فنادق شقق وشاليهات الكـــــويت - الصفحة 3

q8ya metnaqla · 08-03-2015, 03:21 PM

العفووو
وان شاءالله يساعد كل زوار الكويت على الاختيار اللي يناسبهم من فنادق

q8ya metnaqla · 13-03-2015, 03:44 PM

تقرير هاوية الاسفار وكلامها عن الفنادق اللي سكنتهم

فندقنا ( لي رويال ) موقعه في بنيد القار

الفندق هادي و ما فيه زحمه و هاي غرفتنا مطله على الشارع العام

و اول ما نفتح الباب السرير على يسارنا

و هذا على اليمين

حجزنا كان غرفة كبيرة او سويت بصراحه نسيت شو كنت حاجزة بس الغرفة كبيرة وايد و هاي بعض الصور

و هاي ضيافتهم

غلاية الماي

و هاي الصورة من صوب الغنفات

و هاي اطلالة الغرفة و تشوفون ابراج الكويت

و هذا الكبت صغير وايد

و هاي الثلاجة بتشوفون ام حسين موجودة

تكرمون الحمام

حمامهم صغير مقارنة بحجم الغرفة و ارضية الغرفه كانت خشب و الغرفة كبيرة و فاضيه و الجو كان بارد جدا جدا ثلجنا

تكملة للفندق

ثاني يوم في الكويت

صحينا من بعد يوم بارد جدا ثلجنا و في الليل يابولنا دفايه صغيره ما استفدنا منها لانه الحجرة وايد كبيره و الارضيه خشب
هاي اطلالة الغرفه في النهار

و هذا كنتاكي على يمين الفندق

تجهزنا و قلنا بنتريق في المباركية بس قبلها نزلنا نشوف بوفيه الريوق

المكان تراثي و كل شيء فيه من الماضي

و عيالي قالوا يبغون يتريقون فقلنا نفج ريقنا خذنا فواكه و عصاير فقط

و هذا المسبح مجابل مكان الريوق

والحين سكن هاوية في الفندق الثاني ليدر بلازا المهبولة ( شقق فندقية )

نظامهم شقق فندقية و عندهم ايجار يومي و سنوي و يمكن شهري بعد
هاي صورة المدخل

و طلعنا لشقتنا و كان مفتاح الباب عادي و هاي صور الشقة

الصالة

و حجزنا هالمرة غرفتين وحده بسريرين

و حمامها تكرمون برع الغرفة

و هاي الرئيسية

اطلالتها داخل مبنى الشقق

و الحمام نفس اللي برع بس هذا داخل الغرفة

فرش اسنان عائلية 4 و صابون قرص و شامبو

و هذا الشيء حلو و جديد

و هذا المطبخ اللي عيبنا وايد

كل شيء فيه يديد و حتى اوراق الضمان موجوده

بصور المسبح بس كان ظلام و الجو بااااااااااااارد

و هاي هدية من الغاليه تسلمين و ما قصرتي يام حسين و الله يجمعني وياج على خير ان شاء

هذا الاستقبال

و هني طلعت صوب المسبح

في اثنين واحد للصغار و الثاني للكبار

و هاي الجلسة فضيييييييييعه في هالجو الحلو

و هني استقبال خاص للمقيمين في الشقق اقامة دائمة

و خلصنا تصوير و بغينا نغادر وقف لنا موظف الاستقبال و قال ما تمشون قبل لا تتريقون قاله زوجي خلاص بناكل في الدرب و اصر انه ما نطلع الا و احنا متريقين و كلمهم و قال 10 دقايق و بيجهز الريوق و قعدنا برع

و كنا متوقعين انه عندهم بوفيه و شوي الا نشوف العاملة يايبة الريوق لمكاننا

بصراحه ما قصروا ويانا و الريوق كان لذيذ على بساطته خلصنا و انطلقنا مودعين احلى ايام قضيناها في الكويت

وهذا تقرير هاوية

http://www.arabtrvl.com/vb/t2334-7.html

PrinceOfPersia · 13-03-2015, 04:15 PM

ماشاء الله

واضح إنه روووعة ويستاهل الإقامة

dana99 · 14-03-2015, 12:43 PM

قبل سنتين سكنا في شقق الكورنيش في السالميه قريب من المارينا مول
وكانت جميله ونظيفه اذكر اخذنا شقه من غرفة نوم واحده ب 750 ريال في الليله شامل الافطار بس الفطور كان صغير ومحدود بس موقع الفندق جميل بس للاسف ماعندي صور
كان الحجز مباشر عند الوصول
هذا رابط الفندق في البوكينح
Booking.com: ظƒظˆط±ظ†ظٹط´ ظ„ظ„ط£ط¬ظ†طط© ط§ظ„ظپظ†ط¯ظ‚ظٹط© - ط§ظ„ظƒظˆظٹطھ, ط§ظ„ظƒظˆظٹطھ

q8ya metnaqla · 14-03-2015, 02:38 PM

اقتباس : المشاركة الأصلية كتبت بواسطة dana99

قبل سنتين سكنا في شقق الكورنيش في السالميه قريب من المارينا مول
وكانت جميله ونظيفه اذكر اخذنا شقه من غرفة نوم واحده ب 750 ريال في الليله شامل الافطار بس الفطور كان صغير ومحدود بس موقع الفندق جميل بس للاسف ماعندي صور
كان الحجز مباشر عند الوصول
هذا رابط الفندق في البوكينح
Booking.com: ظƒظˆط±ظ†ظٹط´ ظ„ظ„ط£ط¬ظ†ط*ط© ط§ظ„ظپظ†ط¯ظ‚ظٹط© - ط§ظ„ظƒظˆظٹطھ, ط§ظ„ظƒظˆظٹطھ

مشكوووره دانه على المشاركة الحلوه في تجربة
صح الكورنيش من الشقق الفندقيه الحلوه عندي اهلنا من الامارات كل ماايون يسكنون فيه
اشكرج على مشاركتج واتمنى باجي الاعضا الي عنده تجربه في اي سكن يشاركنا ويفيد القارئ

توبليرون · 01-04-2015, 02:55 PM

السلام عليكم

ارحب فيكم معاي في ليلة بفندق النخيل

اخذنا ليلة في فندق النخيل

لستوديو يتكون من غرفتين

تم تأجيره ب105 دنانير بخصم خاص....السعر الاصلي 125 دينار كويتي

الاستوديو لغرفة واحدة ب75 دينار والسعر الاصلي 100 دينار

نشوف الصور من ايفوني وسامحوني ما صورت وايد بالكاميرا

ندخل الفندق تلاقون الرسيبشن امامكم

والحين نشوف الاستوديو

الصالة

مدخل الاستوديو

اتجاه القبله وسجادة الصلاة بكل الغرف

القنوات التلفزيونية تبع الشوتايم

ويوفرون مجلة البرامج ....ويوجد بعد جهاز دي في دي

من جهة الغرف للصالة

المطبخ

الحمام بس واحد

غرفة النوم الرئيسية

التجوري ضروري

مخدات وكفرات زيادة ما احتجناهم

مطل غرفتنا

الغرفة الثانية

اكبر من الرئيسية

مطل الغرفة على الاستوديوات الثانية

بعد ما دخلنا الاستوديو وارتحنا شويه

رحنا صالة الافراح بالفندق

وطبعاا علشان نكون قبل المعازيم لحفلتنا وسهرنا هناك

وهذا كرت مدير الفندق موزع بالغرف

لأستقبال اي شكوى

توبليرون · 01-04-2015, 02:57 PM

في اليوم الثاني رحنا بوفيه الافطار

وهذا مكانا وطاولتنا

وسامحوني لان بعض الصور بتكون مهزوزة خجلااا ههههههههه

الحليب والشاي والكوفي

الجرسون يسالك شنو تحب تشرب وهو يصب لكم

العصيرات

الكورن فليكس وانواعه

ركن البيض والاومليت على الطلب

طلبت ورحت البوفيه

الاجبان

الاطباق الساخنه

نفتحهم ونصور

الخبز الفرنسي مع البيض والسجق

الهاش براون والفاصوليا

السمبوسه والمقليات

ما ادري شنووو

هلبينو وجبن نجتس .....وبيض مفيوح

صمون سخن

العسل والمربى والزبدة

المعجنات الحلوة

فواكه طازجه

ومحلاة

طبقي وبيضي الاومليت

عصير برتقال مو بيبسي

وكبتشينووووو

الرسيبشن

كل شوي نساله هههههههه

الساعات الدوليه

ركن من الجلسات الممنتشرة في اللوبي

ما صورتهم لانه دايما مليانين عوايل خليجية

بس هذه

وهذه من النت

يلا نطلع نروح نشوف الملحقات اللي بالفندق

طبعاا اسمحوا لي مو كلها صورتها لان الشمس كانت حارة

والوقت ما يسمح

الممر الى النادي واحواض السباحه

لوحة الاتجاهات

ممشى يؤدي الى طريق للشاليهات من جهة اليسار

وراح تلاحضون بالصورة مبنى رمادي هذا اعتقد مجمع للمطاعم جديد

لسه ما انتهووو ا منه

النادي الصحي

تكثر فيه الاجهزة وومكن الاشتراك فيه للاشخاص من خارج الفندق

هذه من اليمين ......على اليسار في ناس يمارسون الرياضة ما صورت

طلعنا الى حمامات السباحة والبحر

اجهزة رياضية بالهواء الطلق

الجلسات متوزعه من اليمين واليسار

حمام السباحة

حمام سباحة ثاني

توبليرون · 01-04-2015, 02:58 PM

ملعب الطائرة

كراسي البحر والبحر والناس

شايفين بوم المهلب

فيه صالة حفلات ومطاعم

يتبع فندق ساس ......ما حجزناه لان الفندق فيه ترميمات كبيرة

يعني لا تتوفر غرف للعرسان والسياح

كشك العصيرات

حمام سباحة للبيبيات

للاطفال

جاكوزي

تادي الاطفال

ومنها الصعود للغرفة

المفاتيح للاستوديو

بحط لكم صور من النت حق استوديو المعاريس

وهو يكون مع حجز الصالة لليلة واحدة

وحجزنا لهم ليلة ثانية

انا صورت الاستوديو بس ما صورت التزيين

فبحطه لكم من النت افضل

الفندق يصلح للعوائل

واللي يحبون يمارسون الانشطة الرياضيه مثل السباحة

والتمرينات الرياضية

الفندق فيه مطاعم غير المطعم الرئيسي

فيه كافيه ستار بكس

ومطعم للبرغر وواحد ثاني ما اعرف اسمه او نوعه

فيه صالون نسائي

فيه محل حلويات كيك وكب كيك وغيره
وفيه كافيهات مثل ستاربكس ولابين كافيه ومركز تدريب باليه للبنات

والى لقاء اخر من تقارير دولتنا الحبيبة الكويت

PrinceOfPersia · 01-04-2015, 09:51 PM

ماشاء الله
تقرير مميز آخر ومجهود مميز دوماً

تسلمين أختنا الكريمة

q8ya metnaqla · 02-04-2015, 10:49 PM

ممتااااااااااز اشكرج على اضافة التقرير ام حسين
وعساج عالقوه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فنادق انترلاكن	Venus	بوابة سويسرا	3	19-06-2018 02:19 PM
أفضل 10 فنادق في دبي	أبوعبدالله (الاسفار )	بوابة الامارات	19	03-03-2018 06:08 PM
فنادق اسطنبول	ماروكو	تركيا	10	18-02-2015 05:51 PM
فنادق زيلامسي	ماروكو	بوابة النمسا	7	16-02-2015 08:25 PM
فنادق نيويورك؟	bader264	بوابة امريكا	7	02-02-2015 12:36 PM