تقرير رحلتي الى سنغافوره - الصفحة 6

opera_kw · 10-01-2016, 08:30 PM

اليوم الخامس:

17 ديسمبر 2015

اليوم الثاني لنا من بطاقه ال (فن باس)

يشمل على 20 نشاط مختلف من متاحف و انشطه رياضيه وحركيه و حدايق وغيره

اللي مايناسبه يقدر ياخذ كل نشاط بروحه ويدفع تذكره

بس هذي التذكره شامله و اووووفر بكثير

يعني حتى لو ما دخلت كل الانشطه مو خساره انت الربحان

مع بدايه الصباح

نفتح البلوكونه ونستنشق الهوا العليل

وريوق خفيف

وبعدها الى الانشطه

اول شي بدينا بالاكواريوم

بدايته في عرض للملابس الشعبيه والحياه والرحلات التجاريه وغيره

وهني في عرض لفلم عن الطوفان او التسونامي مادري شنو بالضبط لانه ماحضرنا الفلم

سفونيرات واشياء

العلاقات مع الهند

ومسقط

من كثر ما الدوله نظيفه

الغواص نازل ينظف الجامات من داخل

والغوص على الولو بالخليج العربي

توبليرون, فيصل, قصة حب و 6 آخرون معجبون بهذا.

opera_kw · 10-01-2016, 08:42 PM

بعدين طلعنا نكمل باقي الانشطه

من رايي ويمكن غيري يختلف معاي

الاكواريوم مضيعه للوقت

يعني ماكو شي يديد

كله سمج وقرش و بس

صح حجمه كبير ومرتب

بس الفكره وحده

انطلقنا بعدين الى تمثال الاسد

والصعود الى القمه

ومنظر من فم الاسد

ووين مارحنا الحقونا المصورين ويصورون

ونقولهم مانبي معانا كاميرا

ويقولون نصوركم واذا عجبتكم اشترووو

بصراحه الصور بروحها يبيلها ميزانيه

ومن راس الاسد

باريس لاحقتني كل مكان

ومن خلف تمثال الاسد

الممشى

والى الانشطه الحركيه

احلى شي بينهم كلهممم

تركبون التلفريك المكشوف

ولمن توصلون فوق

تنزلون بواسطه هذا الاسود مادري شسمه بس شي شي

نفس الصوره

وبعدها هذا السكوتر

يتبع....

توبليرون, فيصل, قصة حب و 7 آخرون معجبون بهذا.

opera_kw · 10-01-2016, 08:57 PM

وبعدين وصلنا الى متحف الشمع

وبالنسبه لي (بعد مضيعه للوقت)

اللي متابع تقاريري يعرف انا ما احب السكون والشياء الجامده والمتاحف كلش

انا احب اللويه والحركه والاكشن والمغامره

فوايد انشطه ماتناسبني بس عشان الاطفال

والله استانسو اهم شي

وشافو لاعبينهم اللي يحبونهم والممثلين

قبل لا ندخل ودونا مكان مثل فلم تمثيلي عن سنغافور

الفلم يقوم شخص بتمثيله جدامنا عن سنوات تطور سنغافوره

وندخل من غرفه لي غرفه يتغير الشخص و الملابس

حسب التطور

السالفه مو جذي

سألونا من وين قلنالهم من الكويت

جان يسألون الناس اللي معانا

ولا كلهم يقولون انهم سنغافوريين بس عايله وحده اندونيسيا

المهم

جان يسألون شنو يعني سنغافوره

انا جاوبت الكل ساكت

وبعدين سألو عن احد السنوات شنو صار جان بو بدر يجاوب انه صارت مستعمره بريطانيه

والسنغافوريين ساكتين

مادري مايعرفون تاريخ بلدهم ولا مايعلمونهم بالمدرسه

...

ودخلنا متحف الشمع

ربعي الهنود

وطلعنا الى

برج النمر.. يصعد الى فوق ويدور

وتشوفون سنتوزا

حسيتها تركيا بهالصوره

وبعدها الى حديقه الفراشات والحشرات

واللي يبي يصور

يتبع...

توبليرون, فيصل, q8ya metnaqla و 5 آخرون معجبون بهذا.

opera_kw · 10-01-2016, 09:13 PM

وبعدها رحنا الى

4D adventure land

3 افلام على طريقه ال 4 دايمنشن

حلوين

مده الفلم من 15 لي 20 دقيقه

يمكن 3 او 4 انشطه ما دخلناهم

وهذا اخر نشاط دخلناه

عباره عن حرب اسلحه ليزر بين فريقين

المكان صغير توقعته اكبر من جذي

لانه انا داخله بماليزيا ليزر واااايد اكبر من هذا واحلى

المهم صارت الساعه 5:30

وردينا الفندق بسرعه

لانه ورانا شي مهم

على مابدلنا وطلعنا صارت الساعه 6:30

وعلى مسرحيه سندريلا

العرض موسيقى

بس انا الوحيده اللي استمتعت فيه

اليهال كانو بينامون

و بوبدر مو عاجبه سندريلا

اهم شي اني حاجزه اول سطر

ولانه ماتغدينا بسبب الانشطه اللي ورا بعض

تعشينا عشاء دسم

في هارد روك كافيه

وخلص اليوم

توبليرون, فيصل, q8ya metnaqla و 6 آخرون معجبون بهذا.

توبليرون · 11-01-2016, 12:29 AM

تقارير سنتوزا وايد حلوة بداية من فندق الهارد روك
لاخر عشا فيها
كله حلو الغرفه والسباحة واليونيفيرسال
والعروض المحببه للاطفال
والانشطه اخر يوم وطبيعي تستانسين انتي بس
على سندريلا لانج انثى اما الذكور عطيهم سيايير ورجال أليون
عليكم بالعافيه ومتابعين للاخر

قصة حب و Prince Kytu معجبون بهذا.

فيصل · 11-01-2016, 07:36 AM

كم قيمتها الفن باس

تعليق قوي علي حال النطاقه عندنا

عاد مو للدرجه نشبه إلا يصور الواحد

خلاص ما نبي ما نبي

والله لو يلحقني كذا ما أتحمل

يمكن الأكوراريوم أهون عندي من متحف الشمع

يمكن يا أم بدر بيعطونك فرصه تجاوبون

فعاليات حلوه صراحه وتتساهل اليوم

مع أبوبدر بخصوص عرض السندريلا

شكرا لك

توبليرون و Prince Kytu معجبون بهذا.

opera_kw · 11-01-2016, 08:06 AM

اقتباس : المشاركة الأصلية كتبت بواسطة Deena

جزء رائع ... الله يعطيك العافية استمتعت جدا بالمتابعة لحد الآن ..

الله يعافيج حبيبتي

اقتباس : المشاركة الأصلية كتبت بواسطة عاصي القلوب

تقرير وصور في غاية الروعة والجمال

الله لايحرمنا من عطاء قلمك المميز ..

شكراااا جزيلاااا

اقتباس : المشاركة الأصلية كتبت بواسطة |القحطاني|

تقرير رااااائع والأماكن رووووعة

سنغافورة وجهة لابد من زيارته .. انتهت مرحلة التفكير بزيارتها

اهم شيء الاجواء .. وهي من الدول المعروفة بأنها انظف دولة في العالم بسبب غرامتها لرمي اي شيء ع الارض

الله يعطيك العافية

Sent from my SM-N920C using Tapatalk

الله يعافيك .. لازم تروح خلا ص اقنعتك فيها

|القحطاني| و توبليرون معجبون بهذا.

fanda · 11-01-2016, 08:33 AM

عجيبه سانتوزا
نشاطات متنوعة تناسب كل الإعمار و الأذواق

توبليرون و Prince Kytu معجبون بهذا.

opera_kw · 11-01-2016, 08:34 AM

اقتباس : المشاركة الأصلية كتبت بواسطة توبليرون

تقارير سنتوزا وايد حلوة بداية من فندق الهارد روك
لاخر عشا فيها
كله حلو الغرفه والسباحة واليونيفيرسال
والعروض المحببه للاطفال
والانشطه اخر يوم وطبيعي تستانسين انتي بس
على سندريلا لانج انثى اما الذكور عطيهم سيايير ورجال أليون
عليكم بالعافيه ومتابعين للاخر

الله يعافيج حبيبتي

سنغافوره اللي شفته غير اللي كنت اسمعه من الناس لمن يقولون مافيها شي

ام حسين لازم يشاركوني شوي بعض اهتماماتي

دايما انا اللي اشاركهم

فيصل, قصة حب و توبليرون معجبون بهذا.

opera_kw · 11-01-2016, 08:39 AM

اقتباس : المشاركة الأصلية كتبت بواسطة فيصل

كم قيمتها الفن باس

تعليق قوي علي حال النطاقه عندنا

عاد مو للدرجه نشبه إلا يصور الواحد

خلاص ما نبي ما نبي

والله لو يلحقني كذا ما أتحمل

يمكن الأكوراريوم أهون عندي من متحف الشمع

يمكن يا أم بدر بيعطونك فرصه تجاوبون

فعاليات حلوه صراحه وتتساهل اليوم

مع أبوبدر بخصوص عرض السندريلا

شكرا لك

الفن باس اخذناها لمده يومين ب 139 دولار للكبير و 99 دولار سنغافور للصغير

وتختلف الاسعار على عدد الايام

نشبه صج نشبه بالتصوير بس المشكله انهم يبتسمون وعادي مو لازم تشترون واخلاقهم حلوه غصب يخلونك تتعامل معاهم بابتسامه وما تعصب عليهم.. فتحملنا

اي يااا فيصل مع بوبدر عيل ...

لازم تشتاركون حواء بعض اهتماماتها

فيصل و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير عن باصات ايرولاين الناقلة من كوالالمبور إلى كل من جزيرة بينانج و دولة سنغافوره	أبوعبدالله (الاسفار )	بوابة ماليزيا	18	06-10-2018 01:05 AM
تقرير رحلتي الى ماليزيا	عاشق الجمال	بوابة ماليزيا	73	09-06-2018 06:07 AM
تقرير عن رحلتي العائلية الى اسطنبول	Gunner10	تركيا	136	13-04-2018 12:01 AM
تقرير رحلتي إلى تركيا .. (فيديو)	ناصر الخميساني	تركيا	25	01-10-2017 05:33 PM
منقول ..سنغافوره الساحرة (تقرير من تصويري) . للأخ Eengineer..sa	silent_dove	بوابة سنغافوره	27	10-05-2015 09:01 PM