البحرين ...رحت وإلا ما رحت ؟؟

توبليرون · 23-02-2016, 11:38 PM

العرب المسافرون
البحرين

يلا نكمل معاكم اليوم الأول

اولاااا هذه الباقة لكم لمتابعتكم اللي مثل جمال وريحة الورد

بعد الغدا ريحنا بالنوم ساعتين
وبعدها قعدنا انا وغنومة قبلهم وتجهزنا ورحنا فوق براويها حمام السباحة
قلت لكم ما شفت شنو مكتوب بالاوراق اللي على الطاولة خخخخخخ
لقيناهم صيانة
وهذا محل الالعاب نفسه اللي بتقريري النحشة

رجعنا لتحت خفنا بس العمال هناك مع انهم ما كلمونا ولا التفتوا علينا

رحنا للولبي وتعرفونا انا وغنومة لازم نجرب عصيرهم ههههه
بعد الغدا ما حبينا نجرب الحلويات من الكافيه

عصير منجا حق غنومة وانا عصير برتقال

حسين ينطرونا

وانا انطر الباجي

وقلت أصور شورااااااااي

وآآآخ على حب هالعلم .........كاهو عساه دايم مرفوع بالعالي مع اعلام دول الخليج الشقيقة

ودخلنا للسيتي سنتر
زحمة كان .....بس تمشينا شوي عادي

دينا ما قدرت اصور بالمحلات تعرفين الزحمة والعوايل

بس صورت الأكلات

قعدنا انا والبنات في باول بيحلوون بعد التمشي

اموون ميلفيه لذيذ هذا لي ......بسس يلعوووس الشكر
حلاته جذيه من الصحن يالأيد وسيدا للحلج بقرمات هههههه
اهني انضم للقحطاني ضد الشوكة والسكين

نشوف طلبات البنات

سلطة فواكه

أكلير بالشوكلاتة

والكيكة الألمانية

وكابتشينو لي وثاني للبنات وقهوة فرنسية معاهم حتة كيكة

عصير ليمون

والفاتورة

هالمرة الحساب على البنية يا بلااااش

وبعدها رحت شريت لي نظارة شمسية

مو ربعي

هذيل لي

ومبروووك علي

دخلوو البنات بفيرجين
دخلت معاهم شوية وطلعت

انتظرهم بره
وهذه صور من سناباتهم

وبعدين تمشينا وتشرينا

زحمة على السينما

وافتريت على محلات البخور واشتريت من الرصاصي الوالدة تبي منه

ايهووو حلووو

اتعقد من الريحة مثل الشكل ياخوان بعد الشم تلاقي كلهم نفس الشي
الغالي والرخيص

اما المخشوش داخل ما اطلبه وايد غالي
الحمدلله اشتريت بسعر متوسط

اشترينا من كاكاو المشروم الكيلو بسعر 15 دينار بحريني وايد غالي

وغنومة شرت لصديقتها اعتقد نص كيلوو

الجيس عجييب النايلون السميك

وبعد التسوق الصغيروون بوحسين قال ماني رايح بيشوف المباراة
ورجع الفندق
طلعنا وطريجنا للمحرق ولأن حسين يبي يرجع باجر قال خل نروح نشتري
حلوى ومتاي

قلنا يلا معاك كلنا رحنا معاهم

اليت الجفير

وصلنا المحرق وللشويطر

ومشترواتي

البطل الأحمر صبغة الزعفران وماي الورد.......وبهارات ومتاي

وحلوة تين وحلوة ملكية

العلب مزينة بصور اعلام الخليج العربي

يا يلااااااااديييي

كل شي عندهم ما شاءالله

وهني صايديني البنات وانشششششررر للعايلة

اقول له ابي قهوة مع الحلوة بشرب
يقول مافي
والا ذاك الصوب اشوف العامل الثاني عنده قهوة ويصب لعايلة دخلت ورانا
قلت له مافي هااا تبي ارجع اللي شريته منك الحين

راح وياب لي غصبا عليه .....العامل الهندي .....ايا الهندي يعني سبيته الحين انا هههههه

لا وبعد على هالمشتراة والقهوة والتشرط
الحساب مادري جم
اللي دفع زوجة حسين استحيت منها فشلة ما خلتني ادفع

استانسنا على النت من حسين والسنابات تشتغل هههههه

وحلووة صورة اللوغو لقوطي الحلوى

ولوغو الجسر

وقالو نبي عشا من جسميز المحرق

شغلهم نفس ماكدونالد وطعمه لذيذ

أنا اصور ويصوروني

وأنشششررررر للعايلة

الحساب عاد هالمرة علي

بعد العشاء رحنا للفندق ما نزلنا اغراض المحرق خليناهم بالسيارة

ورجعنا مع حسين ورحنا السيف نبي نشوف الأفلام الهندية اللي كانت ممنوعة من العرض بالكويت

اول واحد هذا ودخلنا الفيلم الساعة 11

الكولا وراكم وراكم حتى بالطابور

وهني ننطر انا وغنومة
عند الكراسي بالممر وكان وايد جالية الهندية مع عيالهم يهال نص الليل بالسينما

تبون تعرفون اسم الفيلم

وتم منعه لأضطهادهم الفتاة المسلمة .........من مصدر مسئول من مراقبة الأقلام بالكويت

شرينا تفيش وبيبسي للبنات وانا ماي بس مع ام اند امز

ما احب هذيل لان نفس الريد بول ما احب طعمهم

علبة الكلينكس ذكرتي بلبنان جذيه كلينكسهم
قصدي جيس نايلون مو غلبة كرتون

دخلنا الصالة وبدت الدعايات
عجبتنا دعاية عن الحجز للسينما بالأون لاين من أبناء البحرين روعة

واشتغل الفيلم
وتصويري الحلوووو

البطل

الديكورات متعوب عليها

البطلة المسلمة

الزوجة الغير مسلمة للبطل

وبعدهااا رجعنا البيت بعد فيلم هندي طويل

يستحق المنع برايي

ان شاءالله استمتعواا بهذا الجزء الجميل
كيفي جمييل ههههههههه لا لا انتو ورايكم قولو جميل والا لا

ونشوفكم باليوم الثاني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM