موويا برجر - أمواج

fanda · 27-12-2015, 12:21 PM

العرب المسافرون - البحرين

موويا برجر - Mooyah Burger

مطعم البرجر الامريكي الشهير
له فرعين في البحرين ، الاول في منطقة الجفير والثاني في امواج وفي فرع ثالث تحت الإنشاء في الرفاع

تقريرنا راح يكون عن فرع امواج

بما انه الأجواء حلوه هاليومين فالكل يدور على أماكن مفتوحه للتمشي والقعده وطبعا امواج عز الطلب

جوله سريعه في المنطقه وتشوفون الزحمه

أوقات يكون في بازارات للبيع

المنطقه مليانه مطاعم وكوفي شوبات لكل الأذواق

اختيارنا كان لمويا بعد المدح الي سمعته

قعدات خارجيه كانت فاضيه بس لما كملنا جولتنا ورجعنا ناكل كانت مليانه للأسف

القعدات الداخليه

المنيو

بعد ما تعطيهم الطلب يعطونكم هالجهاز اول ما يجهز طلبكم راح يهتز عشان تروحون تستلمونه

وهذا كان طلبي مويا ستايل دبل

صحيح انها دبل بس كانت خفيفه ما حسيت بالثقل
الطعم جيد بس مب واو ولانه كان برجر مويا الخاص توقعت يكون في طعم او نكهة مميزة بس كان عادي
اهم نقطة انه البرجركان طري وجوسي مب ناشف

وهذي الفاتوره

تقييمي للمطعم ( فرع امواج )

الطعم 8/10
السعر 8/10
الخدمة 8/10
النظافة 8/10
الموقع 10/10

تحياتي

العرب المسافرون _البحرين

OLGA, نانا ابو عابد, ملاك و 9 آخرون معجبون بهذا.

أبو مهاب · 27-12-2015, 01:27 PM

الله يعطيكي العافية أم ريم
وحشتنا البحرين
تقرير خفيف و سريع
بس ما ادري ليش بعض الصور ما فتحت معاي

نانا ابو عابد, توبليرون, fanda و 1 آخرون معجبون بهذا.

OLGA · 27-12-2015, 02:32 PM

ماشاءالله عليكم بالعافيه
قعدات الامواج وايد حلوه بهالجو حلو
جنه شوي غالي سبرايت ٨٠٠ فلس وو البطاط عادي ١.٢٠٠

نانا ابو عابد, توبليرون, fanda و 1 آخرون معجبون بهذا.

نانا ابو عابد · 27-12-2015, 02:58 PM

مطعم مرتب خصوصا للمستعجل ...

تجربة حلوة .. شكرا لمشاركتنا تجربتك في المطعم ..

توبليرون, fanda و آخـــرفـــرصـــة معجبون بهذا.

ملاك · 27-12-2015, 06:19 PM

هني وعافية فاندا
امواج رحت له قبل فترة زي هذة الأوقات كان الجو جدا حلو وجلسنا في المطاعم اللي فوق بس للأسف ماكان فيه بازار
وفي محلات لِسَّه مافتحت منطقة جدا جميلة وفي منطقة بعد سمعت عنها اسمها العادلية فيها كوفيهات ومطاعم ما جربناها لِسَّه
كل الشكر لك فاندا الله يعطيكي العافية

توبليرون, fanda و آخـــرفـــرصـــة معجبون بهذا.

توبليرون · 27-12-2015, 08:43 PM

مطاعم البحرين أغلبها في الكويت
بس في مطاعم مو موجودة ومميزة مثل فيلا ماماز وكوكوز
وكان عندنا ناندوز بس شالوه هذا اهم واحد بناتي يحطونه من جدول زيارة البحرين

مايوو عندنا وانا كتبت عنه تقرير قبل
وتقييمي نفس تقييمج الصراحة
شكراا لج يام ريم
ولهنا على البحرين ...متى تكون هذه البازارات مفتوحة ؟؟
ودنا نشوفها اذا يينا لكم

OLGA, نانا ابو عابد, fanda و 1 آخرون معجبون بهذا.

fanda · 27-12-2015, 10:45 PM

اقتباس : المشاركة الأصلية كتبت بواسطة أبو مهاب

الله يعطيكي العافية أم ريم
وحشتنا البحرين
تقرير خفيف و سريع
بس ما ادري ليش بعض الصور ما فتحت معاي

الله يحييك يا ابو مهاب
يا الله عزم وتعال الأجواء هاليومين ولا احلى

ما أدري وش سالفة الصور هذي اول مره انزل موضوع بالتاب تالك ما ادري وين الخلل

شكرًا لمرورك

آخـــرفـــرصـــةمعجبون بهذا.

fanda · 27-12-2015, 10:48 PM

اقتباس : المشاركة الأصلية كتبت بواسطة OLGA

ماشاءالله عليكم بالعافيه
قعدات الامواج وايد حلوه بهالجو حلو
جنه شوي غالي سبرايت 800 فلس وو البطاط عادي 1.200

الله يعافيك اولغا
امواج هذا احلى وقت لزيارتها نغتنم الفرص
الأسعار فعلا مرتفعة بس هذا الغالب حاليا في مطاعم البرجر عادي الوجبه تصك 7 دينار

شاكرة لمرورك

OLGA و آخـــرفـــرصـــة معجبون بهذا.

fanda · 27-12-2015, 10:54 PM

اقتباس : المشاركة الأصلية كتبت بواسطة نانا ابو عابد

مطعم مرتب خصوصا للمستعجل ...

تجربة حلوة .. شكرا لمشاركتنا تجربتك في المطعم ..

اذا الأطفال جزء من الرحله اغلب خيارات الاكل تكون فاست فود للأسف

شكرًا لمرورك نانا

نانا ابو عابد و آخـــرفـــرصـــة معجبون بهذا.

fanda · 28-12-2015, 01:18 PM

اقتباس : المشاركة الأصلية كتبت بواسطة ملاك

هني وعافية فاندا
امواج رحت له قبل فترة زي هذة الأوقات كان الجو جدا حلو وجلسنا في المطاعم اللي فوق بس للأسف ماكان فيه بازار
وفي محلات لِسَّه مافتحت منطقة جدا جميلة وفي منطقة بعد سمعت عنها اسمها العادلية فيها كوفيهات ومطاعم ما جربناها لِسَّه
كل الشكر لك فاندا الله يعطيكي العافية

الله يعافيك ملاك
يبيلج زياره ثانيه لأمواج بتشوفينها اختلفت
كل زياره محلات جديده فاتحه
الطابق الثاني اغلبه المحلات الي تقدم شيشه

العدلية بعد منطقه حلوه مطاعمها مميزه جدا لازم تكون في جدول زيارتكم القادمة
وحاليا فيها مهرجان التّذوق مصاحب لمهرجان التسوق لااااازم تزورينا قريب

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف سيبدو برجر ماكدونالدز بعد 6 سنوات	BKK	عام	16	26-03-2015 06:48 PM
كلاسيك برجر	فتاة الدمى	بوابة السعودية	19	08-03-2015 03:08 AM