السلام عليكم اريد الذهاب لماليزيا وهي اول مرة سؤالي هو اريد معرفة التذاكر من 23او 24 يوليو الي 8اغسطس ماعرفت ابحث بالنت من جدة الي كوالالمبور 3 اشخاص وابي اعرف هل 20الف تكفي من الي مع التذاكر ولا اكنسل لان ابي ماليزيا بس خاطري فيها وفلوس 20 الف انا جمعتها من حافز وابي اسفر فيها الوالدة لماليزيا ابي كوالالمبور وبيبانغ ولنكاوي وسيلانحور اذتجي ولا جنتق اذ تجي لان هي سفرة وحدة يعني سفرة العمر اذ نصيب اروح ان شاءالله وبجد اسسسفة علي الاسئلة الكثيرة اختكم ماتعرف شي بالتكولوجيا وبجد شكررررا لهذا الصرح الجميل وشكرا للجميع

جزاك الله خير أختي أم دانه على انك بتسفرين الوالده..
من احب الاعمال الى الله ادخال السرور على قلب مسلم
فما بالك لما تكون الأم .. قد ايش اجره عند الله !
الله ييسرها لكم ويكتب لكم اللي فيه الخير
أنا بصراحه مالي خبره بالميزانيه والتكاليف بس ممكن افيدك باللي اقدر عليه
شيكت على الخطوط السعوديه بتاريخ 24 يوليو إلى 8 اغسطس رحله دايركت
المبلغ للشخص 3560 ريال والمجموع للثلاث اشخاص هو 10680 ريال
بس مااتوقع المبلغ المتبقي يغطي تكلفة الفنادق والتنقلات الداخليه والصرف اليومي ..

وإن شاء الله الخبراء في البوابه يفيدونك أكثر مني ..

هلابك ام دانة.. وباذن الله رحلة ممتعه فوق ماتتخيلون..وعشرين الف بتكفيك اذا كنتي اقتصادية والفنادق اقتصادية.. ولو تدفينها 3الاف زياده ممكن يكون افضل.
عموما سعر التحويل من الريال الى الرينقت الماليزي في هالفترة حلو.

اولا:
مواقع الخطوط بالامكان تبحثين في كل شركة على حده. مثل الطيران السعودي
الطيران الاماراتي. طيران الاتحاد. الطيران القطري.. او عندك مواقع تسوي لك بحث في جميع الخطوط وتريحك .. كل ماعليك انك تحطين التاريخ والوجهه.
واليك مثال على هالمواقع:
ط*ط¬ط² طھط°ط§ظƒط± ط·ظٹط±ط§ظ† ط±ط®ظٹطµط© ظˆط¹ط±ظˆط¶ ط§ظ„ط*ط¬ظˆط²ط§طھ - sa.wego.com

ثانيا اذا كانت مدتك من من23يوليو الى 8اغسطس فبتكون كامل الايام 17يوم..
وهي((23-24-25-26-27-28-29-30-31-1-2-3-4-5-6-7-8))
احذفي اول يوم واخر يوم لانهما يومين الطيران. فبيصفى لك 15يوم بماليزيا,
ومن رائي تقلليل المده عشان لاتكون التكاليف كثير.
يعني تخلين الاقلاع من 24يوليو الى 6اغسطس.. يعني يصفى لكم 12يوم صافي بماليزيا
فحلوه وقد دراهمكم.
ويكون تقسيم 12يوم كالتالي( 2سلانقور-3لنكاوي-3بينانغ-4كوالا))

ثالثا نصيحة محب .. اذا تقدرين غيري تواريخ رحلتك لانها بتكون وسط الموسم والاسعار نار
سواء طيران او فنادق وانتي تبين توفرين.. شوفي مثلا مع بداية الدراسة. او قبل بداية الاجازة. او بالحج. ممكن افضل.

رابعا..جنتق جزء من كوالا وللاسف هي من سنتين تحت الصيانة والملاهي حقتها مغلقه.
يعني لو بغيتي تضيفينها بالجدول حقك فبكون امر سهل.

الفنادق الاقتصادية .. ((وياليت وضحتي لنا الافراد الثلاثة كبار والا بينهم اطفال))
الافضل تاخذون غرفة وحده بثلاث اسره لانها بتكون اوفر بالقيمة. وهالغرفة اما تكون من الاساس ثلاث اسره.. او انها بالاساس سريرين
وانتم تتخاطبون مع الفندق وتزودون الثالث ولكن لابد تكون مساحة الغرفة جيده.
في سلانقور.. ارشح لك البراميد او ريومز وهو رخيص ومناسب. وياليت ترجعين لتقريري وتشوفين الصور.
في لنكاوي عندك فندق بيست ستار او فوربوينت شيرتون. او لاقون او كاسا ديل وهم شوي غالين.
في بينانغ انصحك بفلامنقو رخيص ومناسب وبنزل صورة بعد فتره في تقريري. او عندك بارادايس.
في كوالا انصحك بفندق التايم سكوير لانه غرفة وسيعه ورخيص وتحته ملاهي و اسواق ..او فندق ميترو وهو ارخص.

خامسا
تحتاجين داخل ماليزيا الى وسيلة تنقل بين المدن. من سلانقور الى لنكاوي طيران داخلي.
ومن لنكاوي الى بينانغ طيران داخلي او عبارة بحرية والافضل لكم الطيران.
ومن بينانغ الى كوالا اما طيران او باص.
الطيران الداخلي عندك اربع شركات (ايرسيا- ماليندو-فايرفلاي-الماليزيه) اختار الانسب والارخص.
او الباص وايضا من بيتك تقدرين تختارينو تحجزين وكذلك العبارة.

سادسا الامر بسيط وسهل وممكن مع كثرة كلامي انحستي وحسيتي بصعوبه ولكن نحن في خدمتك
انت بس اصملي على مدة معين وعلى تاريخ معين ومالك الا من مد يد العون لك وساعدك. والاعضاء مايقصرون.

تقبلي تحياتي. كازامي

بمشيئة الله تكون رحلة سعييده حاولي تقللي المده الئ 10 ايام ف ماليزيا ومع الذهاب والعوده 12 يوم بتكون كافيه باذن الله
وكمان يوجد فنادق اقتصاديه تبدا اسعارها من 150 ريال ابحثي ف بوكينق واختاري المناسب
وبكذا بتكون الميزانيه كااافيه ب اذن الله
الأعضاء ماراح يقصرون معك يفيدونك ب اللازم

^^^^^^^^^^^^^^^^^^^
سبتمبر ان شاء الله سعر التذكرة جدة _كوالا ع السعودية للشخص الواحد 2214 غير مسترد

انا ابي سيلانجوركوالالمبو جنتق نطلع الصباح ونرجع المساء حسب ماقرات بالتفارير بالمنتدی الاول اللي زمان الحمدالله انكم رجعتوا لنكاوي بييانغ باص عشان امي تشوف طبيعة ومنها تغير جو لان مع الطبيعة اربع ساعات ماتحس بالطريق حسب ماطلعت بالتقارير المولات عادي اتمشي اخذ فكرة لانها سفرة وحدة مااظن ارجع الا اذ ربي كتب لي فكرة اني اشتري من المولات شلتها لان الميزانية محدودة الزبدة كلها سياحة اقتصادية فقط اتمشي ومطاعم وكوفي فقططط وشكرا