24-01-2016, 10:36 AM
|
#87 |
عضو قدير
تاريخ التسجيل : Mar 2015 رقم العضوية : 2615 الدولة : الكويت الجنس : انثى المشاركات : 2,760
|  ليمونة بين احضان تركيا وروعتها
صباح النور والخير
احب اكتب بعض تفاصيل يوم امس تاريخ الثالث والعشرون من يتاير قبل لا انساها وياخذني الوقت وتتلاشى التفاصيل
كان يوم راحه بالنسبه لي ربما جهد وتعب وتكاسلت اطلع لمكان مبكرا بعد ما استيقظت صباحا والنزول للمطعم الخاص للفندق للافطار وكان افطار متنوع من اصناف مختلفه ومتنوعه لجبنتهم التركيه والزيتونات والى اخره واخذت بالجلوس في المطعم حول الساعتين لا لشيء فقط عجبتني اطلالة الطاوله ع الشارع فأخذت ادون بعض الكلام في برامجي السناب وتويتر والمنتدى والانستا وتصوير البوفيه لكم واخذ لقطات متنوعه
الفندق تقيمي له سته من عشره اي جيدجدا الاثاث عادي لكن نظيف ولابأس منه اي مايمنع انه تسكنون فيه انا ماشفت منهم اي شي غلط او سلبي لكن كقيمة في اعتقد افضل منه لكن هو يتميز بالموقع الاستراتيجي الغرف واسعه وكبيره ومطله ع الشارع وكذلك عزكم الله الحمام التواليت شامل وكامل ومثل ما انتو عارفين الرشاش للماء او الهوز بالعاميه نقولها للمرحاض تكرمون مافيش خلاص زمنه راح وولى الماي منه وفيه يعني الله يكون بعون الاطفال هذي النقطه الي ماحبيتها بكل تركيا وكل مكان صارت حماماتهم بهالنوعيه وطبعا اوصلت هالمراحيض عزكم الله الى بلاد الخليج وشايفتهم انا يعني اتكيت وذرابه
موظفين الاستقبال خدومين بشوشين يساعدون حبيبين ومذلك الي يشتغلون في المطعم
وعندهم موظفه سوريه لترتيب الرحلات حبيبه وخدومه
الفندق بجانبه بقاله ومقابله بقاله وع بعد خطوات الدوار المركز الميدان ومجمع kent meydan وانا بغرفتي اشوف هالشي كله
انا بالبداية كنت حاجزه ليله لكن جددت ليلتين وشكلي بجد. بعد لانه قريب وبرد الجو ومتعايزه وصايره كسلانه اني احمل وانقل وارتب الحقائب لتغير الفندق وانا من الاساس مخليته للنوم فقط والتبديل
عموما الغرفه حسابها حق الليله الواحده مشموله الافطار مئتان ليره وطبعا دخلت موقع بوكينغ واقودا وشفت السعر مشابه لسعر الفندق مباشر وهو اقودا اما بوكينغ اغلى كان
عموما اليوم موجة ثلج فاجأتني وبرد ذبحني وكأنه عكر مزاجي مادري للحين مافي اي شي في بالي غير انه كان الاصل والبرنامج اني اروح الى القريه العثمانيه نفطر هناك وبعدها الى الكهف بس اشوف الشوارع بيضاء فكيف ستكون القريه
امس خرجت من الفندق حول الساعه الرابعه عصرا بعد ما اكلنا الذ كيكه استطعمها واحس بلذة الشوكولاته فيها وفنجان قهوه يرد الراس ويدفي الضلوع
بعدها الى مجمع kent والتمشي فيه ع مايوصل السائق الخاص بي ومن ثم التوجه الى الساحل البحري المشهور واخذ بعض اللقطات التصريريه لانه مستحيل الجو يسمح انكم تقعدون فيه وبعدها اخذنا الى الحارات والتمشي بالسياره طلب مني كنت حابه اشوف حياتهم
ومن ثم الى الشجره العملاقه الي تحولت الى شجره ثلجيه والكراسي والمقاهي الى ثلج تمشينا وصورنا ولعبنا واخذنا قسط من الدفيء مع استكانات تركيه جويهيه اي شاي ومن ثم دفع الحساب وشفت فراوله كل حبه عن حبتين من عندنا اشتريت علبتين عن كرتون كامل عندنا ع عشرون ليره العلبه ب عشره ليره بعدها قتله اخذنا الى حديقة كوتوبارك وللاسف وصلنا ودخلنا بالسياره والتجول فيها لانها مغلقه بسبب البرد والثلج ومن ثم الى مجمع زفير وكانت الساعه السابعه يعني في وقت عندنا تجولنا وتسوقنا واجتاح الجوع الورعان الي عندي شحيته ومنتوش ما كملت التسوق بالمجمع والسبب الجوع اخذت تاكسي اخر بعد ماحاسبت السائق الخاص واعطيته مئة ليره وقلت للتاكسي الى كفتة يوسف ياعم ورحنا له بعد مشوار ربع ساعه وطلبنا ثلاث مواعين كفته واحد ستيك دجاج وسلطه وحمص ولبن ومنتوش لازم كوكولا ذبحني واستلذينا بمذاق الكفته الي احبها ومايعجبني بالمطعم كله غير السجق والكفته بصراحه
المهم اكلنا الحمدلله وسولفنا مع بعض الي يشتغلون حبيبين وودودين وجميلين ومرتبين ماشاءلله احسن من بناتهم والله والله الشعب التركي الرجاله فيهم احسن من نسوانهم بكل شي والي يقول غير هالكلام بذبحه
وبعدها طلبت سويت كنافه الي فيها شعريه ومكسرات وكريمه وماي ورد يا انها لذيذه مع عشره استكانات شاي واثنين قهوه وسط تركيش مادري فصلت ع الشاي بعد الدسومه الخفيفه الي اكلتها لانه وبصراحه انا ما احب المشويات وايد وبالاخص لحوم تالي الليل مستحيل ونادر اكل شي ثقيل ولحوم بليل وحسابي بالاخير كان خمسه وستين ليره يابلاش
وبعدها الى الفندق سر يا حج العين فيها نوم واخذ عشرون ليره
وسلامتكم
اليوم تاريخ الرابع والعشرون استيقظت كالمعتاد الساعه السابعه صباحا اتجول بهاتفي ببعض البرامج ومن ثم اخذ شور سريع وصلاة الصبع الي فاتتني ومن ثم استيقظ شحيته ومنتوش لتبديل ملابسهم والتوجه الى القريه العثمانيه يمكن ع مانخلص الثلج يذوب من حرارة الشمس الدلوعيه عندهم
سيُؤتينَا اللهُ من فضلِه
صباح النور ومساء الخير
التفاؤل ليس خواطر عابره
بل هو عقيدة راسخه
https://vimeo.com/152863502
https://vimeo.com/152863645 |
| |
841الاعجاب
ههههههه 
العرض العادي
المواضيع المتشابهه 
