يسعد صباحك احلى ليمونة ...

يوميات رائعة وعفوية من بلاد السلطان ..واحلى مافيها اميرك الي محلي التقرير .. الله يخليه الك ..

فيديوهات حلوة وبالثلج والمطر والشتا الو طعم للرومانسيين...

حكم واشعار واقوال حلوة قربتنا الك .. واصلي يومياتك...


ربي يحفظكم وتردون سالمين لدياركم ..

مستمتعين بالفديوات الجميلة والصور الرائعة
بانتظار المزيد

الصور بعد موطالعه حقي

يطلعلي رابط ولازم افتحه علشان اشوف الصوره


يمكن من عندي المشكله

مصنع الكاكاو شلع قلبي [emoji174][emoji174][emoji174]
مايخلوني اشتغل معاهم تطوع

عليكم بالعافيه الاطباق اللذيذه
الاكل والمصنع يشيشوني أني ازور تركيا


العرب المسافرون

اليوم تاريخ عشرين من يناير توجهنا الى سفنجه الثلجيه الرائعه واللعب بالثلج والصعود الى التلفويك ومشاهده المدينه الثلجيه باكملها مع الاشجار المثلجه

واتعبني هواها البارد

رحله منتعه كانت ولازالت وجميله

دخول التلفريك للشخص ثلاثين ليره اجمالي تسعين ليره لثلاث اشخاص

وبعدها التوجه للمطعم للغداء والعشاء بان واحد

وكان الحساب لطلب كفته لحم وشيش طاوق دجاج وشوربة عدس لشخصين ورز واحد وثلاث سبرايت غير شكل مع غداء السائق == مئه وخمسه وعشرون ليره اجواء المطعم خيال وروعه بصراحه وبعد الانتهاء من الغداء نزلنا للحديقه الخاصه للمطعم واللعب بالثلج مع الاتراك وانتهزوها فرصه بنتين ولد وتم الحذف بالثلج علينا واللعب وياهم وطلعت روحهم بالحذف ع الجنس الذكوري المشاغب والمشاكس


ومن ثم التوجه الى الفندق المتفق عليه من قبلي والحجز بالتلفون كان
فور ستار واسمه


Ons hotel عجيب بصراحه ونظيف وراقي والغرف فيه كبيره وروعه والحمام عزكم الله كامل ماينقصه شي حاشتني عقده يالربع من اسيا واوربا ههههه مليت


الغرفه فيها سرير مزدوج لشخصين الكنج وسرير مفرد لانه عندهم علم احنا ثلاث اشخاص كتاكيت اهم شي كتاكيت والي عنده اعتراض يرفع ايده


المهم اول ماوصلنا كان في استقبالنا ملاك الفندق الزوج والزوجه بذمتي انا حطيت انها زوجته بس العلم عند الله ان كانت الحبيبه الصديقه العشيقه حسبي عليهم اذا ظني فيهم مو بمحله


عبيت استماره الدخول ذكروني باستماره تسجيل الجامعه المهم وتصوير وافديتهم الجوازات الزرقيه الكويتيه وبعدها قالت ابي فلوس الغرفه وعطيتها خزه من عيوني يعني يمال البطيخ الي يفقع عيونج تكلمي وقولي خلصت شخبطه بالاوراق عشان اعطيج الحساب دفعتلها حق ليله وحده ليره


بعدها صعدنا وحطينا اغراضنا وجناطنا ومن ثم عرفتني ع جزء جزء بالفندق من الدور الارضي الى الرابع دور الكافيه لشرب القهوه والشاي والبيره له مكان خاص مثل صالة بوفيه الافطار بس هذا خاص للمشروبات وشاشة تلفاز كبر راس راعي الفندق تقول كرة سله الحمدلله والشكر المهم بعدها ع الدور الاول اعتقد نسيت من تذكرت صماخ هذاك الي مايتسماش بلاع البيزه راعي الفندق بس يحليله مبتسم ويرحب يا خظ مراتوووو فيه اشوه مافي عرج خليجي جان البوز واصل بورصه


صالة الافطار الريوق كبيره ومرتبه لكن فخامة تقل بقليل عن فخامة صالة الكافيه كطاولات ومواعين اواني ومفارش وكل شي حتى الاضاءه يخرب بيتهم يبوس يسون جو حق النومانسييين الاجانب طبعا مو العرب


وبعدها ع مكان يشلع شلع قلبي ويحبه السبا والبخار والسونا وعديل الروح المساج وصالة الالعاب الرياضيه والمسبح وحمامات الشور كلها بالدور الارضي السرداب وياحلو البخار والسبا والحمام التركي واستفسرت ع كم صدمني وقال فري قلت اول مره ادخل فندق ببلاش السونا والحمام التركي والبخار وكل شي


واخذنا نتمازح اشوي بما انه شاب صغيرون عمر سنه وقتله منو الي يسوي حقنا مساج ومنو الي يشغل اغاني الصاله حق الرياضه ومن هالكلام وعرفت توقيت فتح واغلاق الصاله والحمامات التركيه والبخاريه


وبعدها ركبنا السياره والى البحر والي يكون مقابله المقاهي والمطاعم واحد شيشه ياخجه والثاني يقول شاي ياعم والثالث يقول كباب كفته بالتركي


والرابع تقول حياكم عندنا يعني تتكلم خليجي التركيه بس مولايق
والخامس ماخذني مره مصري ومره سوري ومره مكسر تقول هندي توه يتعلم عربي واهو يقولي حياش وهلابس مره عجمي ومره عازمي ومره مادري شنو هههه قلت اكيد اغلب زباينك عجمان وعوازم ماخذني بوش وحاطني بسسسسسس


ماعليه تمشينا البحر وذكرني في الباتونغ يابعد حي الي في بالي كلهم والله وتذكرت شارع بنغلا يافديته وفديت التماسيح الي فيه اللوعه وتذكرت بينانغ وجنتنق وحي الاهرامات والاسكندريه وشارع الخليج والبدع والحب والخفجي والخبر وجده ولياليها ودمشق وحلب وشارع المعارض ومروج وامواج وبرج خليفه ومسقط والدوحه وجمالها يالهوي تذكرت كل شي من شفت بحرهم ونساني حليب امي ههههههه


وعاد اقولكم بعدها البرد جتلني جتل ومنتوشي يلعب وياخذ بهالحجر ويحذف البحر ويعاتبه ويقول ليش عورت قلب ليمونتي ههههه


سولفت وايد اعطيكم الزبده دخلنا احد الكافيهات عاد انا مزاج اخذت جوله عليهم كلهم اشوف الجلسه واقول لا موحلوه اروح للثاني لا مافي دفايات مدفأه يعني واروح للثالث حريم تشتغل لا مابي ابي الرجل المتعنتر اهو الي يسويلي شاي كيفي عاجبني الشاي التركي هههههه


واخر شي رحت وصفيت ع اول كافيه موجود بصفة الكافيهات ولعبت لعبتهم ولعبتنا الحلوه ما اقول اسمها بتشوفون صورتها خير الكلام ماقل ودل


وطلبنا شاي ومادري شنو حسابنا ثلاته وتلاتين جنيه اقصد ليره قعدنا حول الساعتين وبعدها ع السوبر ماركت القريب منهم ومن الفندق واشتريت اناناس حبيبي وكاكاو ومادري شنو والله ولاحظت انه ارخص من اسطنبول ومن محل النصاب الي شريت منه قريب الكافيهات علية الشاي الرمان والتفاح والاناناس العلبه ع عشر ليرات والعلبه الشاي الفله البودر ع خمسه عشر الصغيره والوسط عشرون اخذت منه مجموعه لي وللهدايا واخذت كاكاو ع شعربنات العلبه ع خمس عشر ليره والاجمالي مئه وخمسه وسبعون ليره المهم وردينا الفندق والنفسيه صفر مادري ليش وتعبانه صلينا ورتبنا وجهزنا ملابس الصبح اقصد اليوم الثاني وهذا افضل حل وحركه انا

اسويها دائما بالسفر او لروحلتي للمخيم او الشاليه او المزرعه اجهز ملابس المكان والروحه من الليل اختصر الوقت فالوقت بهالاوضاع والاحيان والاوقات يكون حد السيف ثمين انت تقطعه مو اهو الي يقطعك شرايكم اقط حكم ليمونه حزينه الجباره ههههه
ونمت بعدها نومه حنونه متعبه زعوله


وفزيت ع الساعه خمس مادري اربع ونص سوالف مع وحده من ربيعاتي تحش وتذم في شلة الصديقات وحركاتهم وسواليفهم الي تغث وماتعجبنا المهم وبعدها اشتد النقاش مانفع مسجات ياحوب ياحوب اتصلي عشان نتفاعل مع النقاش ونسولف اكثر وماناخذ ذنوب اكثر هههههه وبعدها تذكرت منتدى العرب المسافرون الحبيب قلت اسطر يومي قبل لايروح وينسي
وسلامتكم صباح الخير لي وصح النوم لي ولكم



رحله الى سبنجا والمكوث بها ليله وحجز مسبق للفندق وهي تبعد عن اسطنبول حول مئه و خمسه وثلاثون كم حول الساعتين او ساعه ونصف مسافة الطريق وتعتبر مكان للعرسان والعشاق والحبيبه واغلب السواح لاخر هالسنوات من العرب وكثير من الخليجين يملكون عقار فيها لروعتها ورقيها وجمالها صيفا وشتاءا انا سبق وزرتها بالصيف خيال و زاد خيالها هالشتاء بعيني عمق البحيره الخلابه اثنان وخمسون تحت الارض ياروعتها معشوقيتي اللذيذه وتحتظن فنادق ومنتجعات تطل ع تلك البحيره وهناك فندق كبير فايف ستار اول مره يمر علي شرط من شروط حجزه ان يكون السائح عمره اكبر من خمسة عشر سنه اذا كان تحت هالعمر لاوجود ولا استقبال له في الفندق وان كان مع والديه



وقمنا بزياره تل كارتبه المليئه بالغابات الخضراء الجميله والشلالات
وهناك من العمال التي تعمل في المطاعم تتكلم العربيه مع العرب وتركي مع الاتراك وهم من انطاليا لذلك كثير منهم يتحدث العربي انا سألتهم لاني استغربت


وهذا اسم

بحيرة سبانجا sapanca Golu


‏حفظني .. آبوي معلومه ..آساسيه
‏أكارم .. القـوم تعفو عن .. دناياها
‏
‏وعلمني آنسى الردى و آزين النيه
‏
-------------------------


وهذا واقع نعيشه ولابد نتعايش به وفيه ولابد بعد ان نتعايش مع تربيتنا واخلاقنا وشنو اهلنا علمونا فقط حبيت اكتب هالحروف ربما لقراءتي لمسج بالوتس اب لحظة كتابتي للتقرير


اسم المطعم ( selale reastrant masukye


الي تغدينا فيه بعد رحلة التلفريك والبرد والصعيق





















https://youtu.be/qkrR0LuwNlY

يسعد صباحكم وصباح المتابعين جميعا واشكر متابعتكم لي والتشجيع منكم سواء بالمنتدى تغطيتي بحسابي الخاص بسناب والانستقرام كل الموده والشكر لأمثالكم وتحفيزنا ع العطاء وعدم البخل بتسجيل ونقل كل التفاصيل والمعلومات لكم
دمتم بخير وحب وموده اخويه اكم