السلام عليكم ورحمة الله وبركاته

صحيح راح وقت على الرحله لكن أن تصل متأخر خيراً من أن لاتصل>>>>> ياسلام ع التبرير

حبيت اشارك بكم صوره للرحله اللي كانت بنهاية شهر مايو لمدة 12 يوم

كانت الرحله عزابية مكونة من ثلاث اشخاص

كان التخطيط 10 ايام للشمال التركي وآخر يومين لإسطنبول وتم حجز التذاكر لكل شخص 1900 ريال تقريباً ماأذكر بالضبط

كان خط السير قصيم اسطنبول طرابزون والعكس

باليوم الأخير بطرابزون تغيرت الخطه واتفق الجميع على عدم الرغبه بإسطنبول فتم التواصل مع طيران العجاجي بحكم انه خط مباشر طرابزون القصيم لحجز عوده فقط وكانت التذكره 800 ريال للشخص

تم حجز السياره من المطار مباشره بحكم انه وقت غير مزحوم كان يوافق بداية الاختبارات النهائية للتعليم تكاسر على كيفك وفعلاً تمت المكاسره

لين وصلنا لسعر 100 ليره جيب ديزل دبل تأمين شامل

و زياده بإستغلال عدم وجود سياح بكثرة رفضت دفع تأمين عن طريق الفيزا وقلت ماعنديلك الا كاش تبي والا اشوف غيرك

حاول يمين يسار يبي بالفيزا وانا مُصر على الكاش لين رضخ للأمر الواقع وقبل الكاش

وقالي أهم شي لاتاخذ مخالفات قلت ابشر ماعليك هذي أزهلها

كانت السيارة عن طريق يوروب كار وكان الاستلام والتسليم سلس جداً وتعامل رائع

كان عندنا ترانزيت 6 ساعات بمطار أتاتورك والشباب قبل ما نروح موصيني يبون مطعم الملك

نزلت استفسار بهالمنتدى المبارك ولاقصر الجميع بإعطائي توجيهات عن موقع المطعم

وفاجأني العمده ماجد الفهد بوجود فرع للمطعم قريب للمطار وهالشي بيريحنا كثير

وفعلاً توجهنا لمكانه وكان مغير الأسم من الملك للعالمي بنفس الطاقم بس الاسم متغير

عاد مدري انتقلت مليكته لشركه ثانيه والا وش السالفه

كان الموقع رايق وع البحر مباشره شي يرد الروح

التصوير من جوال آيفون لذالك لاتدققون بصفاوة الصور


مركز رفع الملفات









هذي المزيونه




من قمم سلطان مراد

وعليكم السلام ورحمه الله وبركاته


ما فيه سوق لهم محلات التأجير

هل المطعم عنده مواقف سيارات يمديك تلبق

هل ذهبت له من أجل طبق الجره أم له جميع ما يقدمه لذيذ

كأن الصور ما ظهرت بالجزء الثاني


جربت المغامره مره قريب بورصه وحمدت ربي عدت علي خير

عليكم بالف عافيه
اطلاله المطعم حلوة

الصور في المشاركة الثانية ما ظهرت

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

مشكور اخوي على الموضوع الروعة انا ان شاء الله راح اوصل طرابزون يوم 29 مايو تنصحني بعد الحجز المسبق للسيارة والفندق لانه راح تكون فترة اختبارات او الحجز المسبق افضل شكرا ؟