سلام عليكم

صباح الخير يا احلى أعضاء

راح أسدح لكم تقرير بسيط عن رحلتي دبي شهر مايو 2015 كان أفضل وقت كان وقتها أختبارات النهائية المدارس

تقرير راح يكون بدون صور لين أجهز صور بس واسدحها بنفس الموضوع


شرح مفصل :-

1- رحلة كانت ع خطوط الاماراتية كانت روعة تذكرة كلفتني 900 صافي قلعت طياره الفجر يوم الأثنين من مطار الملك فهد الفجر وصلت ع 6 ونص ورجعها رجعت يوم الاحد قلعت طيارة 9 وصلت 10 ونص تقريبا السعودية

2- سكن منطقة ديرة + منطقة جي بي ار الفنادق /

الديرة : فندق سكاي لاين 3 أيام = 425 بدون أفطار

منطقة جي بي ار : فندق أمواج روتانا أنصح فيه بشدة روعة وهدوء شي محترم طبعا جلست 3 ايام بـ 1865
بدون أفطار والله يعطيهم العافية انا حجزت غرفة مطلع ع البحر بس جانبية عطوني وحده بمطلة بالكامل + فطور يومين ورى بعض ع حسابهم طبعا . ... مين قدك

مصاريف رحلة من غير تذاكر سفر و الفندق تقريبا 7000 يعني مجموع لي صرفته 10000



3- مواصلات المترو + ترام + تاكسي احيانا +قطار اتلاتنس

أستخدم تاكسي لا طلعت من مول متأخر فوق 12 ومترو ساعه 12 يوقف

الترام أستخدمه لا بغيت اروح مرسى أو مارينا مول

المترو أستخدم بطاقة ذهبية بـ 25 درهم فيها 19 درهم طبعا ضاعت مني حول 3 بطاقات

قطار اتلاتنس : 25 رايح و جاي يمر على فنادق منتجعات ع جزيرة نخله

4- مولات لي دخلته دبي مول - أمارات مول - مارينا مول

5- أماكن سياحية

قرية مائية أتلاتنس = 280 درهم
ذا لوست تشامبرز حوض الأسماك : 100 درهم

تنبية : احد موظفات قالت اذ تبي تدخل قرية مائية نسوي لك خصم 50 بالمية ع حوض الاسماك يعني تصير 50 درهم مشكلتي اني دخلت اول شي حوض الاسماك قلت يالله مره ثانية مع نفسي ماتعرف عربي هههههههه

الامارات مول : قرية ثلجية (سكي دبي) طبعا ما دخلت لاني رحت لها قبل فترة دخلت تفريك ياليت ما دخلت جتني دوخة كلما نرتفع احس بدوخة لين وصلنا مطعم لي صاير بنص قلت خويي جعت هو مدري جعت من الخوف ولا جوع من البرد مشكلة هالحيوان يهتز كرسي لي راكبين عليه لا زاد طين بالله وقف 5 دقايق وحنا بنص رجعه قاعد اقيس بعد الارض لا طحنا وش بيصير فينا اهم شي انها عدت ارتفاعات عندي مشكلة

دبي مول : الأكورايوم 125 درهم تمشية ع حوض الاسماك وركبت بقارب مع مجموعه خذينا لفه على بركة الاسماك وحده من موظفات تعطي سمك اكل ويقعد يطامر واحد منهن طامر جنبي خرشني ملعون صلايب يازين من يصفقه بنعال

صالات السينماء = 35 درهم دخلت بالمول امارات + جي بي ار + دبي مول يعني 3 افلام شفته كلها روعة

- دخول برج خليفة 125 ريال

مطاعم والحلى :
- شيك شاك 25 درهم همبرقر وحده
- مطعم بحري ناسي أسمة موقعه بسوق البحار مقابل دبي مول ونافورة خذيت روبيان مع عصير برتقال طلع علي 190 درهم
- مطعم فايف قايز أكلت منه مرتين همبرقر عادي 45 ريال أتوقع
- مطعم صمد العراقي كباب بلبن وخبز مقطع صغار ومقلي حلوو 113 درهم
- مطعم حلاب خذيت مشوي مشكل فرع لي بالامارات مول 65 درهم ريش روعه باقي ما عجبني
- فلافل 5 درهم شغل محترم بالديرة بس ناسي أسم مطعم تشبع مررره نصحني واحد من العيال فيها
- مطعم بالجي بي ار لا تسئلوني عن اسمه لانه بالانلكيزي أكلت من عندهم لحم مفروم مع بطاطس مقلية طلعت بحساب 35 درهم
- مطعم بالجي بي ار صب واي غني عن تعريف : 20 درهم
- حلى سنبول أدمان علية أكلته بدبي مول + جي بي ار قطعة وحده 13 درهم
- باسكن روبنز 25 درهم
- تعشيت بوفيه مفتوح ع اليخت بـ 250 درهم خذ فينا تمشية مدته 2 ساعتين حجزت عن طريق مكتب سياحة بنفس الفندق أمواج
--------------------------------
نقاط حاب أذكرهـ :-

1- انا بصراحة من نوع لي اتردد اني اسئل احد لا ضعت خاصتن الاغلبية اجانب مثلا المترو ما اعرف وشلون استخدمه تروح ع فلوس امرر بطاقة اكثر مره او اني لا بغيت منطقة معينه ما اعرف متى يوصل ناس تطلع وتدخل وانا صامل هههههههههه جالس جالس ما كنت اعرف الخريطة وبعدهـ صرت أسئل وصرت اعرف وين اروح وين اجي منطقة لي ابيها كم تبعد يعني بالعربي من سئل ما ضاع اسئل ولا تنحرج بالعكس يختصر لك اشياء واجد

2- عليكم بالمترو أرخص بالكثير من تاكسي تخيلوو رحت من منطقة الديرة الى جي بي ار خذا مني 72 درهم لاني كنت مضطر معي شنطة سفر بعدين رجعت من جي بي ار الى الديرة بالمترو 20 ريال وأنصحكم بالذهبية لانها فيها مكان تحط شنطتك + وسيعة ولا فيها زحمة

3-لا أوصيكم بالمشي أولا مفيد المشي وثاني شي مناظر حلوه ماتفوتك بس أشتر الله يكرمكم جزمة طبية وأحلى جهاز ام بي ثري أطرب يا حبيبي خاصتن اذ مشغل رابح صقر أحصلك بالحدود هههههههههه


-----------------------

اتمنى أنكم استفدوو مني بصراحة عصرت مخي علشان اتذكرر
بخصوص صور ابسدحه ع كل منطقة او مكان زرته 5 صور لاني لي عندي فوق 500 صور ابرتبه وانزلة



أتنى أنه يعجبكم تقريري البسيط

بأنتظاركم أبي ردود تحمسني اول مره أنزل تقرير

بدايه جميله بانتظار التفاصيل والصور لا اقبل الى بسدح جميع المعلومات واولها ابى معلومات عن القطرا اللي باتلانتس كم محطه وصور له وهل تستخدم فيه النول ورايك باتلانتس والمدينه المائيه وحوض السمك ايهما احلى هو او الاكواريوم اللي بدبي مول ورحله العشا بالسفينه كانت بالمارينا او بالخور والعشا اي كان مشاوي او ايش

احب جو المغامره وتجريب كل ماياتي امامك


ههههه كني كثرت عليك لكن احب اعرف تجارب الاخرين حتى نستفيد بخبي باقي

نسيت لا أضيف حاجتين

1- ركبت ليموزين لكزس لا جيت اركب اتنحنح يعني من قدي هههههههههه حسبه من 50 يبدا اول ما اقفل الباب 50 يشتغل عداد طلع علي توصيلة 75

طبعا تاكسي العادية من 5 تكاسي لي تكلمهم ويجونك حسبه من 12 وفي سيارات خاصه تشوف بشوارع غير تكاسي لهم علامة معينه يبدا 7

2- خذيت شريحة بيانات من شركة اتصالات من المطار دبي 7 غيغا بـ 300 درهم بس تستاهل لاني جلست اسبوع بصراحة ما خلصت بس انفعتني

3- فيه برنامح حلووو جدا ممتاز فادني نزلت ع ايفون خريطة خاصه بدبي تكتب اي شي مطعم او اسم فندق ويعطيك الوصف بالعربي يقولك خذ يمين يسار ويعلمك كم باقي متر مره فادني خاصتن بجي بي ار
أسمه smart drive

القطار للي باتلانتس كم محطه وصور له وهل تستخدم فيه النول

نسيت لا اجاوبك عليه

قطار سكة وحده رايح وجاي له تذكرة خاصه بطاقة النول تستخدم مترو والترام والباصات وقارب تاكسي

انا كنت اجيه من جي بي ار اركب ترام اروح محطة الصفوح منها اروح اتلاتنس اظاهر مار حت بتاكسي رحت مشي مع الناس بلوحات حاطين تجاهات

هاذي صورته جبتها من نت

تقرير جميل ماشاءالله عليك يا شيخ

ننتظر الصور لكي نستمتع اكثر

فى دبى أكواريم ،، كنت حاجز مسبقا ولا حجزت من شباك التذاكر ؟؟؟؟؟
وهل لازم أحجز التذكر اللى ب 125 درهم ولا فى تذكره أقل لدخول الممر الزجاجى وكفى ؟؟
وايه رأيك فى صعود قمه برج خليفه ،،، ممتع ولا عادى ؟