بسم الله والصلاه على رسول الله


السلام عليكم ورحمة الله وبركاته


ما عندي صور كثيـرة
لكـن بتكلم بشكل عام

استغرب من اللي يقولون ان العملات تتشابه ؟


لكن ما عليه قلت الحذر واجب ولا صادفني اي شيء من مسالة التلاعب في العملات
واصلا ما قد تواصلت مع تكاسي اطلاقا الا وقت الرحيل


بعد ما وصلنا الفندق واخذنا الغرفـة
كانت للامانه مرتبـه ونظيفه ولا فيه اي ملاحظات اطلاقا


وبما اننا مسافرين من الفجر الليل كله ما نمنا
والآن الساعـه وصلت الظهريه 1 وعليها ؟
قلنا نرقـد ونريح للامانه حتى الأجواء تحمسك للنوم هههههههههه



وبعدهــا طلعت الأحداثيــات والأماكن اللي يجب زيارتهـا
وبما ان السياره ( مفتوح الكيلو ) يعني ما هي فارقـه معي أبدأ مع ميـن
ان شاء الله اروح شرق غرب شرق عادي هههههههههههه
احب الخطوط ومتعـة القيــادهـ


هنا في هذا الفندق 3 ليالي ( وفيه ليلتيـن بعد الرجعـة )
يعني ما نبي نخلص كل شيء علشان ما نمل من المنطقـه
اللي اصلا ما مليت منها ابد



في المساء طلعنـا بالسيـارهـ جولة على المديــنه وقلت اروح مجمع جواهر مول اللي عند النوفيتيــل
على الساحــل ( والله القيادهـ بحد ذاتها متعهـ )

دخلنا المول على أساس ابي شرايح نت ؟
ومع الأسف ما فيه
أخبرنـا احد المحلات كشك لأكسسوارات الجوالات اننا نروح لفوريوم مول
قلت ما عليه قدااام


طلعنــا على الأحداثيــه وثبتت المكان
بركات القوقل مابس


وجيت محل تركسل
اخذت شريحتيــن بيانات فقط
( 10 غيغا - صلاحيـة الاستخدام شهر ) بـ 89 ليرة للواحدهـ

بصراحـة اني رجعت للسعوديـة ولسه باقي فيها 2 غيغا هههههههه
والمدام 4 ايام بس وخلصت الباقـه هههههههههه وكنت اشبك لها نقطـة اتصال بقيه الأيام

ولقيت في الفوريوم محل حلويات ( مادو ) جاي بالركـن
قلت يلااا نجربـه هاللي يمدحون فيه بعض الأعضاء

وانتهت الليلة الأولى بأمن وسعادة وأمان
والعشاء كان من المطاعـم الشعبيــة اللي تحت في الفندق
فيه عجوز تبيع كبه نيه على ما يقولون
والله بصراحـة طعمهــا جوونان وخيـالي
ولا فيه غلاء !!! الثنتيــن بـ 6 ليرهـ
وتشبع ويبقـى منها بعد


والمشروب العيــران يا لباااا بس احلى مشروب
وانا هنــا مدمن عليه ولا القـاهـ في محلات محدودة
شلون عاد لا صار متوفر عندي بكل مكان يمي يمي



عاد تركيـا الظاهر ما عندهم الا شاي أو عيران
هههههههههههه ما فيه خيار ثالث الا نادر

والمشاوي الكفتــه والاشورما



في صباح اليوم التالي
الافطار لا يعلــى عليه للامانه
ترتيب شغل عدل

وأحلا شيء لما ما يكون فيه زحمــة الواحد يعرف ياكل على راحتــه



بعدهـا كـانت الوجهــة على صوميلا بمشيئـة الله
والتوجيــه من قوقل مابس

ولما جينا البوابـه رسم المنطقـة 9 ليرهـ
ولكـن قال لنا ان المغارهـ مسكره ( لمدة سنـة ) لأعمال الترميـم والصيـانـة







طبعاً الخط والقيادة في الطريق ذهابا وايابا متعــة بحد ذاتهـا للامانه






+++++++++++++++++++++++++

بعدهـا كانت النيــه للتوجــه لمرتفعــات حيدر نبــي
وفي الطريــق وقفنــا عند محل الدوافير والغازات
وأخذت لي دافور معبى فل وشغل عدل بـ 20 ليرهـ !!

وتوجهــنـا بالأحداثيـه إلى حيدر نبي
طبعــا الخضرهـ شوي لان العشب مشهب من البرد ههههههههههه بس ما عليه
انا مررررهـ مستمتــع والمدام كذلك
وعاجبنـا لو مشهب ما يضر ههههههههههه
الأحلى والأروع ان ما فيه احد مافيه زحمـه احسن


وأول محل لقينـا فيه شايب بقاله صغيـره
اخذت من عندهـ الابريق والسكر والكبريت
أما القهوه والتمر عندي





















كانت الأجواء مررره حلوة والبراااد منعــش
ولا فيه ذلك البرررررد يعني
بس حلو الجووو

وأنهيــنـا الجولـة في التمشيـه في الأريـاف بعدهــا بالسيـارهـ
ومن ثم حل المساء بسرعـه يخلص اليوم هههههههههههه


ورجعنــا للفندق




تحيــاتي للجميــع

+++++++++++++++++++++++++++++++

في صباح اليوم التالي
ورحنــا لمنتزهـ أو مطل بوزتبــه
وكالعادة على الأحداثيـه من قوقل مابس

المكــان حلو ورائع والجو ممتــع









وكان فعلاً الشاهــي له طعــم
والسيدهـ الكريمــه ما عجبهــا الا الابريق التركي اللي يجي ابرقين فوق بعــض هههههههه



وبعد المقهـى والشاهــي رحت لجامع أيه صوفيـا اللي في طرابزون

ههههههههههههههههههه
يوم اشوف الصور الباقيــه تلخبطــت ؟
مدري انا صورتها في اليوم الاول او الثاني او اللي بعدو ؟
علشان كذا ما بسوي يوميـــــااات
بخليها صورة وتعليق



اخف واحســن وشوله اكتب كثيــر
لاني لو مسكت الكيبورد ما بوقف ههههههههههههههههههه
السنيكرز اللي عندي اصلي لا يوقف هههههههههههه





من بعد هذا الرد بخليها صوره وتعليق




تحيــاتي للجميـــع

منظر من مطعــم بحيــرهـ سييرا غــول





_____________________________

صور من ميدان طرابــــزون















لقطة من قصر أتاتورك
















لقطـات من قصر الحصـن
وأحد المقاهي اللي فيــه















>>>> يُتبــع

بسم الله والصلاه على رسووول الله



صور من منتزهـ بوزتبــه رجعنـا له في يوم آخر القعدهـ فيه ما تنمــل بصراحــة











صور في يوم آخر في ميدان طرابزون
المشيء فيه بحــد ذاتــه روعــة
أحب هالنوع من الأسواق أقرب لها من الشعبيــة












وهذا مطعـم نهـاد أوسطا تعشينــا فيها بأحد الليالي






يتبــع >>>>>

بأحد الأيـــام
قررت الا اسوي غداي بنفسي ههههههههههههه


مريت مجمع جواهر فيه محل عندهم فوق بالدور الثاني
ادوات المنزل من ال
زي ساكو عندنـا واسعارهـ معقوله الا ورخيصـه


اخذت من عندهـ القدر والسكـين والصحن
وتحت فيه سوبرماركت اخذت لي بصل وطماطم وفلفل بارد وحار على زيت على رز على ملح وصدور دجاج وبهارات
يسمونـه ( طـز ) هههههههههههه وكذلك ما نستغنـي عن العيــران



















كان مكــان ترتيب الغدى قريب من بحيــره سييــرا غــول

القهــوه قبل الغدى لابد منها هههههههههه



الطريق الى البحيــرهـ





ههههههههه وانا جاي صادفته بوجهي ولا كنت مسرع
قلت ارجع واصوره ههههه



هنـا قعدنـا لترتيب الغدى
بجانـب البحيــرهـ

في فندق TS Gold
لما رجعنا الهوتيــل
بصراحـة يعطيهم العافيــه
لقيتهم حاطيــن
سله فواكـه وصحن وسكيت وشوكـه وماي فيه ورد ؟
ولوحـة صغيـره مكتوب عليها ( إكـــرام )







* العصير تبـعي هههههههه والدفتر الصغير والقلم هذا اسجل فيه الاماكن اللي بنروح لها ويعني هيك شيء


هذا منظر من الهوتيل ( يطل على الميــناء بشكل عام ) بس كان فندق محترم ونظيف وعجبني







________________

هذا المسجد وحنا راجعيــن من الطريق لمغــارهـ كآآآل
بس وقتهــا الثلووووج بدأت بالسقــوط

بسم الله والصلاه على رسول الله



توجهنـا إلى اوزنغـول






وافترقنـا قبل اوزنغــول يميــن بأتجــاه سلطان مراد

وقتهــا كان السلطان مراد متلحفـه بالبيــاض لهطول الثلووج
وكان الطريق كل ماله يزداد صعــوبه علي !! خفت يزلق الموتر ثم عاد نهوي ومحد سما علينا
ههههههههههه










قبل ما اوصل للقريـه اكتفيت بما شاهـــدت
خصوصا ان الثلوج مغطيـة المكان
فقلت ارجع اكمل طريقي لاوزنغــول ههههههههههههههه
مع اننا كنا مرررهـ مستمتعيــن
بس اربكنــا شوي الطريق كان الازفلت صقيـع
احس ان السيـارهـ بتهــوي بأي لحظــة
هههههههه





يتبـــــــــــــع >>>

بسم الله والصلاه على رسول الله


وصلنـا الى اوزنغـول قبيل الظهــر
وقلت آخذ فيها لفــه لطالمــا كنت اتمنــى زيــاره هذي القريـة
والبحيــرهـ والجــامع


وعلى طول أدور لي مكــان اضبــط فيه القهــوه في هالأجواء اللي ترد الروح للأمانــة


ويبدو ان كان فيه شوي ثلج نزل قبل قبل ما نجي القريــة يبــان في أعالي الجبــال










بعدهــا جيــنا للفندق
غوبيليك وكــان على مدخــل القريــة
وأخترتــه لاني مابي الازعـاج من المحلات القريب من الجامع
والمسافه مو بعيـدهـ في ظل ان معك سياره فما هي فارقــه معـك
ههههههههههه


فندق رائع وكويس ومرتب واللي فيه محترمين جداً


ما دفعت شيء لانهم already خصموا المبلغ من الفيزا من قبل ما اطب تركيا
ههههههههههههه


بعد ما استلمنـا الغرفـه وكانت مرتبـه وركنيـه على زاويتــن



وطلعنـا جولـة عند البحيــرهـ












** بالصور أعلاه تشوفون السحاب الأبيض من شمال
هذا اللي هجم علينا ههههههههههههههه يوم جاتكم المربعانيــه
محمل بالثلوووووووووج ههههههههههههه
ما استمتعت في الاجواء الحلوة الا 3 ساعات بس ههههههههههههههه
وبعدهــا هههههههههههههههههه ثلووووووووووووووووووووووووج
وناااااااااااااااسه


بعدهـــ جيــنا للمطعــم اللي قالت عندهـ ( صقره ) ان واجهـة مفروشـة بسجــأد أحمر
وتغديــنا فيه




وبعدها رجعنــا الفندق شوي راحــه ونووووم
يا حلاه النوم في ذا الأجواء
صحيــنا المســاء على صوت الثلووووووووج











منظر السيارة من البلكــونـه
ههههههههههه




فنزلنـا تحت نشرف شاهي على الأجواء هذي
وهم يجيبونـه لنــا ما يقصــرون




منظر السيارة يضحك هههههههههههههه






الضيافـه عندهم مفتوحـه 24 ساعــه ( الشاي والقهوه )
كنت اطلب منهم شاي ومرات قهوه تركيـه
ودايم بالخدمـه ولا حتى يتذمرون ابد بالعكس اني اطق سوالف معهم احس اني في بيتي للامانه

حتى قلت له بطلع الدافور حقي بالغرفـه وبسوي قهوتنا حنا مو قهوتكم انتم ههههههههه
قال لي اوكي بس خلك حذر ههههههههه قلت ازهله بس وفنجــالك تشربـه عندنـا ههههههههههه
لازم انا اضيفكم بعـد من قهــوه الكيف هههههههههه






وهذي لقطـه ع الطاير ولا بخفي ملامح الوجـه


يعنني صورني وانا ما ادري هههههههههه





في الصباح الباكر
هذي الصور الفجريـه احس ان الدنيــا صايره زرقــاء ههههههه





هذي صورة الفندق من برا



البحيره بعد الثلج






جــامع أوزنغــول




هذا المطعــم اختفـى السجـاد والبساط الأحمر
صار كله بياض من الثلج




جــأمع أوزنغـول من زاويــة أخرى

..


وهنــا نفس الصورة بس عليها بعض التعديل
لأني خليتها صوره عرض في الواتس اب







بس خلاص تعبت والله





يتبــع ان شاء الله في أقرب فرصــه




تحيــاتي للجميــع