سحرني حلاها و قلبي هواها و ابتلى ( الكويت 2015 ) - الصفحة 3

هاوية الاسفار · 03-02-2016, 07:19 PM

رجعنا الفندق و عطيت ولدي الكيمره و قلتله صورلي اللوبي لاني ما حصلت فرصة

اصوره دايم مزحوم

السيكيوريتي ما شاء الله عليه دايم مبتسم

مكان البوفيه

حمامات

قاعة البوفيه

الطاولات

الاستقبال

بعد الراحه توجهنا لاسواق السالميه ( المعلم )

تمشينا على السريع و ما عيبني شيء و بعدها كان اللقاء المميز و احلى ما في اليوم

لقائي ويا ام حسين اول الحضور و كويتية متنقلة و نمارق

توجهنا لمول 360 و اول ما دخلت كلمت ام حسين و كانت جريبه من الباب

و مشيت وياها ندور مطعم و وقع الاختيار على مطعم صباح و مساء لبناني

دخلنا و اخترنا اخر طاولة في المطعم و قعدنا نشوف المنيو

الكراسي وايد حلوة بس ما عندي صوره واضحة

نفتح المنيو و نشوف

الضيافة

المخلل و الزيتون من الضيافه و صبرنا لين يوصلون الخوات و طلبنا تبوله

متبل باذنجان

لوبيا بزيت اول مره اذوقها لذيييييييييييذه و صحن حمص

كبه

كبة بطاط و ورق عنب

حمسة بطاط و حمسة جبد

فتة باذنجان مقبولة بس مطعم ليلى يسويها احلى

عصير طبقات

2 ليمون بالنعناع

و هذا اعتقد عصير جزر

و هاي لافته كبيره في المول

بصراحه الاكل لذييييييييييييييييييييييييذ فوق ما تتصورون

و كان اختيار موفق و اذا زرت الكويت مره ثانية برجع و بجربه

انتهى اللقاء و ما حسينا بالوقت و عسا قعدتكم تنعاد و استانست وياكم وايد

و مشكورين وايد على الهدية و يزاكم الله خير

طبعا انا اول وحده مشيت لانه الصغير مأذي ابوه

و طبعا محد يتحمل العيال كثر الام

هاي الصوره الوحيده اللي صورتها للمول

و طلعنا من المول و مرينا المطعم المفضل لزوجي

و خلص يومنا الجميل

القاكم في اليوم الرابع

توبليرون, q8ya metnaqla, ملاك و 7 آخرون معجبون بهذا.

توبليرون · 03-02-2016, 07:38 PM

ياحلو المباركية بعيونج يام علي [emoji7][emoji7][emoji7]
وبالنسبة للصورة هذه

هذا نموذج لبوابات السور القديم
في بوابات للحين موجودة مثل بوابة الشامية اللي عند فندق الشيراتون
وفي بوابة المقصب بعد

اما هذا الصندوق رايحة عنه الكتابه وانا كملتها لج

وهذا الحلاو تراثي قبل كله نلاقيه في القرقيعان ونسميه" البرميت "

والعربيد قللت لج تلاقينه اغلى من اللبلوكات ونفس الموديلات
روحي البلوكات احسن

اما مطعم بيت ديكسون ما جربناه واكيد ما ورا شورج راي
عليكم بالعافية الاكل كله
متابعين هاليوم الجمييل معاج [emoji7][emoji7][emoji7]

Umhusoon
ارسلت بواسطة Tapatalk

هاوية الاسفار, OLGA, فارس من خيال و 3 آخرون معجبون بهذا.

هاوية الاسفار · 03-02-2016, 08:13 PM

اقتباس : المشاركة الأصلية كتبت بواسطة توبليرون

ياحلو المباركية بعيونج يام علي [emoji7][emoji7][emoji7]
وبالنسبة للصورة هذه

هذا نموذج لبوابات السور القديم
في بوابات للحين موجودة مثل بوابة الشامية اللي عند فندق الشيراتون
وفي بوابة المقصب بعد

اما هذا الصندوق رايحة عنه الكتابه وانا كملتها لج

وهذا الحلاو تراثي قبل كله نلاقيه في القرقيعان ونسميه" البرميت "

والعربيد قللت لج تلاقينه اغلى من اللبلوكات ونفس الموديلات
روحي البلوكات احسن

اما مطعم بيت ديكسون ما جربناه واكيد ما ورا شورج راي
عليكم بالعافية الاكل كله
متابعين هاليوم الجمييل معاج [emoji7][emoji7][emoji7]

Umhusoon
ارسلت بواسطة Tapatalk

الكتابه خبروني عنها بس ما كملتها
و احنا بعد نسميه برميت اي حلاوه حجمها صغير نسميها برميت
اللي مجربين المطعم طالبين اكل بحري يمكن الدواجن عندهم مب شيء و بعدين احنا كنّا شبعانين من الريوق
جربيه و عطينا رايج فيه

توبليرون, الايمان و محمدويوسف معجبون بهذا.

توبليرون · 03-02-2016, 08:48 PM

أحلى يوم لقائي فيج يا الغالية ام علي
وقعدتنا كانت حلوة والأحلى انها كانت لقاء عضوات المنتدى في الذكرى الاولى لافتتاح منتدانا الجميل

وكنت انا ماسكة تصوير اللقاء في السناب وهذه ام علي صادتني اصور للسناب

واسمحي لي ام علي بضيف تصويرنا بالسناب

العرايس لذيذة

الفتة لذيذة دام فيها بيديان

شكراا على الهدايا يا ام علي ليش مكلفة على نفسج

كانت هدايا حلوووة من الامارات الحبيبة [emoji7][emoji7][emoji7]

كانت خوش قعدة معاج وبسرعه خلص اللقاء
وربي يحفظ العيال ويخليهم لج
ويلا تعالي مره ثانيه ونوديج البلوكات

Umhusoon
ارسلت بواسطة Tapatalk

هاوية الاسفار, q8ya metnaqla, ملاك و 3 آخرون معجبون بهذا.

هاوية الاسفار · 03-02-2016, 08:55 PM

مسموحه كنت بقول اللي عندها صور تنزلهم لكن نسيت
و قعدتكم ما تنمل و ان شاء الله نشوفكم مرات و مرات
مشكوره

توبليرون, الايمان و محمدويوسف معجبون بهذا.

q8ya metnaqla · 04-02-2016, 02:18 PM

ياحلوها من يمعه معاج يا ام علي وصج الوقت مر بسرعه وان شاءالله انعوضها بالمرات اليايه
وسامحينا عالهديه البسيطة وانتي مشكووره وايد على هديتج ماقصرتي

هاوية الاسفار, توبليرون و محمدويوسف معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 04-02-2016, 07:11 PM

اقتباس : المشاركة الأصلية كتبت بواسطة q8ya metnaqla

ياحلوها من يمعه معاج يا ام علي وصج الوقت مر بسرعه وان شاءالله انعوضها بالمرات اليايه
وسامحينا عالهديه البسيطة وانتي مشكووره وايد على هديتج ماقصرتي

ان شاء الله بس عاد خبرينا اذا مريتي صوبنا

مب اتين لا حس و لا خبر

تستاهلون كل خير

توبليرون و محمدويوسف معجبون بهذا.

هاوية الاسفار · 04-02-2016, 07:28 PM

اليوم الرابع

الثلاثاء

22 / 12 / 2015

اليوم كان جميل من بدايته و شوفوا درجة الحرارة و احنا تونا الصبح الساعة 10

و هاي قالوصتنا في الحفظ و الصون من اول ما وصلنا و هم موقفينها ورا مكتب المدير

اليوم قررنا نتريق في مطعم بزة جريب من الفندق على شارع الخليج العربي

و عداله فندق بس نسيته يمكن شيراتون افيدوني يا خبراء

بسم الله ندخل

فيه جلسات فوق و تحت و العيال حبوا ييلسون فوق مع انه تحت احلى

هذا ورانا

اليلسة حلوة على الشارع بس كانوا شباب قاعدين

الديكور عجيب

نفس الغواري اللي عندي فيهم ازرق

المنيو

الصور بروحها تشهي

توبليرون, ملاك, فارس من خيال و 4 آخرون معجبون بهذا.

هاوية الاسفار · 04-02-2016, 07:52 PM

نكمل المنيو

كل صوره و عدالها الكتابة

عاد ما يحتاي تفكرون وايد قبل ما تسيرون المطعم شوفوا تقريري و اختاروا شو تبون

وصلت الطلبات و طلبنا ريوق البيت العود و يشمل

قرص بيض بالخبز و بلاليط

حمص و لبنه و جبنة فيتا و هردة ( طحينه )

فول و فلافل

قيمر مع عسل

غوري شاي حليب

و هذا اول ما نركب الدرج

توبليرون, ملاك, OLGA و 4 آخرون معجبون بهذا.

هاوية الاسفار · 04-02-2016, 09:16 PM

الحمدلله خلصنا من الريوق و شبعنا و زياده بس نسيت اسجل الفاتورة

بعدها قمنا ندور اماكن المخيمات و مشينا بعيد صوب المطار و كنا نبغي نغسل السياره

لاني كنت كارهتنا من الوساخه و الغبار و الصابون و كل ما مرينا محطة يشوفونها يقولون ما عندنا

مكينة الغسيل البريشر و يبغيلها غسيل بالبخار

و هاي صورة عيبتني في احد الفرجان

وصلنا لمخيمات الشرطة و قالوا بس الويكند يفتحون و المخيم الثاني شلوه من فتره

و رجعنا بخيبة امل
كنت ادور على محل عندي في الانستجرام موجود في منطقة الري و صلنا المنطقة و شفنا سوق الفقع

انا مب من محبين الفقع ما اشترينا بس تمشينا و انتقلنا الى مجمع الري

و شفت هالمحل نفسه ام حسين حطت صورته في تقريرها

وايد اشياء عيبتني بس ما ينفع اشتريها الا اذا بشحنها

و بعدها قعدنا ندور على وكالة سيارات تويوتا لانه لازم نغير الزيت و نسوي تشييكات على السياره

و درنا كم مكان ما عندهم خدمة السيارات الخارجية و اخيرا حصلنا محطة غسيل وقعدنا فيها يمكن ساعة

و هاي الحلوة يغسلونها

اخيرا تنظفت و بعد الغسيل حصلنا شركة ناصر الساير و هذيل كلهم ورا الافنيوز

دخلنا في المكتب و عندهم استراحة و تلفزيون و قعدنا اكثر من ساعة يابولي تركش كوفي

و هذيل عيالي استلموا الكيمره و قعدوا يصورون

يمكن فوق 50 صورة و كلها للسيارات و تعبنا و يعنا و عصافير بطنا بتصوصوا

و زوجي يقول تحملوا اهم شيء السيارة يشيكون عليها و تكون بخير و تردنا البلاد

خلصنا على العصر و على طول سرنا مجمع الصالحية و هاي مقبره ورا المجمع من صوب المصلى

توبليرون, ملاك, فارس من خيال و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني جمالك يا أوريغون	مقدام	بوابة امريكا	39	16-04-2022 05:25 PM
سويسرا ( انترلكن - جنيف - زيروخ - باسل - برن -لوعانو - لوسيرن )	AhmedAlkhoori90	بوابة سويسرا	22	02-02-2016 05:18 PM
سحرني جمالك يا ماليزيا	موج البحر	ماليزيا	9	24-01-2015 03:13 AM