

وهنا احداثية الشقق

46.7113858, 7.9634239

وهذي خريطة تبين المسافة بين المكانين

https://www.google.ch/maps/dir/46.71...!4e1!3e2?hl=en

وبالاخييير اتمنى انكم تستفيدون
وانا تكلمت عن الشقة بالتفصيل للي يحب التفاصيل مثلي

وصلى اللهم وسلم على سيدنا وحبيبنا محمد عليه افضل الصلاة والسلام

الجوكر, فيصل, ابوعبدالله-_- و 4 آخرون معجبون بهذا.

الجوكر · 20-12-2015, 09:23 PM

بارك الله فيك. ..

ويعطيك الف عافيه على هذي المعلومات القيمه

emo0oمعجبون بهذا.

فيصل · 21-12-2015, 02:24 PM

وعليكم السلام ورحمه الله وبركاته
التفاصيل مهمه جدا من طريق الوصول الي مستلزمات الشقه
القوانين بالصور سهل لفهمها لمن لا يجيد اللغه أحيانا
شكرا لك أختي

emo0oمعجبون بهذا.

ابوعبدالله-_- · 21-12-2015, 07:30 PM

الف شكر على المعلومات الجميلة

emo0oمعجبون بهذا.

هدوء العالم · 22-12-2015, 02:36 AM

وعليكم السلام ورحمة الله وبركاته

الله يعطيج العافية على الموضوع الرائع
بالتفاصيل الدقيقة والصور الرووووعة ماشاءالله
مشكووووورة

محترف أوروبا · 23-12-2015, 12:28 AM

ماشاءالله تبارك الله ....تقرير ولا أروع ....أختي الكريمة سكنتو في أفضل وأهدأ قرية في منطقة أنترلاكن بلا منازع .....قرية الهدوء والروقان. ....ايستوالد. [emoji106][emoji122][emoji108][emoji93].

أرسلت بواسطة iPhone بإستخدام Tapatalk

jacksparrow · 23-12-2015, 08:53 AM

جميله الشقه اخوي والمكان ايضا جميل .. ان شاء الله نزورها سويسرا يوم من الايام

emo0o · 24-12-2015, 08:52 PM

اقتباس : المشاركة الأصلية كتبت بواسطة الجوكر

بارك الله فيك. ..

ويعطيك الف عافيه على هذي المعلومات القيمه

وفيك ..والف شكر

emo0o · 24-12-2015, 08:57 PM

اقتباس : المشاركة الأصلية كتبت بواسطة فيصل

وعليكم السلام ورحمه الله وبركاته
التفاصيل مهمه جدا من طريق الوصول الي مستلزمات الشقه
القوانين بالصور سهل لفهمها لمن لا يجيد اللغه أحيانا
شكرا لك أختي

التفاصيل حلووه للي يحب التفاصيل

العفووو

فيصلمعجبون بهذا.

emo0o · 24-12-2015, 08:58 PM

اقتباس : المشاركة الأصلية كتبت بواسطة ابوعبدالله-_-

الف شكر على المعلومات الجميلة

العفوووو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج سياحي عند السكن في منتجع والنسي او السكن بالقرب من بيت هايدي	مقدام	بوابة سويسرا	32	07-08-2018 12:03 PM
حديقة حيوان بالقرب من زيلامسي wildpark ferleiten	سيلين	بوابة النمسا	13	12-04-2018 12:58 AM
garden by the bay حدائق بالقرب من الخليج تشكل لوحة جميلة في سنغافورة	الإماراتي	بوابة سنغافوره	16	25-10-2015 08:41 PM
مقتل شخص واحد، وفقد اخر في احتراق عبارة وغرقها بالقرب من بوكيت	الماس	بوابة تايلند	12	25-04-2015 07:20 PM