تقرير رحلتي الى سنغافوره - الصفحة 4

فيصل · 08-01-2016, 02:48 AM

صباح الخير
المارينا سعه صدر

بس ما شاوف مقاهي مثلا هنا

هل سنغافوره تعتبر اغلي من ماليزيا (للتسوق)

شارلوك هولمز, توبليرون و Prince Kytu معجبون بهذا.

opera_kw · 08-01-2016, 09:51 AM

اقتباس : المشاركة الأصلية كتبت بواسطة Deena

معك حق قصقوصة الصور بتاخد العقل

فعلا المكان حلو والجو بعد كان حلو فيساعد على الاجواء الجميله

اقتباس : المشاركة الأصلية كتبت بواسطة fanda

جزء تسوقي جميل جدا
المارينا باين انها اشرح واحلى ان شاء الله تسكنينها في المرات اليايه
أنشطة المارينا الي ذكرتيها نهاية الجزء السابق جربتوها كامل او لا
ناطرين بداية الحماس في سانتوزا

ان شالله يارب

الرحله النهريه ما اخذناها فضلنا نتمشى ونشوف العرض من عند فندق مارينا باي ساندس

اللي بالرحله النهريه يوقفونهم بنص الماي ويشوفونه

هم تجربه حلوه بس انا ماكان معاي وقت كافي علشان التزم معاهم 3 مادري 4 ساعات

كنت ابي اتسوق

اقتباس : المشاركة الأصلية كتبت بواسطة الجوكر

ياهلا وغلا في أم بدر. ..

تقرير ممتازة بدايه جميله وفي انتظار الأجمل

تزداد روعه هذي الدوله بتقريرك. ..

بالنسبه لعدم السكن في المارينا وأن شاء الله خيره لكم لايضيق الخاطر معوضين خير فيه. .

ان شالله يارب ...

اقتباس : المشاركة الأصلية كتبت بواسطة توبليرون

بالعافية المشتروات كلها وملبوس العافيه
وصاجة هالتاجرات بالانستغرام يخمطون وايون ايبيعون علينا
باضعاف السعر
باين خوش نفانيف عمليه

منطقة المارينا حلوه وان شاءالله تسكنينها المرات اليايه
وربي يخلي لج بدر واخوانه يستاهلون اللعب
ويلا اكيد بيستانسون بسنتوزا
متابعين للاخير يا احلى ام بدر

حبيبتي ام حسين مشكووووره والله يعافييج

اي والله سنتوزا حتى انا استانست فيها

اقتباس : المشاركة الأصلية كتبت بواسطة فيصل

صباح الخير
المارينا سعه صدر

بس ما شاوف مقاهي مثلا هنا

هل سنغافوره تعتبر اغلي من ماليزيا (للتسوق)

على الخليج ابد مافي مقاهي ولا شي

بس الناس تقعد عالارض وتشوف الماي

للتسوق سنغافوره فيها الغالي والرخيص وما تعتبر غاليه ابدا ابدا ابدا بالتسوق

اما الاكل .. المواصلات .. السكن اي اغلى من ماليزيا

فيصل, توبليرون و الايمان معجبون بهذا.

Deena · 08-01-2016, 10:13 AM

حبيبتي .. بدك تسامحيني على كتر الأسئلة
العرض الي كنتو تنتظروه، عرض يومي ولا في أوقات محددة؟ حاولت أشوف المواعيد اون لاين بس ما طلع معي غير عروض رأس السنة

توبليرون و Prince Kytu معجبون بهذا.

opera_kw · 08-01-2016, 11:06 AM

اقتباس : المشاركة الأصلية كتبت بواسطة Deena

حبيبتي .. بدك تسامحيني على كتر الأسئلة
العرض الي كنتو تنتظروه، عرض يومي ولا في أوقات محددة؟ حاولت أشوف المواعيد اون لاين بس ما طلع معي غير عروض رأس السنة

سألي قد ما تبين

قصدج عرض الليزر اللي بالمارينا

موجود كل يوم و مرتين الساعه 7 ونص والساعه 9 ونص

تأكدي من الفندق لمن توصلون ان شالله

شارلوك هولمز, Deena و توبليرون معجبون بهذا.

opera_kw · 08-01-2016, 10:29 AM

اليوم الثالث:

15 ديسمبر 2015

اليوم اخر يوم لنا في سنغافوره العاصمه .. بننتقل الى جزيره سانتوزا

كلمنا الفندق البارح انه يحجزون لنا سياره كبيره .. لانه عندنا شنط ماراح تكفي التاكسي

اقترح علينا الشخص اللي كلمناه من الفندق انه ناخذ سيارتين تاكسي .. ليش ؟؟؟

يقول انه السيارات الكبيره لها تسعيرات ثابته .. وسنتوزا قريبه مو بعيده

فلو ناخذ سيارتين تاكسي بنوفر وااااايد فيها

مشينا على شوره ..

قعدنا الصبح على راحتنا وتريقنا

وبعدها سوينا الجيك اوت وطلعنا

اخذنا سيارتين تاكسي

والحمدلله كفت

طلعت بالسياره انا والاطفال وبعض الشنط قبل بو بدر

وانطلقنا

ووصلنا عند البوابه

جان يقولي التاكسي وين الحجز ؟؟ قلت له مع زوجي

جان يقول لازم نوريهم عند البوابه

المهم نزلت الجام جان اكلم الموظفه قلت لها احنا حاجزين في هارد روك و الاوراق مع زوجي بالسياره الثانيه

جان تفتح لنا البوابه

وصلنا الريسورت وورلد .. عباره عن سلسله فنادق متفاوته اسعارهم

تم الحجز عن طريق مكتب سفريات بعد مقارنه الاسعار بين بوكينق و موقع الفندق نفسه

الاسعار تقريبا ببوكينق والموقع نفس الشي الا انها غير شامله الافطار

علشان جذي حجزنا من مكتب ومع افطار بحدود ال 70 شي و 70 دينار كويتي لليله الوحده

عند الفندق

وهذا فندقنا ..

هارد رووك

اللوبي

هذول اخذتهم من عند الفندق

المسبح بروووحه سياحه

والله وماطولنا عطونا الغرفه بسرعه

رقم الغرفه ..

الغرفه مطله عالمسبح وفيها بلكونه

الغرفه مساحتها كبيره

اهم شي تكفينا وتكفي الشنط

والسرير اللي عاليمين في تحته سرير جرار تسحبونه

يعني السراير كااافيه لنا احنا 4 اشخاص

الحمام عزكم الله (مافي شطاف)

والاطلاله

Deena, شارلوك هولمز, fanda و 11 آخرون معجبون بهذا.

opera_kw · 08-01-2016, 10:47 AM

احنا بنقعد 3 ايام في سنتوزا

التخطيط كان كالتالي

اليوم الاول نشوف المكان ونتمشى فيه

ثاني يوم يونيفرسال ستديو

ثالث يوم باقي انشطه الجزيره كلها

لمن كنا نبحث عن اسعار الفندق دخلت على موقعهم .. والحلو بالموقع يحطون كل الفعاليات اللي بتصير عالجزيره

شفت انه في وقتنا في عرض مسرحيه موسيقيه .. مسرحيه سندريلا

والعرض ياي من اوربا

عاد قلت حق بوبدر بحجز ما عجبه ... قالي سندريلا روحي انتي والاطفال بروحكم

عقب شفت انه في باكيج ( سعر عائلي يشمل 2 كبار و2 صغار ) ب 404 دولار سنغافوري جان احجزه واقوله في عرض حجزته كيفك اذا منت ياي انا بروح

فكان حجزنا يوم 17 ديسمبر يعني اخر يوم لنا بسنتوزا نفس اليوم اللي حددناه للانشطه

واصلا كان هذا اليوم الوحيد اللي متوفر

المهم

بما انه اليوم حددناه للتمشي والاستكشاف

قررنا نسبح بالمسبح حتى وقت الغدا

خلصنا تسبحنا

وطلعنا

على يمين الفندق على طول تبدي الانشطه والمطاعم واليونيفرسال كل شي قريب

المحلات والمطاعم

وهني عن المسرح

اجزاء مختلفه من المكان

ترا كل شي قريب مشي

واللي مايقدر عالمشي في القطار المعلق ينقلكم من محطه لي محطه ببلاش

والمحلات المغريه

حبيب الاطفال جلي بلي

وهذا اليونيفرسال

وسندريلا بعد

Deena, شارلوك هولمز, fanda و 10 آخرون معجبون بهذا.

opera_kw · 08-01-2016, 11:01 AM

فضلو الاطفال وبوبدر يتغدون بماك بس انا ماكنت ابي فاخذتلي خفايف من بريد توك

والكولا من ماك

وبعدها كملنا الاستكشاف

وهذا تمثال الاسد (ميرلايون)

هني بالليل يصير عرض ليزر وماي

كروز

وهذا الووتر بارك

يبيله يوم بروحه

التلفريك

في واحد ينقل من سنغافوره لي سنتوزا

وفي واحد ثاني داخل سنتوزا بس

الميرلايون بالليل

والممشى ورا الاسد

عيد الحب عندهم مو كريسماس

وهذا القطار المعلق

وصلنا لل

اي فلاي

للاسف كان مسكر

كان ودي اجرب

وهذا خط مسار القطار المعلق

كل محطه يبين شنو فيها

واللي مايعرف يقدر ياخذ بروشور الانشطه فيها كل نشاط بأي محطه

حيل سهل كلش مو صعب

بما انه الانتقال مجاني لسكان سنتوزا

قلنا نلعب بالحلال نروح فيفو ستي نتمششى ونتسوق عالخفيف
ونتعشى

وهذي المحطه عند فيفو ستي

طبعا اذا بترجعون سنتوزا لازم تدفعون تذاكر

الا اذا كنتو من سكان الجزيره بكون مجاني

والتذكره المجانيه لازم تكونون ماخذينها من الفندق قبل لا تطلعون ولا تتوهقون بالرده

وانتهى اليوم

بعد ما تشوقو الاطفال على بريد توك

اخذناله منه

وتصبحون على خير

شارلوك هولمز, |القحطاني|, فيصل و 10 آخرون معجبون بهذا.

شارلوك هولمز · 08-01-2016, 11:27 AM

ماشاء الله خبيرتنا تقرير رائع عن بلد مجهول لنا

ماقصرت وضحتي كثير عنه ومعلوماتك وافية شكرا لك

متابع معاك ..

هولمز

توبليرون و Prince Kytu معجبون بهذا.

fanda · 08-01-2016, 11:40 AM

ممتعه سانتوزا بس احس ٣ ايام ما تكفي كل الانشطه
الكل يقول سنغافورة غاليه مثل اوروبا حسيتي بهالشي ؟!

فيصل, قصة حب, توبليرون و 1 آخرون معجبون بهذا.

|القحطاني| · 08-01-2016, 02:28 PM

التسوق رهييييييب ما شاء الله

المولات روووعة دائما وسنغافورة مدينة مثالية

الصور في الليل روعة في العاب الليزر

سينتوزا روعة .. والجو فعلا جميل بالصور

الله يعطيك العافية

Sent from my SM-T705 using Tapatalk

توبليرون و Prince Kytu معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير عن باصات ايرولاين الناقلة من كوالالمبور إلى كل من جزيرة بينانج و دولة سنغافوره	أبوعبدالله (الاسفار )	بوابة ماليزيا	18	06-10-2018 01:05 AM
تقرير رحلتي الى ماليزيا	عاشق الجمال	بوابة ماليزيا	73	09-06-2018 06:07 AM
تقرير عن رحلتي العائلية الى اسطنبول	Gunner10	تركيا	136	13-04-2018 12:01 AM
تقرير رحلتي إلى تركيا .. (فيديو)	ناصر الخميساني	تركيا	25	01-10-2017 05:33 PM
منقول ..سنغافوره الساحرة (تقرير من تصويري) . للأخ Eengineer..sa	silent_dove	بوابة سنغافوره	27	10-05-2015 09:01 PM