فلسطيني.
المكتب اعطاني الجوازات و قلي خليها معاك اذا جات الموافقه حنكلمك. للاسف انا مقدم من تاريخ 4. 7 ولا جديد. انا اجلت التذكرة كمان اسبوعين قلت خليني اعطي وقت اطول يمكن تطلع الموافقه. الغريبه اني مسافر قبل كده ٤ مرات وأولادي من مرة و مرتين. والله لو عارف انه حيكون كده ما كنت قدمت . كان ممكن اشوف مكان تاني.

السلام عليكم. Bador5566
ممكن اسال انتم لما قدمتم الجوازات قالوكم في المكتب أنه مطلوب موافقه أمنية بالكلام فقط ام اعطوكم ورقة مكتوب عليها طلب استاذان istizan.
لانه انا بعد انتظار عشر ايام اعطوني الجوازات وورقة هي عبارة عن وصل الرسوم من السفارة و مختوم عليها كلمة بالتركي istizan


رحت اليوم للمكتب قلي ما في اي موافقات وصلت

للاسف المصريين كمان بياخدوا رفض خصوصا لو مقدمين عائله

وعليكم السلام ورحمة الله وبركاته .. اهلا وسهلا
اخ محمود ما اعطوني اي ورقه لا استئذان ولا ورقه موافقه امنيه دفعت حق رسوم الفيزا عدد خمسه جوازات بمبلغ 1750 ريال

وللمعلوميه في ناس من جماعتني من الجنسيه اليمنيه عطوهم رفض فبصراحه ما ادري ايش اللي حاصل بالضبط في القنصليه التركيه ...

شكرا و جزاكم الله خير

أمس كنت بالمكتب
٣ عائلات وصلت موافقتهم.
عائلة من سوريا ...عائلة مقدمين على الفيزا من 15.6 و عائله افغانية بنفس التاريخ تقريبا.
و عائلة أخرى من سوريا مقدمين من بداية شهر ٧

^
طيب وش السبب في الرفض او الموافقه؟
هل يعني ان الموافقه اكيده بس يتأخر الرد!
خصوصا في عضو ما قالوا له عن سالفة الاستئذان
وخلال 15 يوم استلم الفيزا

لا الموافقه مو اكيدة لانه في ناس جاهم رفض اغلب اللي جاهم رفض جاهم بسرعه
السفارة هي اللي تحدد مين لازم ياخذ موافقه من عدمى عشان كذا في ناس بتطلعلهم عادي و ناس لازم موافقه أمنية واللي فهمته اللي طالع لوحده او زوجته فقط الفيزا بالاغلب بتطله او شباب لوحدهم بس اذا كان في أطفال ضمن عائله هنا السفارة تقرر اذا يحتاج موافقه أو لا. المشكلة على اي اساس ما في احد عارف. وهذي مشكله لو في معايير ممكن كثيرين ما قدمو اصلا و ضيعوا وقتهم و فلوسهم على الفاضي.

الحمدلله.
اخيرا بالأمس دخلت على موظف السفارة اللي بيطبع الفيزا ... وطلبت يشوف اذا جاني موافقه على istizan . دخل على السيستم و دخل رقم الجواز.....موافقه.
والان استلمت الجوازات وعليها الفيزا.

مده الانتظار تقريبا ٢٨ يوم .

الحمدلله
وشكرا لكل من تفاعل معي . و اتمنى لكل من ينتظر الفيزا انها تطلع قريبا له.

علي البركه محمود