افيدوووني الله يسعدكم - الصفحة 4

وجهات أوروبية · 11-02-2016, 02:34 PM

اقتباس : المشاركة الأصلية كتبت بواسطة ام دانه

الله يعطيكم العافيه ع الرد بالنسبه للحجز الوهمي لان في ناس قالو من بلد الوصول وان المانيا ماتقببل فيزا غير الالمانيه وغيره لازم تكون هي الاكثر اقامه واحنا اقامه فيها يومين او ثلاث ف حبيت اتاكد اكثر تجنب للمشاكل واكيد الطرق السليمه هي الافضل وبما ان خبراء هالمنتدى الغالي قالو بلد الاكثر اقامه ف عليها راح تكون نمساويه

وبالنسبه لموضوع السياره ف هالموضوع عند زوجي هو اللي تاكد لكن لاادري من وين مصادره ومشكورين ع تجاوبكم السريع ماانستغني عن ارائكم الطيبه

ياها ومرحبا اختي

بخصوص كلامج عن الفيزا الالمانيه
نعم صادفت حاله من احد اصدقائي سافر الى المانيا
لكن الوضع غير هم مستخرجينها من دول اخرى وليست المانيا
لكن كانو مسافرين فيها السنه الي فاتت يعني مستخدمه قبل
والمفروض يدخلون المانيا عادي لكن مع ذلك تم ارجاعهم

انا بقولج شنو تسوين اختي

انتي اقامتج في ميونخ ليلتين
وبعدها اعملي حجز صحيح اضافي بحيث تكون مده المانيا اطول من النمسا

ويكون حجز الغرفه مع الغاء مجاني ولاتلغينه
معظم الالغاء المجاني تقدرين تلغينه قبل الوصول للفندق بيوم او بنفس اليوم

بما ان اول ليلتين بكون الحجز صحيح
يعني عندكم وقت لألغاء الحجز
يعني الخروج من مطار ميونخ والذهاب الى الفندق
الغي حجز الليالي الوهميه وانتي بميونخ

كذا اشوفها انسب طريقه

وجهات أوروبية · 11-02-2016, 02:35 PM

بشرح مختصر عشان يكون اوضح

حجز ليالي اضافيه في ميونخ عشان تكون المده اطول
حجز الليالي الاضافيه يكون بألغاء مجاني
بعد الخروج من المطار والذهاب للفندق
الغي حجز الليالي الاضافيه بميونخ

بالتوفيق

وجهات أوروبية · 11-02-2016, 02:40 PM

اقتباس : المشاركة الأصلية كتبت بواسطة ام دانه

طيب وبالنسبه للبلد الاكثر اقامه هل يحتاج نسوي حجز وهمي والا عادي لان اقامتنا بتكون بس يومين بالكثير ثلاث ميونخ والباقي بالنمسا وشاكره لك تعاونك ربي يجعله بميزان حسناتك ماعرفت الاكيد لان كل واحد يحكي غير مره بلد الوصول ومره الاكثر اقامه

اختي الاكيد بأذن الله واخذي هذا الكلام وانا مسوؤل عنه

1- تستخرجين الفيزا من السفار الي راح تقيمين في بلدها مده اطول وليست اول دوله دخول

2- اذا تساوت مده الاقامه في الدولتين
تستخرجين الفيزا من دوله الوصول

لكن
المانيا احتمال اشوفهم مشددين اشوي مع ان تصرفهم خطأ
وطبعا هذا يرجع لموظف الجوازات ونفسيته
البعض يناحس ويعاند
لكن ان شاء الله الامور طيبه تطمني
واعملي الطريقه الي قلت لج عنها

حجز وهمي وتلغينه بعد الوصول للفندق في ميونخ
وتطبعين حجوزات الفنادق وتاخذينها للمطار معاج احتياط

وجهات أوروبية · 11-02-2016, 02:47 PM

للتوضيح اكثر

حجز توضيحي لفندق لو مريديان ميونخ
من تاريخ 22 مايو
وتاريخ الالغاء قبل 21 مايو
و موعد وصولكم تاريخ 20 مايو
اي قبلها بيوم
يعني يمدي الالغاء بعد الخروج من مطار ميونخ

ام دانه · 11-02-2016, 02:53 PM

اقتباس : المشاركة الأصلية كتبت بواسطة qa6ar911

للتوضيح اكثر

حجز توضيحي لفندق لو مريديان ميونخ
من تاريخ 1 اغسطس
وتاريخ الالغاء قبل 31 يوليو
اي قبلها بيوم
يعني يمدي الالغاء بعد الخروج من مطار ميونخ

بارك الله فيك اخوي شرحك ووافي وكفي لاحرمك الله الاجر والله احتسنا من كثر الكلام بالنسبه للفيزا لكن تجنبا للتعقيدات فاحتمال كبير نعتمد طريقتك يعني اخر يومين راح تكون ب ميونخ ونضيف عليها يومين او ثلاث قابله للالغاء وبعد خروجنا من المطار راجعين لديارنا يتم الغاءها شاكره لك عسى ربي يجازيك بالخير

وجهات أوروبيةمعجبون بهذا.

وجهات أوروبية · 11-02-2016, 03:02 PM

ويجزاج بمثله اختي
العفوو الله يسلمج

لا اختي لاتضيفين يومين او ثلاثه

لازم يكون حجز الفندق متوافق مع تاريخ العوده انتبهي
يعني ماتقدرين تحجزين الايام الاضافيه بعد اخر يومين لكم بميونخ قبل العوده

يعني اخر يومين بميونخ وسفركم مثلا 1 يونيو
لاتحجزين الفندق من 1 يونيو الى 4 يونيو مثلا
لان حجز الطيران عندكم قبل هذا التاريخ

احجز الفندق الايام الاضافيه ويكون متوافق مع تاريخ عودتكم الرئيسيه

يعني يا تحجزين من تاريخ 22 مايو الى 25 مايو
او تحجزين 27 مايو الى 30 مايو
ليس قبل او بعد هالتواريخ

وجهات أوروبية · 11-02-2016, 03:06 PM

انا شيكت على تاريخ سفركم

من 20 مايو الى 1 يونيو

المده 12 ليله

بس ابغي تقسيم سفرتكم الى في بالك حاليا

يعني من تاريخ كم الى كم في المانيا
ومن كم لين كم في النمسا

عشان اقولج اي تاريخ تحجزين الايام الاضافيه

ام دانه · 11-02-2016, 03:18 PM

اقتباس : المشاركة الأصلية كتبت بواسطة qa6ar911

انا شيكت على تاريخ سفركم

من 20 مايو الى 1 يونيو

المده 12 ليله

بس ابغي تقسيم سفرتكم الى في بالك حاليا

يعني من تاريخ كم الى كم في المانيا
ومن كم لين كم في النمسا

عشان اقولج اي تاريخ تحجزين الايام الاضافيه

الله يجزاك خير تقسيم سفرتنا الى الان مااكدت شي قلنا نخلص من الامور المهمه اول الفيزا وغيره
بس اخر يومين او ثلاث راح تكون بالمانيا وباقي الايام بالنمسا مقسمه بين مدنها زيلامسي والكابرون وقارمش سالزبورغ هذي اللي في بالي زيارتها اذا عندك تقسيم وترتيب ياليت تفيدني دعواتي لك على تجاوبك ووقتك

وجهات أوروبية · 11-02-2016, 03:24 PM

اقتباس : المشاركة الأصلية كتبت بواسطة ام دانه

الله يجزاك خير تقسيم سفرتنا الى الان مااكدت شي قلنا نخلص من الامور المهمه اول الفيزا وغيره
بس اخر يومين او ثلاث راح تكون بالمانيا وباقي الايام بالنمسا مقسمه بين مدنها زيلامسي والكابرون وقارمش سالزبورغ هذي اللي في بالي زيارتها اذا عندك تقسيم وترتيب ياليت تفيدني دعواتي لك على تجاوبك ووقتك

ويجزاج بمثله اختي

خلاص بأعتبار اخر يومين في ميونخ وباقي الايام بالنمسا
اخر يومين بميونخ يعني من تاريخ 30 مايو الى 1 يونيو
حجز الايام الاضافيه من تاريخ 25 مايو الى 30 مايو

يعني تحجزين من 25 مايو الى 30 مايو في ميونخ
بعد الخروج من مطار ميونخ تلغين الحجز

وجهات أوروبية · 11-02-2016, 03:25 PM

اقتباس : المشاركة الأصلية كتبت بواسطة ام دانه

الله يجزاك خير تقسيم سفرتنا الى الان مااكدت شي قلنا نخلص من الامور المهمه اول الفيزا وغيره
بس اخر يومين او ثلاث راح تكون بالمانيا وباقي الايام بالنمسا مقسمه بين مدنها زيلامسي والكابرون وقارمش سالزبورغ هذي اللي في بالي زيارتها اذا عندك تقسيم وترتيب ياليت تفيدني دعواتي لك على تجاوبك ووقتك

بخصوص المخطط انا اشوف ردودج وبخاطرج تزورين فيينا
او مب ضروري براحتج حسب رغبتج تقدرين تزورينها وتقدرين لا

على اساس احط الاماكن الاساسيه الي تبغينها تزورينها
وارتب لج الجدول بناه عليها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعدوني الله يسعدكم	BUTEERFLY	بوابة فرنسا	70	17-02-2016 02:49 PM
الله يسعدكم حايسه في جدول دبي	تولين علي	بوابة الامارات	5	05-12-2015 12:56 PM
الله يسعدكم استشارة ع السريع ..	nora	بوابة النمسا	5	04-06-2015 07:46 AM
الله يسعدكم رشحو لي فندقين بالسلطان احمد	متفائله	تركيا	17	04-05-2015 01:47 PM
فزعتكم الله يسعدكم	متفائله	بوابة النمسا	23	07-03-2015 07:17 AM