مسائكم / صباحكم خير
العرب المسافرون - الكويت

كلتشر كافيه مع سعاده السفيرات [emoji383]
Culture cafe with Ambassadors [emoji383]

احم احم



السفيرات :

الإيمان - محدثتكم كويتيه متنقله ( ابرار ) - نمارق

ام حسين ( غياب )

كالعاده تقريبا كل بين فتره والثانية نتيمع ونطلع احنا الأربع مرات نزيد ومرات ننقص من غير شر ..

هالمره اديده[emoji70] ام حسين عليها غياب لان حفيدتها [emoji1413] عندها فما قدرت تطلع [emoji5]

فكرنا وين نروح واقترحنا چم مكان بس بالاخير رسينا على اقتراح نمارق نروح كلتشر كافيه [emoji486]

توكلنا على الله وطلعنا بعد صلاه المغرب

اسم الكافيه : كلتشر - culture إيطالي
الاكل : جيد - الحلو ممتاز
السعر : نوعا ما مرتفع
الخدمه: ممتازه
المكان : جيدجدا- بمنطقه السالمية - شارع سالم المبارك قريب عالهوليدي ان وتحت مطعم زمان اول - بنفس شارع الجامعه الامريكية.
ديكوراته: ممتاز

حبيتها هالوحه واحترمها وايد [emoji23][emoji7][emoji108][emoji486]



أهو يعتبر كافيه وشو روم كل شي فيه للبيع من طاولات اكل كراسي وإكسسوارات للبيت ..

وصلنا انا ونمارق لان احنا مع بعض ونطرنا إيمان على ما وصلت وطلبنا [emoji412]

واكيد تحچينا عن السفر وسفرة امون وسفرتي والمواقف اللي صادفتها ومنتدانا الحبيب

الحين نشوف صور من الكافيه







القعدات الخارجية











بِسْم الله وندخل الكافيه



عقب ما دخلنا احترنا وين نقعد بصراحه المكان يونس چنكم داشين بيت قعدنا نختار لما رسينا على طاوله..







جزء من غرفه العرض وكل شي للبيع







صور من المنيو ويكون من الايباد [emoji336]















عقب ما طلبنا قمنا نصور مره ثانيه انا وامون بالسناب شغاله [emoji328][emoji390]

لقطه جويه
في قعدات فوق وبلكونه
وهذي صورهم

















ونرد ننزل تحت [emoji3]









وهذي طاولتنا ووصلت طلباتنا [emoji486][emoji1376][emoji1376]





مو هيتو فراوله طلب نمارق - وكاريبيان طلبي [emoji41] وامون طبعا ماي



المقبلات مشروم وكوسا



الطلبات

نمارق ( لازانيا )



الايمان ( فوشيشيني باستا )[emoji492]



ومحدثتكم ( دياي مشوي ) [emoji490]







بعد الاكل عاد وقت الحب [emoji7] وقت السعاده [emoji7][emoji507][emoji513] مافي احلى من هالأشياء [emoji7]

فولكانو براوني [emoji174][emoji7]



يا مامي ايشي زاكي على قولة اهل الاردن ياقلبي قلباه[emoji174][emoji174]



وشوكلت لافا [emoji174][emoji174][emoji174]



انا جدام هالمغريات اتعومس واتخسبق [emoji7][emoji174]



الحمدلله على النعمه واللهم احفظها وأدمها من الزوال [emoji1374]

المفروض البنات يشربون قهوه بس ما كانوا متشجعين

هذي فاتورتنا[emoji412]



مم انا رايي في الكافيه القعده ولا احلى وديكوراته وايد حلوه انا حبيتها - الاكل مستواه جيد يعني اذا برجع له عشان احلي في وقهوه وقعدته بس.

امون ونمارق حطوا تقييمكم للكافيه[emoji404]

ونلقاكم في يمعات يايه ان شاءالله مع احلى سفيرات [emoji7]


العرب المسافرون

مساء النور

بحط تقييمي قبلهم

اعجبتني الفكرة أنه ممكن تشترين أي شي معروض
فكرة رائعة و رائدة
جميلة الكراسي من كل نوع و لون

فيه احساس البيت لأنه على طبيعته
بعض الاحيان زيادة الترتيب تخرب الشغلة

بس أول لوحة "ومين الويز رايت"
فكرتها حلوة و ان كانت تخالف الواقع

جمعة حلوة ناقصها أم حسين
الله يسعدكم و يجمعكم على المحبة دايم

ماشاءالله ايه والله اللي ماله اول ماله تالي

بس اكلهم جديد ما قديم هههههه

عوافي يارب

عجبني الديكور

ماشاءالله عليكم بالعافيه الله يجمعكم ع الخير دايما
والله المطعم شكله هادي وو ديكوراته حلوه تونس جنه بيت
حتى قعدته البرا حلوه بهالجو بس ان شاء الله يعطون شالات عن البرد جنه مافيه دفايات

ابن السلطنه المثل تبع الكافيه ثاني زمان اول اهو فوق الكافيه هاذا

ديكوره يكفي مع القهوه يا سلام

بس مو كأن المكان مزحوم شويه من الاثاث
شكرا لك

عز الله ان فاتتني هالطلعه
عليكم بالعافية يارب
طبعا اذواقكم لا يعلى عليها
والمطعم وايد حلووو من تصويركم يبيله روحة
هالمرة ماكو بيديان غايب عن السفرة مثلي
ان شاءالله المرة الياية مكان احلى واحلى
تسلمون على الصور الحلوة
والحريم دايما صح