سفرى لباريس عقب أحداث نوفمبر 2015 ب 12 يوم فقط

hamdy79x · 05-01-2016, 09:06 AM

اقتباس : المشاركة الأصلية كتبت بواسطة فيصل

في المطار والأماكن السياحيه الأغلب يتكلم انجليزي
هو أنت بتخرب علي نفسك .....من شدة الذهول ممكن ترجع تسألهم مره ثانيه هو أنا صحيح خرجت من المطار
يعني من مطار براغ تم تسجيل دخول لك
بطاقه اورانمج هل الـ 120 دقيقه تقدر تستخدمها في أوربا أيضا
هل طلب منك صوره الجواز
هل تم تفعيل البطاقه أم أنت قمت بتفعيلها
الصور ظاهره

شكرا يا باشا

والله يا أخ فيصل ما قابلت أى حد فى فرنسا طول اليومين مش بيعرف إنجليزى إلا مرة واحدة فقط الكاشير فى المنطقة الحرة فى مطار أورلى لكن ماكينة الكاشير بتعرف إنجليزى ههههههه بصيت على المبلغ و إديته الفلوس .

- ههههه بأمزح طبعا لكن والله المفاجأة و المقارنة بين اللى كنت متوقعه و بأسمعه فى الإعلام و من تحذير الأصدقاء و بين اللى شوفته فعلا أصابنى بالذهول .

- نعم أخى فيصل تم ختم جواز سفرى فى براغ لأنها من ضمن دول الشنجن و الحمد لله إنى إنتبهت لكده بدرى لأنى كنت قاعد قبل الجوازات و معتقد إن حيتم النداء على طيارة باريس فى مكانى لكن لقيت الناس وقفت طابور و تختم جوازاتها أو يتم فحص هوياتهم الأوربية ز وفى باريس خرجت من المطار للخارج مباشرة مفيش غير موظف الجمارك سألنى عن السجائر لأنهم تقريبا فى فرنسا بياخدوا عليها جمرك ز

- نعم أخى فيصل بطاقة أورانج استخدمت ال 120 دقيقة فى كل أوربا استخدمتها فى إيطاليا و المانيا و هولندا وأسبانيا و كذلك البيانات و ما طلب منى صورة جواز أو أى أوراق نهائى تاخد الخط وتمشى لكن إنتبه لشئ مهم بتلاقى مع الخط ورقة المفروض تدون فيها كل بياناتك و عنوانك و تليفونك فى بلدك الأصلى و تبعتها لأورانج ( بتلاقى مظروف عليه العنوان ) مع الشريحة و إلا الخط بينقطع بعد شهر طبعا أنا ما بعتش حاجة لأن إقامتى فى أوربا كانت أسبوعين فقط . و لتفعيل الشريحة فقط ضعها فى تليفونك و أعمل أى مكالمة بتشتغل تلقائى .
ملحوظة مهمة خد بالك منها خارج فرنسا إذا إستقبلت مكالمة دولية بيتخصم من رصيدك و دايما حافظ على رصيدك لأن عملية الشحن من خارج فرنسا أونلاين معقدة و تاخد وقت بيبعتولك رسالة إن طلبك تحت المراجعة وبيردوا عليك سريعا .أخدت أكتر من 24 ساعة على ما المكالمات اشتغلت مرة تانية لكن الداتا كانت شغالة الحمد لله ماتقطعتش

فيصلمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
فيزة شنغن الفرنسية في نوفمبر 2015	زرجلي	فيزا	12	24-03-2016 02:47 AM
القرية العالمية من 3 نوفمبر 2015 إلى 9 إبريل 2016	سعود بن محمد	بوابة الامارات	16	30-01-2016 09:05 AM
ساعدووني ..شهر عسل نوفمبر 2015	llaa	بوابة المانيا	4	03-07-2015 05:29 AM