البحرين ...رحت وإلا ما رحت ؟؟ - الصفحة 18

توبليرون · 01-03-2016, 10:11 AM

اقتباس : المشاركة الأصلية كتبت بواسطة فارس من خيال

اتاريكم رجعتم مره ثانيه
انا تابعت اول جزء وافكر خلاص تكنسل السفر هههههههههههه

يالله خيره ان شاء الله لكم

وصلت ص8 ولي عوده لاكمال ماتبقى من التقرير الجميل

لا لا رجعونا وردينا ثاني يوم بالجوازات
الحمدلله الخيرة من رب العباد
ان شاءالله تكمل معانا للآخير
خذ راحتك يا ابو راكان
مرورك يشرفني

فارس من خيالمعجبون بهذا.

توبليرون · 01-03-2016, 07:07 PM

يا حي الله العرب المسافرون
ببوابة البحرين الغالية

نكمل معاكم سفرتنا وثاني يوم

بعد الريوق والحمدلله على نعمه الكثيرة

تجهزما وقلنا بنروح مكان جديد سمعنا عنه طبعاا هني
ومنو غير العرب المسافرون سباق بهالشي ؟؟

المهم طلعنا وقلنا للباجي تعالوا ورانا

وهذا الفندق من بره

ونشوف وين يودينا الطريج

ياحلووو شوارع البحرين

الصور مرة تصيب ومرة تخيب

ووصلنا المكان المطلوب

السوق الصيني

مدينة التنين

المكان بعييد شوي عقب المحرق او اخر المحرق

بس في مشروع سكني كبير بعده واعنقد هذا اول الاسواق فيه

والرسومات للمشروع على الاسوار اللي حاطينها بكل مكان

مواقف للسيارات كثيرة

ودخلنا

تقريبا نص المحلات مبطلة مفتوحة والباقي للحين

المعلقات الصينية تزين السوق

نوقف شوي ونراويكم البروشور وخريطة السوق

الخريطة

التنبيهات وغيرها

بالنسبة للغة ترى مو وايد يعرفون انجليزي والا عربي بس يفهمون ان شاءالله

ومخطط السوق

يلا نكمل تجوولنا بالسوق (( متعوب عليها ))

عجبتني طريقة عرض الأقمشة

ملابس نسائية

كل شي يبيعون

وهذا محل تراثي ادوات حلوة عن البحرين وادات طواويش اللؤلؤ

بغيت هذيل بس غاليين وايد

اقصد المحارة اللي فيها لولوة

شغل الطواويش تجار اللؤلؤ
وادوات قياس احجام وحبات اللؤلؤ

شغل الغواصين وفلق المحار

للحين بنفس المحل

عجيبين

وهذا كتاب يتكلم عن اللؤلؤ والدانات واللي شايلته أغلى دانة

مشترواتي كانت بسيطة

اخذت هذه القاعدة للايفون والايباد

واخذت هالصحن من المعرض التراثي البحريني

وقعدت شوي اريح بالكافيه

وطلعنا بعدها نبي غدااا وأكيد تعرفون وين بنروح

ها يا الربع والربعات .....عرفتو وين رايحين ؟؟؟

يلا نكمل بعدين ............ وراي موجب لازم اروح
وبرجع اشوف شطارتكم عرفتوا المكان والا لأ؟؟

مجدي, q8ya metnaqla, هاوية الاسفار و 6 آخرون معجبون بهذا.

مجدي · 01-03-2016, 07:18 PM

مسامحينك ام حسين
ربنا يديم الأمن والأمان على الأمة جمعاء

الأكل رائع كالعادة صحة وهنا

السوق الصيني شوقني للصين
يلا ان شاء الله قريبا

مستنيين نعرف وين رحتو ....

sent from Galaxy Note 5 using Tabatalk

توبليرون و نانا ابو عابد معجبون بهذا.

عشقي السفر · 01-03-2016, 10:14 PM

ما شاء الله تبارك الله

صراحه حمستيني زياده وعزمت على البحرين هالويك اند باذن الله

بغيت اسالك ماهو انطباعك عن السوق الصيني هل اصبر عيله شوي او يستاهل اني امر عليه والاسعار فيه مناسبه مثل اسعار السوق الصيني اللي بالامارات

أمممممم اتوقع محطتكم القادمه واللي راح تتغدون فيها هي جزر امواج لأن هي الاقرب لكم

مع تحيات عشقي السفر

توبليرون و نانا ابو عابد معجبون بهذا.

q8ya metnaqla · 01-03-2016, 10:18 PM

عليج بالعافيه المشتريات والله يحفظ دانتج

ممممم شكلكم امواج ؟

توبليرون و نانا ابو عابد معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 02-03-2016, 12:33 AM

المحلات في الصيني تقريبا نفس اللي عندنا انزين جان غيروا الديكورات عَل الأقل
أمس خواتي ساروا الصيني المبنى اليديد و يقولون وايد راقي و كأنه مول
ان شاء الله اذا سرت بسوي تقرير
و انا ما عرفت وين بتتغدين مع اني ادل الشوارع عدل و كنت أسوِّق بروحي في البحرين
بس يمكن كملت اربع سنوات من اخر زياره
متابعين

توبليرون, نانا ابو عابد و عشقي السفر معجبون بهذا.

توبليرون · 02-03-2016, 12:46 AM

اقتباس : المشاركة الأصلية كتبت بواسطة مجدي

مسامحينك ام حسين
ربنا يديم الأمن والأمان على الأمة جمعاء

الأكل رائع كالعادة صحة وهنا

السوق الصيني شوقني للصين
يلا ان شاء الله قريبا

مستنيين نعرف وين رحتو ....

sent from Galaxy Note 5 using Tabatalk

اللهم آمين يارب العالمين
وتسلم يا مبدعنا مجدي
ان شاءالله تروح الصين وترد لنا بالصور الجميله وبتكون من الروائع

البنات جاوبو وين بنروح تابع وشوف
جاي لك الأكل

نانا ابو عابد, مجدي و فارس من خيال معجبون بهذا.

توبليرون · 02-03-2016, 12:51 AM

اقتباس : المشاركة الأصلية كتبت بواسطة عشقي السفر

ما شاء الله تبارك الله

صراحه حمستيني زياده وعزمت على البحرين هالويك اند باذن الله

بغيت اسالك ماهو انطباعك عن السوق الصيني هل اصبر عيله شوي او يستاهل اني امر عليه والاسعار فيه مناسبه مثل اسعار السوق الصيني اللي بالامارات

أمممممم اتوقع محطتكم القادمه واللي راح تتغدون فيها هي جزر امواج لأن هي الاقرب لكم

مع تحيات عشقي السفر

ان شاءالله تروحين وتستمتعين يارب
السوق الصيني والله الاسعار ماهي رخيصه وايد ولا هي غاليه

وبالنسبه للفرق بينه وبين اللي في الامارات
اصلا مافي فرق لأنهم فرع تابع للي بالامارات
اغلب المحلات يعطونا اكياس عليها العنوان اللي بالامارات

وانا مارحت اللي بالامارات فمادري اعتبر الاسعار حليووة
وخاصه الأثاث للحديقه وايد عجبني كنبات ومظلتهم وطاولاتها
يمكن تكفي 12 شخص
سعرها ب100 دينار بحريني
قلت اخذها الحين ... بس اشلون اشيلها خخخخ

توقعج في محله برافووو
تابعينا

نانا ابو عابد, عشقي السفر و فارس من خيال معجبون بهذا.

توبليرون · 02-03-2016, 12:52 AM

اقتباس : المشاركة الأصلية كتبت بواسطة q8ya metnaqla

عليج بالعافيه المشتريات والله يحفظ دانتج

ممممم شكلكم امواج ؟

الله يعافيج ابرار العسل
ويحفظج لوالدينج ويحفظهم لج
اي صح اموواج براافووو

نانا ابو عابد, عشقي السفر و فارس من خيال معجبون بهذا.

توبليرون · 02-03-2016, 12:56 AM

اقتباس : المشاركة الأصلية كتبت بواسطة هاوية الاسفار

المحلات في الصيني تقريبا نفس اللي عندنا انزين جان غيروا الديكورات عَل الأقل
أمس خواتي ساروا الصيني المبنى اليديد و يقولون وايد راقي و كأنه مول
ان شاء الله اذا سرت بسوي تقرير
و انا ما عرفت وين بتتغدين مع اني ادل الشوارع عدل و كنت أسوِّق بروحي في البحرين
بس يمكن كملت اربع سنوات من اخر زياره
متابعين

لانه تابع للي عندكم يام علي
عرفنا من الأكياس

السوق الصيني عندكم مازرته
لأن الاغلب يقول لنا اغراض صينيه ادوات كهربائيه وغيرها
وما فكرت ازوره لأن البضاعه الصينيه ما تستهويني

المهم انتي علمينا على السوق الجديد علشان نروح له
لا لا لازم تروحين يبيلج سفره
هذه جزر امواج اللي فيها نادي الشاي
تابعيني

هاوية الاسفار و فارس من خيال معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM