اليوم الرابع عشر:


26 ديسمبر 2015









اليوم ماكو سوووق

قعدنا الصبح مبجر

ونزلنا الى الفطوور





البوفيه كبير ومتنوع و كل شي فيه من كل دول العالم موجود صنف




وركن العصاير احلى شي



فريش مو مثل الكثير من الفنادق










ريوقنا



حبيته لذيذ وخفيف




نسيت اقولكم

امس لمن طلعنا من المول برجايا تايم سكوير

رفض الكثير من السواق انه يردونا الفندق لانه الشارع اللي فيه الفندق زحمه بسبب الكريسماس

لين وقف لنا ولد حلا وودانا الفندق


السايق كان مايتكلم .. اطرم (ابكم) ..

و يتكلم معانا بالاشاره

بس كان يفهم يعني يسمعنا شنو نقول ويرد بالاشاره


المهم بو بدر كان يسولف معاه معاه واهو يرد بالاشاره

اشر حق بو بدر انه عنده 6 بنات واهو اللي يصرف عليهم



المهم بو بدر كسر خاطره

فقاله تعال لنا باجر الصبح علشان تودينا جنتنق

يبي ينفعه



وبالليل اتصلت علينا بنته تقول انه ابوها بياخذنا من الفندق الساعه 10



وفعلا كان ناطرنا باللوبي






والى جنتنق