هذي فنادقي وجدولي رايكم يهمني - الصفحة 2

توبليرون · 17-01-2016, 09:54 PM

يعطيهم العافية
مديرنا بوخالد ومشرفتنا ام ريم
ومنهم ومن استفساراتكم نستفيد كلنا

وجهات أوروبية · 21-01-2016, 12:23 PM

اقتباس : المشاركة الأصلية كتبت بواسطة jedo

السلام عليكم

وعليكم السلام ورحمه الله وبركاته

رايكم في هالتقسيم والفنادق

فندق بروكسل يومين

Hotel Pullman Brussels Centre Midi, Belgium - Booking.com

فندق بروكسل هذا نظيف وممتاز
لكن كموقع انا غير مؤيد له
لان ملاصق لمحطه القطارات الرئيسيه ( ميدي )
الميزه ان لو بتروحون اي مكان بالقطار تسحبون شناطكم وتدخلون المحطه
واكيد راح يكون ازعاج المسافرين المغادرين والقادمين

انا انصحك السكن يا بالمنطقه القريبه ساحه الغراند
او المنطقه القريبه من مجمع ستي2

لان هالمنطقتين احلى منطقتين في بروكسل
والمنطقتين نوعا ما قريبين من بعض تقدرون تروحون لهم مشي

والمترو في بروكسل ممتاز جدا للتنقل لان يوصلك لأغلب الاماكن المهمه

انصحك بهذا الفندق

http://www.booking.com/hotel/be/brussels-marriott.ar.html?aid=332731;label=share_cell;sid=5 60e6987775721b15833c69340401e32;dcid=4;no_rooms=1; req_adults=2;req_children=0&;checkin=2016-03-18;checkout=2016-03-20;atlas_src=hp_iw_title

بالنسبه للمده يومين بروكسل ممتازه

امستردام ثلاثة ايام

Rho Hotel, Amsterdam, Netherlands - Booking.com

فندق رو في امستردام موقعه فوق الروعه مقابل لساحه الدام سكوير
ولو ان اثاثه باين عليه قديم لكن اجمالا ممتاز للشباب

التنقل في امستردام الافضل الباص او الترام
لان شبكه المترو عندهم اشوفها ضعيفه نوعا ما مايوصل كل مكان ومحطاتهم قليله

3 ايام مناسبه لأمستردام

باريس ثلاثة ايام

Hotel Royal Magda Etoile, Paris, France - Booking.com

المده اشوفها قليله لكن بما انكم شباب تمام
الفندق ممتاز بالنسبه لموقعه وسعره ونظافته

تنقلاتنا كلها بالقطار والمترو رايكم افضل من السيارة

اخوي بخصوص التنقل وانتو شباب عساكم على القوه
اذا بتروح ارياف ومناطق وتمشي الافضل سياره بالنسبه لبلجيكا وهولندا اما باريس ماتحتاج سياره
حتى بلجيكا ماراح تحتاج للسياره كثير

وابي اروح لجيثرون في هولندا بالقطار هل يوصل
وهل المدينه ما تحتاج سيارة

بالنسبه لجيثرون
لا القطار مايوصل هناك
لكن تنزل اقرب مدينه لها وهي MEPPELl

من مدينه ميبلي الى جيثرون تقريبا 13 كيلو

والمسافه بالقطار من امستردام الى مدينه ميبلي 1:31
تبديل قطار واحد مافي دايركت

هو افضل سياره طبعا افضل لان المنطقه حلوه وفيها بحيرات واماكن حلوه قريبه منها
لكن الباص يوفي الغرض
والباص رقم 70 يوصلك لين البحيره الكبيره

يعني مثل بروج بلجيكا بروح لها بالقطار وبانزل اتمشى فيها على رجلي وارجع

اي حلوو ممتاز جدا

رايكم اعتمد هالامور ويا ليت اذا حابين اعدل شي قولولي

بعطيك ملاحظاتي :

1- اشوف المده قليله وخاصه ان في هولندا 3 ايام وبتروح بروج وبتروح جيثرون

2- باريس المده قليله اشوي المناسبه لها مابين 4 الى 5 ايام

3- اشوف من وضعط لترتيب الفنادق اولا بروكسل وبعدها امستردام واخيرا باريس
هل بكون ترتيبك للمناطق بنفس هذا الترتيب !!

الافضل تبتدي في امسترادم وتنتهي في باريس او العكس
لان بروكسل بالنص بينهم

طبعا رحلة شباب

عساكم على القوه يا شباب وبالتوفيق لكم ان شاء الله

ردي باللون الاحمر فوق

تحياتي

فيصلمعجبون بهذا.

وجهات أوروبية · 21-01-2016, 12:37 PM

اقتباس : المشاركة الأصلية كتبت بواسطة jedo

طيب ولا عليكم امر

ابي رابط موقع موثوق للقطارات من شان احجزها بين المدن الكبار من الان

وبالنسبة لباريس المترو فيها سمعت فيه بطاقة تشمل جميع تنقلات المترو مجانا
وين احصلها وهل فعلا تغطي جميع مترو باريس

لان لغتنا ضعيفه وما نبي كل شوي في محطة نسولف بنجيب العيد ههه

نفس ماقالك اخوي مديرنا بوخالد
لو تكون العوده من امستردام افضل

والموقع الي نزله لك للقطار الاوروبي ممتاز

وعندك القطار الفرنسي SNCF

https://uk.voyages-sncf.com/en/#/

والقطار الهولندي السريع حق المدن الكبيره

https://www.thalys.com/nl/en/

بالنسبه لمترو باريس
نعم يوفي لكل المناطق المهمه في باريس
وماتحتاجون اي وسيله اخرى سواء سياره او باص او تاكسي

تقدرون تاخذون تذاكر مترو باريس اون لاين من خلال الموقع التالي

لمده اقامتكم وهي 3 ايام بسعر 27.30 € للشخص الواحد
وهالتذكره لزون 1<3 وهي للمنطقه وسط باريس فقط
وغير شامله لمطار شارل ديغول ودزني لاند وقصر فرساي
اما اذا تبغون تشملون ها الاماكن تاخذون التذكره لمده 3 ايام زون 1<5 بسعر 55.10 €

وتستلمونها بالفندق وقت وصولكم

هذا رابط شراء التذاكر اون لاين

Paris Visite Pass - Transport ticket - Paris Tourist Office - Paris Tourist Office

اما اذا بغيتو تشترون التذاكر هناك من محطه المترو
طبعا الطريقه سهله
وهنا طريقه شراء التذاكر من مكينه محطه المترو بالفيديو انا مسويه وان شاء الله يكون واضح

فيصل و jedo معجبون بهذا.

jedo · 23-01-2016, 03:33 PM

الله يعطيكم العافيه جميع ما قصرتوا صراحه

jedo · 23-01-2016, 11:11 PM

طيب وش رايكم بنغير في الخطة

نخليها
2 يومين بروكسل
2 يومين امستردام بنلغي جيثرون لان بنروح بروج

4 ايام باريس
اخذ بطاقة باريس فزت 5 ايام ولا ناخذ 3 ايام
ويوم بلحاله ناخذ له تذكره

وجهات أوروبية و فيصل معجبون بهذا.

وجهات أوروبية · 24-01-2016, 12:41 AM

العفوو اخوي انت تامر الله يسلمك

التوزيع كذا تمام التمام

بس دايما اشوفك تقدم بروكسل عليهم
يعني اسأل للمره الثانيه شلون مخطط سيرك ها بنفس الترتيب الي فوق !!

يعني بروكسل وبعدها امستردام واخيرا باريس
لان هالترتيب غلط نفس ماذكرت لك قبل

بالنسبه لباريس حلوه لها 4 ايام

وبطقاه المترو صحيح ماعندهم 4 ايام
وعندك خيارين يا تاخذ 3 او 5 ايام

انت تحددها حسب اذا بتروح دزني لاند او لا
وهل بتروح قصر فرساي او لا

عشان اعرف احدد لك عدد الايام الي تاخذها

فيصل و jedo معجبون بهذا.

jedo · 24-01-2016, 11:28 AM

الله يعافيك اخوي

بالنسبة لسؤالك انا وصولي باريس الساعه 7 صباحا وما بجلس فيها على طول من قطار المطار الى بروكسل يومين
بعدين بالقطار امستردام 2 يومين
واخير باريس 4 ايام والعوده منها

وسبب اختياري بروكسل لانها اقرب وجاي من رحلة طويلة
وبيكون وقت الوصول لها ان شاء الله الساعه 12 يعني وقت التشك ان في الفندق

رايك في الخطة

jedo · 24-01-2016, 11:30 AM

دزني لاند ما بنروح لها

قصر فرساي مدري هل يستاهل الزيارة او لا

Prince Kytuمعجبون بهذا.

fanda · 26-01-2016, 08:08 AM

ترتيبك جيد للايام ودام أنكم شباب فعادي التنقل مباشرة من باريس الى بروكسل في نفس اليوم

فرساي وحدائقه ممتعه جدا وتستحق الزياره
بس اذا ما كان لك اهتمام بالقصور والأمور هذي ممكن تلغيه

فيصل و jedo معجبون بهذا.

jedo · 26-01-2016, 11:08 PM

طيب البطاقة وش رايك اخذ حقت 5 ايام افضل

او ثلاث ايام ويوم بلحاله اقدر اسوي كذا

fandaمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايكم يهمني (تركيا-مصر-سرلانكا)	عريسها	تركيا	32	01-01-2016 01:55 AM
برنامجي لبرشلونه ..... يهمني رايكم	خوخه	بوابة اسبانيا	2	20-12-2015 03:59 AM
رايكم يهمني .. وين تنصحوني ؟	جوري	رحلات الجزر والكروز	2	28-03-2015 06:17 AM
(( يتبع موضوع رايكم يهمني )) رايكم النهائي في فندق كوالا !!	out law	ماليزيا	16	19-02-2015 08:45 AM
رايكم يهمني (( الجدول + الاسعار )) لشهر العسل !!	out law	ماليزيا	10	16-01-2015 03:35 AM