26-01-2016, 01:22 PM
|
#3 |
مسافر متميز
تاريخ التسجيل : Dec 2014 رقم العضوية : 277 الدولة : البحرين الجنس : انثى المشاركات : 176
| 
ميلان: صحينا وفطرنا في فندق فينسيا واشتكينا لهم من الخداع الي تعرضنا له بانهم قالو جناح وطلعت غرفتين متصلتين واخذو ارقام التواصل ولا عمرهم ردوا علينا وكتبنا لبوكنج دوت كم ونفس الشي طناش. طلعنا من الفندق وركبنا الباص النهري واستلمنا سيارتنا وقررنا نروح الاوت لت في طريقنا لميلان علشان ما نضطر نسوق حوالي ساعه واكثر بالأيام الجايه . وصراحه كان قرار صائب لان الرحلة من فينسيا لميلان تقريبا ساعتين. وصلنا الاوت لت وتمشينا فيه وتسوقنا وتغدينا وعلى العصرية طلعنا لميلان. فندقنا كان موقعه رائع قريب من شارع الدومو مسافة مشي قصيره والفطور كان مقبول بس الريسبشن كان مو طايق نفسه ما أدرى ليش . حطينا العفش بالغرفة وأعطيناهم السيارة وقلنا نكتشف المنطقة حوالين الفندق واكتشفنا مطعم إيطالي صغير قريب من الفندق كان زحمه والانتظار طويل وكل الطليان ينتظرون قلت لزوجي خلنا ننتظر اكيد في سر لهذي الزحمة والسر كان الطعام اللذيذ. للأسف ما حصلت اسمه مع أنى اذكر ان سجلته علشان تقرير المنتدى. وبعدها رجعنا الفندق وارتحنا لرحله اليوم التالي. كان المقرر في هذا اليوم اننا نسوق لبحيره كومو فصحينا بدري وفطرنا واخذنا سيارتنا وانطلقنا بمشيئة الله الي بحيرة كومو. السياقة مرهقه في إيطاليا برغم وجود القوقل ماب وسهل جدا تتوه لان طرقاتهم معقده والشوارع ضيقه وقديمة بس طبعا إذا معاك سيارة ما تحتاج تدفع تكاليف المواصلات عامه وتكون عندك حريه التنقل والوقوف. طلعنا منطقه كومو تبعد حوالي ساعة ونص من ميلان وقفنا سيارتنا بمواقف قريبه من البحيرة واخذنا تذكره العبارة ليوم واحد وركبناها وكانت تجربه حلوه بعدها اخذنا القطار الصغير الي على نظام التلفريك وصعدنا قمة الجبل وتمشينا اهناك وتغدينا وصورنا وشرينا تذكارات كومو. بعد العصر طلعنا من كومو وتوجهنا الى لوقانو السويسرية المسافة جدا بسيطة بينهم ما تحس أنك طلعت من بلد ودخلت بلد ثاني .... حطينا الخريطه على بحيرة لوغانو واخذنا الطريق الى الجبل ونصعد ونصعد والطريق الجبلي مخيف ...لين اكتشفنا ان الخريطه خطا نزلنا من الجبل وتمشينا بالسيارة ونشوف نفسنا يم البحيرة بلوقانو.... قلنا الحمد لله ربي سهلها ... وجلسنا في كوفي شب علشان نضبط الخريطه لطريق الرجعة لأننا اكتشفنا متأخر ان الشريحة الإيطالية وقفت في سويسرا .... ورجعنا بالليل الى ميلان كان يوم جميل وطبعا توجهنا الى مطعمنا المفضل في ميلان وتعشينا عنده. اخر يوم بميلان خليناه للتمشي بالسنتر والتسوق رحنا الدومو والمنطقة المحيطة بالسنتر مكان ونيس والتمشي فيه متعه لاحظت ان أسواق إيطاليا أرخص اشوي من أسواق الدول الأوربية الثانية مثل النمسا وسويسرا. وطبعا تعشينا في نفس مطعمنا المفضل هههههه صار ادمان ... اليوم الأخير في الصباح ودعنا إيطاليا ورجعنا السيارة بالمطار. لفت نظري شي جدا إيجابي في مطار ميلان وهو سرعه وسهوله اجرآت التكس فري ...تروح لمكتبين وتخلص امورك ويدفعون لك كاش بلا لف ولا دوران. بعكس مطارات فرنسا وسويسرا اتحسهم ما يبون يدفعون لك ويحاولون كل الطرق والوسائل انهم يصعبون الموضوع لين تيأس. سامحوني ما حطيت صور بالموضوع ما أدرى ليش تحميل الصور عندي مهمه شاقه بس باحاول بالمستقبل اضبط الصور واحطهم. كانت سفره ممتعه الحمد لله. أتمنى ان تقريري يساعد كل واحد حاب يسافر هذي الدول وشكرا على وقتكم لقراءة التقرير. تحياتي ام ملاك | توقيع : Meme Bahrain | | يارب سخر لنا من الاقدار اجملها ومن السعادة اكملها
| |
|  |
17الاعجاب
العرض الشجري
المواضيع المتشابهه 
