(معشوقتي أوربا) 2014 Θςт الجزء الالماني والفرنسي

AbOFareS2011 · 16-01-2015, 02:43 PM

(مُّعَّشّْوّقِّتُّيٌّ أوّرًّبّْاٍّ )
2014 Θςт

سوف أضع باذن الله بين ايدكم رحلتي الماضيه لمدة 25 يوم
اعضاء الرحله
(آنّآ - ۄآلَغّآلَيْہ آمـَ فْآرَسُ - رَسُيْلَ حْيْآتْيْ - ۄفْآرَسُ عَمـَرَيْ )

هولندا (4) ليالي - بلجيكا (3) ليالي - فرنسا (3) ليالي - المانيا (4) ليالي - سويسرا (3) ليالي النمسا (4) ليالي - سلوفينيا (4) ليالي

التقرير الخاص:
بالجزء الهولندي والبلجيكي

AbOFareS2011 · 16-01-2015, 02:46 PM

(معشوقتي أوربا ) 2014 Θςт
(الجزء الفرنسي -والالماني )
توجهنا باليوم الثامن من الرحله بالسياره من بلجيكا في مدينه بروج
الساعه 10 صباحا تقريبا
مثل ماتعرفون العائله مع الاطفال ثقيله بالتنقل مو مثل الشباب
سريعين وفرقت معي هالسنه كثير التنقلات بالاطفال مو متعبه بس ثيقله
الوقت ماتقدر تتحكم فيه
ووصلنا الى الفندق بدزني لاند تقريبا على الساعه 3 او اربع العصر
الفندق صراحه مريح وجميل للاطفال مرفقاته تخدم العوائل مع الاطفال بشكل كبير
سوينا دخول مع وارتحنا شويات وقصينا تذاكر لشخصين كبار وطفلين لمده 3 ايام
بمبلغ 2500 تقريبا او اقل
طبعا هالفندق او الفنادق المحيطه بدزني عندهم خدمه النقل لدزني والاوت لت
النقل لدزني عبر الباص يمر كل 30 دقيقه من 10 صباحا الي 11 مساء
يعني سيارتك انساها بالمواقف بالمره
وبهالثلاث ايام ماحركت السياره ابد الا بيوم انتقالنا الى المانيا
الساحه الخلفيه للفندق
وتوجهنا للالعاب ولعبو العيال وانبسطنا
صراحه دزني 3 ايام حقها تجرب كل الالعاب وعلى راحتك
ومرينا على الاوت لت ثالث يوم الصباح وتغدينا فيه
وكملنا باقي اليوم بدزني
وبعد هالثلاث ايام توجهنا الى المانيا
بادن بادن
صراحه الطريق من باريس الى ستراسبورغ كل رسوم طريق
كل كم كيلو ادفع رسوم ومتفاوته من 16 يورو الى 8 يورو
تقريبا دفعت اربع او ثلاث مرات
وصلنا بادن بادن على المغرب لانو الشمس ماحسيت انها تغرب بدري الا
بالمانيا
توجهت للشقه اللي مستاجرها طبعا هالشقه لها سالفه
بعد ماشفت التقيمم والتعلقات النزلاء اعجبتني بتوفر غساله ونشافه ومطبخ
وبلكون وموقف سياره حجزت وقبل الرحله باسبوع
حصلت موضوع واحد يحذر من هالشقه وانو حصله سرقه وطريقها صعب
وتكسرت زجاج السياره
انا خفت قلت ولا ارتحت
طبعا راسلت صاحب الشقه وبين لي انو لكل شقه موقف
1 و 2
و علمني طريقه وجود المفتاح والرقم السري للصندوق اللي موجود فيه المفتاح وللانترنت
وصلت بالظلام ووقفنا السياره ونزلنا الاغراض
الشقه جميله واللي مايناسب غيرك ممكن يناسبك الناس مو مثل بعض
اخذنا جوله خفيفه في بادن اول يوم
طبعا بادن بادن طرقها مرتفعه واحيائها بوسط حاره وتحصل لك طلعه يتقطع حيل الموتر على بال مايطلع
لنا لقاء قريب باذن الله

AbOFareS2011 · 16-01-2015, 02:48 PM

(معشوقتي أوربا ) 2014 Θςт

(الجزء الالماني )...
بعد ماوصلنا بحمد الله واخذنا جوله مسائيه في وسط بادن بادن
المدينه هادئه
تعشينا باحد المطاعم بالساحه
رجعنا لشقتنا نمنا بهدؤء وراحه
اصبحنا باليوم الثاني في بادن بادن
وكانت وجهتنا الى
Gutach
على حسب الجدول الموجود
ومرينا عليها مرور
واخذنا من مخبز فيها بعض الفطائر
الوقت يمر سريعا مع وجود الاطفال
بعدها توجهنا الى قريه
Triberg
ووقفنا بالمواقف وبحثنا عن الشلال
في طريقين اما بالمشي لاكثر من 30 دقيقه
او تركب القطار وتمشي بعدها 15 دقيقه
اخترنا القطار ومنها ناخذ جوله على القريه ونريح العيال شوي
طبعا القطار بسعر رمزي من 5 يورو الكبار تقريبا
والامطار علينا
طبعا يمر على نقاط محدده يتوقف فيها
وبعدها نزلنا في المكان اللي بنمشي بعده للشلالات السبع
الجوء المطر موقف والولد فارس بعربيه كفراتها كبيره تمشي وتخبرون يبي لها طاقه
فيها طلوع جبل
وانا على فارس بالعربيه والشنطه الظهر والمطر ينزل علينا بغزاره
متعه متعه تحس انك بمغامره ومسؤليه
انبسطت كثير
هالبحيره يوقف فيها القطار ومنها تمشي وبنفس لمطان يرجع لها كل 45 دقيقه
وعندها العاب للاطفال
ورجعنا للسياره ووجهتنا بحيره تتسي
مناظر بالطريق
سبحان الله
ووصلنا للبحيره جميله جدا وسنتر القريه
رائع ووممتع
واكلنا بالمطاعم اللي مقابل البحيره
وانتهي اليوم الثاني ورجعنا لشقتنا
اليوم الثالث كانت وجهتنا بالجدول الى ستراسبورغ
ولكن الغيتها على رغبه العيال يبون الزحليقه
وووجهتنا الى Todtnau
صور من الطريق
الزحليقه مررره حلوة واعجبتنا حيل وغامرنا بالتلفريك كراسيهم مكشوفه
عاد حلها اطفال وكراسي مكشوفه
انا وفارس
والغاليه مع رسيل
ماخفت ابد
ورجعنا بعدها الى بادن للتجول فيها
حديقة Paradies
بعد ماتمشينا قلنا نمر السوبرماركت والمحطه
ناخذ اغراض لاننا راح ننتقل الى سويسرا
بحثت بالقارمن كل مامريت سوق مسكر
احترت وقلت خلينا على المحطه ووقفت عندها
بعبي
نزلت بفتح غطاء التانكي مافتحت حاولت
مافتح وش السواه البنزين ربع بالتانكي لازم اعبي
ياربي وش هالمصيبه
لقيت واحد وحاول معي واللي رفض قال دق على الشركه
وابحث عن فرع سكست بالقارمن وحصلته على اني امرهم بكرا الصباح واحنا
طالعين رجعنا للشقه
ماجاني نوم
وارجع للسياره بتالي الليل
واحرك غطاء التانكي ويفتح
عجيب عند المحطه مايفتح وبالشقه يفتح
الجلنط مو يدوي زر تضغطه ويمسك وتضغطه مره ثاني يفك معك
عرفت العله اللحين بس في مفاجاه وانا راجع من سلوفينيا ماطلع الجلنط هو السبب
وبكذا خلصت هالجزء لنا لقاء قريب باذن الله

Azzam · 16-01-2015, 04:03 PM

حي الله ابو فارس

كم استمتعت بتقريك الجميل

بين سحر حروفكِ التي

ليس لها مثيل

وامسك قلمي واكتب لك

انت مبدع

قايد · 16-01-2015, 04:23 PM

رائع يابو فارس ,,,,,, كسابق عهدك وتقاريرك اللتي تزين البوابات بجمالها

رعاك الله

MOBARKI · 17-01-2015, 08:33 AM

اسلوب رائع ابوفارس وصور في غاية الروعه والجمال

|القحطاني| · 18-01-2015, 04:00 AM

ما شاء الله لا قوة الا بالله الصور خورافية

والمناظر جميلة والتقرير راااائع

الله يعطيك العافية

Bu Rashed Al Shamsi · 18-01-2015, 12:17 PM

ما شاء الله

شارلوك هولمز · 20-01-2015, 04:20 PM

روووووووووووعه قليلة في ابداعك

هولمز

الايمان · 21-01-2015, 10:59 AM

ماشاءالله الصور عجيبة
والمناظر خلابه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(معشوقتي أوربا) 2014 Θςт الجزء الهولندي والبلجيكي	AbOFareS2011	بوابة الدول الاخرى	68	16-06-2019 06:04 PM
(معشوقتي أوربا) 2014 Θςт الجزء النمساوي وسلوفينيا	AbOFareS2011	بوابة النمسا	22	16-01-2017 10:18 AM
امساعدة في الجزء الالماني	ندى	بوابة المانيا	3	08-06-2015 01:53 AM
مساعده في ترتيب الجدول اليومي الجزء الالماني	moneira70	بوابة المانيا	3	27-04-2015 11:16 PM
(معشوقتي أوربا) 2014 Θςт الجزء السويسري	AbOFareS2011	بوابة سويسرا	22	04-04-2015 12:41 AM