برغر & لوبستر

توبليرون · 20-01-2016, 12:56 AM

العرب المسافرون
الكويت -الأفنيوز

اليوم جربت مطعم مادري متى فاتح
بس مو من زمان وايد
اول مره اجربه

برغر & لوبستر

ورحت بس انا وبنتي فرفر

شوفو الصور معاي

عدلتها لكم ...لا تطق رقبتكم مثلي [emoji30]

قائمة الطعام للوجبات معروضه

وهذه المنيو على الطاوله ....

ونقربها لكم ....

وهني من الخلف ...

انزين احنا شنو اخترنا ؟؟؟؟

اخترنا الكومبو وطلبنا البورغر ولل دون ...واللابستر على البخار

وننتظر طلباتنا

نصور احنا بالدور الثاني اللي يطل على جراند أفنيو ...ومطعم جيزكيك فاكتوري

يابو لنا الصداري ....يحليلهم يحسبونا بنلعوس هدومنا ...

وهذه الشوكة والسجين ...

وادوات التقطيع ...

اوضح مع غرشتين كتشب ...
وفوط مبللة مغلفة ...

وصل حبيب القلب ...

المصمم للعلبه فيصل الفوزان ...الحياة حلوة ...ام كلثوم

محد عندهم الا احنا وواحد ورانا بس ...لأنا رايحين مبجر ...تقريبا الساعه السابعة مساء احنا عندهم

اضائتهم ...

إضاءة الممر للمطاعم اللي فوق ...

ووصل طلبنا موزعينه بين صحنين ..

شايفين اللوبستر مقسمينها قسمين واحد بطبقي والثاني بطبق فرفر

وسلطة ...ونص برغر ...وشيبس ...وصوص للوبستر...

سهمي من البرغر والشيبس ...

وهذا لحم اللوبيستر البارد مع المايونيز اليابانيه الخفيفة ...ما جربتها ...ما كو مكان ..

السلطة لذيذه ...

وهذا ترى مقصص يعني ماله داعي ادوات التقطيع والجلابتين هههه

البرغر نرجع عليه ...

ولنا حلوو طبعا يكفي شخصين ...

واللوبستر غايصه في الكاكاو مو احنا هههههه

لذيذ بس ما كملناه مالهوش مطرح ابدااا

الجراند تحتنا طبعا ...

الحساب طبعا مو علي على فرفر انا م م ...محمول مكفول

طلع الحساب مثل ماهو مكتوب بالقائمة
الكومبو طبعا

والبيبسي نسيت اشوف بكم طلع ...
المشروبات عندهم منيو بس مشروبات

ما صورته نسيت سامحونا

ان شاءالله عجبكم هالتقرير الصغيرون عن هالمطعم اللذيذ

Umhusoon
ارسلت بواسطة Tapatalk

هاوية الاسفار, الايمان, قصة حب و 10 آخرون معجبون بهذا.

نانا ابو عابد · 20-01-2016, 01:47 AM

بالعافية عليكم ام حسين ..

المول رائع ومطل المطعم حلو والناس رايحة جاية .. وناسة...

المطعم مرتب واكلاته لذيذة.. صحة وهنا انتي وفرفر .. عساها دوم ونشوف دايما تقاريركم الحلوة..

تسلم الايادي ....

أبن السلطنة, توبليرون و الايمان معجبون بهذا.

توبليرون · 20-01-2016, 02:02 PM

اقتباس : المشاركة الأصلية كتبت بواسطة نانا ابو عابد

بالعافية عليكم ام حسين ..

المول رائع ومطل المطعم حلو والناس رايحة جاية .. وناسة...

المطعم مرتب واكلاته لذيذة.. صحة وهنا انتي وفرفر .. عساها دوم ونشوف دايما تقاريركم الحلوة..

تسلم الايادي ....

الله يعافيج حبيبتي نانا
المول حلووو بكل مراحله هالكافيهات والمطاعم
تسلمين من ذوقج وان شاءالله ما نمللكم من هالتقارير الصغيرة
شكراا لمرورج العطر

OLGA · 20-01-2016, 01:56 AM

ماشاءالله بالعافيه عليكم
مبين الاكل حلو كنت بجرب المطعم بس مادري ليش ما دشيته
كاكاو اللوبستر شكله يشوق ان شاء الله انجربه
شكرا ام حسين

نانا ابو عابد, الايمان, محب الطبيعة و 2 آخرون معجبون بهذا.

توبليرون · 20-01-2016, 02:04 PM

اقتباس : المشاركة الأصلية كتبت بواسطة OLGA

ماشاءالله بالعافيه عليكم
مبين الاكل حلو كنت بجرب المطعم بس مادري ليش ما دشيته
كاكاو اللوبستر شكله يشوق ان شاء الله انجربه
شكرا ام حسين

الله يعافيج اولغا
چان جربتيه علشان نشوف الاذواق كلها ....يلا جربيه وعطينا رايج
الشكر لج لمرورج العسل

OLGAمعجبون بهذا.

فيصل · 20-01-2016, 04:37 AM

بالعافيه عليكم

مشكلتي ما أحب الا أستخدم اليد للأكل مع المأكلوات البحريه
يعني سالفه سكين وشوكه وقصقص وتعال ما فيه

توبليرون, الايمان, أبن السلطنة و 3 آخرون معجبون بهذا.

توبليرون · 20-01-2016, 02:11 PM

اقتباس : المشاركة الأصلية كتبت بواسطة فيصل

بالعافيه عليكم

مشكلتي ما أحب الا أستخدم اليد للأكل مع المأكلوات البحريه
يعني سالفه سكين وشوكه وقصقص وتعال ما فيه

الله يعافيك يابو خالد
صاج هذا يبيله بالايد علشان تتلذذ وتطلع كل اللحم من اللوبستر
ترى عادي ما تشوف حاطين لك صدريه علشان تاخذ راحتك
شكراا لمرورك العطر

|القحطاني|معجبون بهذا.

|القحطاني| · 20-01-2016, 11:36 PM

هالمرة سكينين ما هي وحدة هههههههه

كنهم يقولون "يا ام حسين قولي للقحطاني يوفى على عمره وقت ولا يجي ههههه"

والله شكل الاطباق تجوع اللي شبعان .. البرقر لازم يقص

والله لو فمي مثل التمساح ما يفتح على هذا الحجم

يبيله ضغط و الامور طيبة هههههه

الله يعطيك العافية

اقتباس : المشاركة الأصلية كتبت بواسطة فيصل

بالعافيه عليكم

مشكلتي ما أحب الا أستخدم اليد للأكل مع المأكلوات البحريه
يعني سالفه سكين وشوكه وقصقص وتعال ما فيه

هههههه صف معي يالذيب[emoji16][emoji23][emoji23]

Sent from my SM-N920C using Tapatalk

توبليرونمعجبون بهذا.

توبليرون · 21-01-2016, 12:17 AM

اقتباس : المشاركة الأصلية كتبت بواسطة |القحطاني|

هالمرة سكينين ما هي وحدة هههههههه

كنهم يقولون "يا ام حسين قولي للقحطاني يوفى على عمره وقت ولا يجي ههههه"

والله شكل الاطباق تجوع اللي شبعان .. البرقر لازم يقص

والله لو فمي مثل التمساح ما يفتح على هذا الحجم

يبيله ضغط و الامور طيبة هههههه

الله يعطيك العافية

هههههه صف معي يالذيب[emoji16][emoji23][emoji23]

Sent from my SM-N920C using Tapatalk

هههههههه لا مو سكينين شوكتين شوف اللي على اليسار فيها شوكات صغيره
البورغر لازم شوكة وسجين ههههه والا تاكل طبقه طبقه اريح لك
اي اللوبستر يبيله باليد افضل
بس عاد برستيجي ما سمح لي الا شوية
ما عليك اكل باليد عادي ياولد
شكراا على المرور العطر

|القحطاني|معجبون بهذا.

|القحطاني| · 21-01-2016, 12:45 AM

اقتباس : المشاركة الأصلية كتبت بواسطة توبليرون

هههههههه لا مو سكينين شوكتين شوف اللي على اليسار فيها شوكات صغيره
البورغر لازم شوكة وسجين ههههه والا تاكل طبقه طبقه اريح لك
اي اللوبستر يبيله باليد افضل
بس عاد برستيجي ما سمح لي الا شوية
ما عليك اكل باليد عادي ياولد
شكراا على المرور العطر

ما ذبحنا الا البرستيج .. ولا الواحد يأكل بادب ومرتاح الى ان جت ذا الشوكة و السكين الله يشغله في نفسه من جابها [emoji23] [emoji23] [emoji23] [emoji23]

Sent from my SM-N920C using Tapatalk

توبليرونمعجبون بهذا.