نامت عيوني على حسنك ؟؟ - الصفحة 3

Raky · 20-01-2015, 12:41 AM

تقرير فوق الممتاز سنستكمل سمع الموضوع الجميل لكن الاسم غريب

Bu Rashed Al Shamsi · 20-01-2015, 10:31 AM

انا كان خاطري اسير شامونيه بس ياله اليايات اكثر ان شاء الله
تقرير ممتع

شارلوك هولمز · 20-01-2015, 01:43 PM

روووووووعه مشرفتنا جددتي الذكريات وولهتي القلب

تصويرك روووعه واسمتعت معك تسلم ايدك

هولمز

q8ya metnaqla · 20-01-2015, 09:06 PM

بعد ماخلصنا من شامونيه

ضبطنا القارمن وتليفوناتنا على الجميله

Anncey

من chamonix الى anncey

اخذ الطريج منا ساعه وكان حلو وبسيط وخذيت احداثيه الفندق من اخوي مقدام

ووصلنا انسي الرائعه وهذي صورها

هلا بالطيب الغالي عزيز وشوفتك منوه

صورني واصورك

ولي في ربوع الشمال غرام

حي وزنبقة طاهرة

تعيش على حلمها باللقائي

على دفىء أمنية عطرة

على وجهها سمة الأبريائي

وفي خدها حمرة آسرة

وفي رأسها فكرو العاشقينا

هي الوحي لي وعروس الخيالي

وملهمة خاطرتي الشاعرة

سويعات حب أحن إليها

وقد عشتها نشوة ساحرة

ستحيا أفاويقها في دمي

ويملئ بخورها الذاكرة

أنا ليه مين الا حبيبي وصفولي الصبر لقيته خيال
وكلام في الحب يا دوب يتقال أهرب من قلبي أروح على فين

بتمر ساعات بعد لقانا
والروح لوجودك عطشانه
توحشني عينيك
وبلاقي الدنيا بقت فاضيه
مع انو الناس رايحه وجايه
وانا بحلم بيك

وساعات بتمنى اني اشوفك
او حتى اشوف منك طيفك
مع حلم جميل
وما بين لحظه وبين الثانيه
اسمع صوتك مالي الدنيا

ونرد حق الخماجير وخذينا بريد وشربنا قهوه

الورد جميل .. جميل الورد
الورد جميل وله اوراق ..
عليها دليل من الاشواق
اذا اهداه حبيب لحبيب ..
يكون معناه وصاله قريب ..
شوف الزهور واتعلم ..
بين الحابيب نتكلم
شوف .. شوف ..
شوف الزهور .. واتعلم

انسي ماادري شكتب عنها جد جد حلووووه حبيتها واايد

القعده في قهاويها وجوها اللي يرد الروح لو انت مو شاعر راح تشعر

الايمان, هاوية الاسفار و فارس من خيال معجبون بهذا.

q8ya metnaqla · 20-01-2015, 09:53 PM

وبعد مافرينا عند القلعه وسكيكها رحنا باتجاه البحيره واجرنا القاري البحري

سكت الكلام وخلص الكلام في ابداع الخالق

الطبيعه ترد الرووووووح سبحان الله

رسينا يا شواطي الشوق رسينا
والاماني فوق ..

تقريبا تمينا في البحيره ساعه اجرنا نص ساعه القاري البحري وبعدها نص ساعه طراد

بعدها خلصنا ورحنا سيارتنا وضبطنا القارمن على الفندق

المسافه من anncey الى montreux

ساعه ونص

وصلنا مونترو صلينا وبعدها على طوووول مطعم اورينتال

Le Palais Oriental

طاقنه اليوووع عدل وطلبنا وهذي طلباتنا وفي اشياء راحت علي

حمص - تبوله - فلافل - فتوش -

الاطباق الرئيسية

مرق باميا

تكا

كباب

المطعم بعطيه 4.5/5

لو ما الهوشه البسيطه اللي صارت اول مادشينا نبي طاوله حق 4 سيده قعدنا يم الباب ماسألنا وين تحبون انا عصبت اشوي وقلت مانبي اهني وبنغير وغيرنا بعدها امي عيزت وتبي تقعد القرسون حضرته مو راضي تقعد الا لما يرتب الطاوله ونتهاوش معاه ونقعد امي والمشكله نقوله امي بتقعد احنا بننطر على ماتربها لانها تعبانه مو راضي احنا عاندناه وقعدناها وبالاخير كلمنا المسؤل واعتذر منا

بس الاكل لا يعلى عليه بصراحه

وفاتورتنا تقريبا 180 فرنك لاربع اشخاص

والحمدلله على النعمه

اسرح ورى فكري شكثر محتاجلك
واسري بليل وانت بايدي سراج
امشي على نورك يجرني شعورك
خطوه ورى خطوه الوذ في سورك

وانتهى يومنا الثاني

على امل القاكم باليوم الثالث واتجاهاتنا الى اين ؟؟

الايمان, هاوية الاسفار, فارس من خيال و 1 آخرون معجبون بهذا.

q8ya metnaqla · 20-01-2015, 09:58 PM

اقتباس:
المشاركة الأصلية كتبت بواسطة Raky

تقرير فوق الممتاز سنستكمل سمع الموضوع الجميل لكن الاسم غريب
مرورك وكلامك الاحلى - اي اسم فيهم

اقتباس:
المشاركة الأصلية كتبت بواسطة Bu Rashed Al Shamsi
انا كان خاطري اسير شامونيه بس ياله اليايات اكثر ان شاء الله
تقرير ممتع

شامونيه حبيتها صغيره وهاديه حلوه حق راحه - ان شاءالله الله يكتب لكم زياره - شرفني مرورك بوراشد

اقتباس:
المشاركة الأصلية كتبت بواسطة شارلوك هولمز
روووووووعه مشرفتنا جددتي الذكريات وولهتي القلب

تصويرك روووعه واسمتعت معك تسلم ايدك

هولمز

كلامك الاروع يا هولمز وان شاء الله الياي يعجبك الله يسلمك -
نورتنا

q8ya metnaqla · 20-01-2015, 10:01 PM

اقتباس:
المشاركة الأصلية كتبت بواسطة BoAziz2001
يعطيج العافيه علي السرد المميز
سويسرا من احلي دول العالم ، الطبيعه عجيبه
متابعين للاخر
تحياتي

الله يعافيك بوعزيز
اي والله طبيعتها خيااال - خلك معاي وان شاءالله الياي يعجبك

q8ya metnaqla · 20-01-2015, 10:07 PM

اقتباس:
المشاركة الأصلية كتبت بواسطة الغردقاوي
هههههه حلوه الدخله بالملاليم بس المليم بطلوه من زمان
والتعب فعلا في الأماكن المرتفعه من نقص الأوكسجين
فعادي لا تحاتين
الصور رائعه والطبيعه سبحان الخالق ساحره
وصورة إشراقة اليوم على البحيره وأشعة الشمس تتدلى عليها في غاية الرومانسيه

أكملي متابعين

هههههههههه
اشوه الحمدلله انا ارتحت لما عرفت من الاوكسجين
اخييه الطبيعه برحها تتحجه من جمالها - اي اتينن اشعه الشمس على البحيره ..
تسعدني متابعتك يالغردقاوي

فيصل · 21-01-2015, 04:56 PM

شاموني
أنسي من أجمل المناطق الفرنسيه المحاذيه لسويسرا
تصوير رائع

q8ya metnaqla · 21-01-2015, 06:02 PM

مسائكم خير وبركه

اليوم جزء يديد وخفيف على مااضبط الصور والفيديوهات

واتمنى يعجبكم

بعد ما طلعنا من مونترو وتوكلنا على الله ضبطنا القارمن على وجهتنا الثانيه

وهذي بعض الصور من الطريج

مرني مرني

اذا الوقت يسمحلك وتقدر

وقفنا اهني وصورنا عند هالمطل واسمه Jaun-Bellegrade

المنظر يقووووول لاتمشوووون والله نزلنا من السياره حفاي من غير جواتي عزكم الله

عمري كان خطوات في درب الامان

والزمان ماكنت احس انا بزمان

انا اللي هدني السفر ( لاماهدني والله )

ترا واحنا واقفين اهني انا صرخت من قمت راسي ليش ماادري بس حبيت اصرخ

كان الله يسلمكم طريجنا من مونترو الى آسرة القلووووب انترلاكن

from : montreux to interlaken

الطريج كان حلوو مع اشويه جبال وتعب بس الحمدلله

واخذ منا وقت ساعه ونص

وصلنا الى ملكة الجمال انترلاكن

وكان فندقنا اسمه : Lindner Grand Hotel Beau Rivage

مصنف : 5 نجوووم

لكن للاسف حتى 2 وايد عليه

الفندق من برا وشكله اللي يشوفه يقول وااو بس داخل يقول واويلاه شنو هالحظ

تقيمي للفندق جدا سيء الاثاث ولابيزة قدييييم ومتهاااالك والغرف صغيره

البرده (الستاره) ابسط شي وصخه

- بصراحه ماحبيت الفندق وضاق خلقي عليه حتى قلت للقروب نكسله وناخذ فكتوريا بس للاسف كان فل رضينا بالامر والواقع وقعدنا فيه وقزرناها بما ان مدتنا مو طويله.

بس انا ما انصح فيه حتى لو مده قصيره بصراحه حسيت B & B

عطونا نظام شقه فيها غرفتين وحمامين عزكم الله وهذيل بعض الصور وبتشوفون الحجم والاثاث ..

اللي تعجبت منه كان متروس خليجين مع انه موحلووو

الفندق من الجهه الامامية

ومن الجهة الخلفيه

الشقه

وحده من الغرف على النهر ووحده على مواقف السيارات

الحمام عزكم الله واحد صغير وواحد جبير

تكملة الغرف

وهذي الجهه اللي تطل على النهر

الممر

مكان الريوق

بعد ما ضاق خلقي من الفندق القروب كان يبي يريح قلت ماكو راحه الا وقت النوم لما نكون متليشين عدل نرتاح

خذيتهم وضبطت القارمن ورحنا قعدنا نشوف هالمنظر اللي بس يخليك تقول يالله ارزقني الينه

مطل لانجيرن lungern

n46 32.0544

e 008 08.591

نور خده يشبه البرق المنير

او كما برق تجلى من سحاب

بعد المطل والتصوير والسرحااااااان الى اخر مدى رجعنا ادراجنا

قطينا السياره الفندق وعطونا كروت الباص

طبعا اهني اقتراح اختي نتمشى في الباص اهي ونبع الحنان

رحنا ركبنا خذينا الباص اللي يم فندقنا وقطنا على محطة القطار الثانيه يعني طالعين فيها نبي ينزلنا لي البحير

اللله وكيلكم ماكو احد بالباص غير العيايز اللي حسيت نبع الحنان عمرها 30 واحنا الياهال من كثر ما اهما كبار مشاءالله

المهم ركبنا الباص الثاني ويصعد فينا ويبعد عن البحيرات ويصعد الجبل قلنا لا بالله لاطبنا ولا غدا الشر وين رايحين وشلون نرد قلت حق بنت عمي شوفي الجهه الثانية اذا في محطة عشان اطق الجرس ننزل ونبدل بالثانية اشوه حصلنا عقب مانزلنا والله ماقصر السايق قال وين بتروحون احنا في الجبل قلنا بنروح انترلاكن جان يقول نطروا ويدق على الباص الثاني ويقوله اوقف في قروب اخذهم معاك والله ضحكنا على اشكالنا واحنا نركض نعبر للجهه الثانية وناخذ الباص والعياييز كلهم يضحكون علينا اثاريهم رايحين بيوتهم فوق الجبل

المراد لا حد يتفلسف ويركب الباص ويعدي البحيرات من تشوفونهم طقوا الجرس ونزلوا لاتصيرون مثلنا

بعض الصور من طريج الباص

ناطرين الباص الثاني اللي صعدنا معاه لي الجبل )

ونعدي البحيره بكل ثقه

مهما نصير ابعاد

لابد نلتقي لابد لنا ميعاد

اسفه امون اذا شفت هذا الشي ما اقاومه وانسى ابو القهوه ومنو يقول اني اشرب قهوه للاسف موراعية قهوه اكل الكاكاو صرف

اهما طلبوا بس انا ظليت قاعده اهني

بعد ماخلصوا من قهوتهم وانا من ككاوي

رحنا تغدينا في المطعم الامريكي

Hooters

بعض الصور من طاولتنا

وصلت المقبلات

الاطباق الرئيسية

للاسف الشديد ماجربتهمنبع الحنان مارضت وحلف وزف

البارشوتات

الحديقه اللي ينزلون فيها المظليين

قلبي يفرفر عليهم

مقدر على بعدك لحظه ولا أصبر
كل دنيتي بقربك يا سيدي واكثر
أنا إلي حبيتك وأنا إلي شلتك فوق
وأنا إلي عزيتك وشلون أداري الشوق
ياحبيبي ياحبيبي وبصبر

القاكم في الجزء القادم انشاءالله

واتمنى ينال اعجابكم هالجزء

وسامحوني على التقصير

الايمان, هاوية الاسفار, فارس من خيال و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الأسواق والتسوق في إيطاليا .. بقلم ام عيوني	فريق التطوير	بوابة ايطاليا	15	26-08-2019 05:51 AM